مشكلة غريبة جدا :- فتحات تكييف الفيرنا مش بتطلع هوا خالص ؟؟ والحل

[amrmousa2007]

امبارح بجرب تكييف الفيرنا لقيت الفتحتين اللي في التابلوه فوق الكاسيت مش بيطلعو هوا
مهما غيرت من وضعية بكرات التكييف الثلاثة
مع العلم ان باقى الفتحات شغالة لكن لاحظت كمان ان البكره بتاعت الاوضاع اللي في النص لما بتتغير مش بتاثر على مخرج الهوا سواء من فوق او من تحت
حد حصلت معاه المشكلة دي قبل كده ؟؟؟
وانتو رأيكم ايه الحل ؟؟؟

[memodina1]

بص يا باشا فى درج التابلوة لو فتحتة للاخر هتلاقي سلك ممتد عامل زى سلك وير متركب فى زرار التبديل للفتحات دا لو اتقطع هتلاقى الفتحات اتسدت عشان مبقاش فى تحكم فى مداخل الهوا شوفة وقولنا عملت اية

[amrmousa2007]

المشاركة الأصلية كتبت بواسطة memodina1 بص يا باشا فى درج التابلوة لو فتحتة للاخر هتلاقي سلك ممتد عامل زى سلك وير متركب فى زرار التبديل للفتحات دا لو اتقطع هتلاقى الفتحات اتسدت عشان مبقاش فى تحكم فى مداخل الهوا شوفة وقولنا عملت اية

حضرتك تقصد اشيل درج التابلوه كاني هنضف فلتر التكييف ولا من غير ما أشيله ؟؟؟
وهل الواير ده هو اللي بيتحكم في البكره اللي في النص ولا انا فهمت منك غلط

[memodina1]

مش حضرتك ممكن تفتح درج التابلوة وبعدين هيقف عند فتح معين ويكون دا اخرة انت بقى افتحة اكتر عن طريق سحب الدرج من الكاوتشة اللى حايشاة كانك بتنظف فلتر التكييف
سلك الواير دا موجود فعلا وسهل جدا تشوفة اول ما تريح الدرج دا مسئول عن البكرة انها تقفل تفتح تغيير الاتجاة تجيب من فوق او من تحت عند الارجل وهكذا دا لو اتقطع بيعمل قفل للبوابة بتاعت الهوا سهل جدا فكة وتركيب وير جديد
اى استفسار انا موجود

[amrmousa2007]

المشاركة الأصلية كتبت بواسطة memodina1 مش حضرتك ممكن تفتح درج التابلوة وبعدين هيقف عند فتح معين ويكون دا اخرة انت بقى افتحة اكتر عن طريق سحب الدرج من الكاوتشة اللى حايشاة كانك بتنظف فلتر التكييف سلك الواير دا موجود فعلا وسهل جدا تشوفة اول ما تريح الدرج دا مسئول عن البكرة انها تقفل تفتح تغيير الاتجاة تجيب من فوق او من تحت عند الارجل وهكذا دا لو اتقطع بيعمل قفل للبوابة بتاعت الهوا سهل جدا فكة وتركيب وير جديد اى استفسار انا موجود

ياااااااااااااااااااااااا ااااااه الحمد لله
المشكلة اتحلت

طلع العيب فعلا من الواير اللي رابط البكرة اللي في النص مع جزئية بتتحرك كده فوق دواسة البنزين
مجرد ما اتربط فيها الواير اشتغلت البكرة وبدأت تتحرك طبيعي واول ما ظبطت وضعها الهوا اشتغل عادي

عالعموم متشكر جدا يا استاذ memodina1 عالمساعدة
وده طبعا اللي بنستناه من المنتدى الجميل ده
ومن الاعضاء الخبراء اللي زي حضرتك
واي حد تحصله نفس المشكلة يقوللي وانا اصورله الخطوات لغاية ماتتحل باذن الله