العربية بتبطل بعد ما ادورها على طول

[M0hamed Hasan]

البطارية الى كانت فى العربية acdelco 50 امبير نزليت فى يوم دورت العربية و سخنتها 10 دقايق بعديها بطلت العربية و استنيت الاسرة تنزل من فوق لمدة (7 دقايق بالظبط ) ايوه بالظبط
و جيت ادور حلفت ما هى دايرة لقيت لمض العددات بتلعب و الكهربة تفصل و ترجع قلت بس كده دى بطارية رغم انى مليش خبرة المهم رحت جبت بطارية ملقتيش زى الى فوق جبت vetra ايطالى لونها احمر كده و مكتوب عليها V من ساعتها و العربية المارش بياخد ثانية و العربية تدور على الرغم من ان العربية فى البطارية القديمة كان المارش بياخد جزء من الثانية
العربية مبقتش تطلع على الاول من غير بنزين بقيت لازم ادوس بنزين بعديها بقت لازم ادوس بنزين بعد ما ادور علطول علشان المتور ميبرجلش و يفصل انا قرفان اوى حاسس انى رجعت للعربية الفيات 128 تانى (ايام سودة) لازم ادوس بنزين علشان المتور ميفصلش فى الاول لكن طول ما العربية سخنة عادى يا ريت حد يقلى اعمل ايه علشان الموضوع دا قرفنى بجد معلش الموضوع طويل
انا شاكك فى فلتر الهوا و البنزين بس متهيالئ غيرتهم فى اخر صيانة بس حتاكد من الورقة انا عندى انشجشن ففمكن يكون الرشاشات عايزة تتنضف كمان و العمة
و انا مصور فيديو للعربية و واحد سواق فى الشغل عندى بيقولى الخرطوم بتاع العمة مش موجود ؟ و كمان عندى مشكلة فى دورة الميه و شاكك فى الطلمبة ليه علشان
1. غيرت الراديتير (لسه الميه بتنقص و العربية ماشية بس )
2. مفيش تسريب انا شافيه و الله اعلم
3. لون الميه و العربية دايرة بيدى لون الصدا فى الميه (باينة فى الفيديو)
4. مفيش طحينة فى الزيت او الميه
5. مفيش ادخنة من الشكمان من اى نوع
6. الميه بترجع لونها طبيعى بعد ما تبرد
اتمنى اكون قلت كل حاجة انا عارف الموضوع طويل (فشخ) بس يا ريت اى حد من الخبراء يقولى الحلول و نفسى اجيليك بالعربية يا استاذ حمدى فهل (معلش فى السؤال) بتعرف فى الرينو كليو 2004 1.2
الفيديو
http://www.youtube.com/watch?feature=player_embe dded&v=rxfo22OLmmU

[AbOnOrA]

لو العيب بتاع فصلان العربيه ده ظهر بعد تغيير البطارية مباشرة فيمكن فيه عيب كهرباء وممكن ده اللى بوظ البطارية القديمة فانت المفروض تراجع على الكهرباء الاول وصلات البطارية والارضى والضفيرة والوصلات الفرعية وتشوف حالة البوجيهات وكابلاتها والموبينة كمان والمارش
ولما تطمن على الكهرباء ممكن بعدها تشوف اذا كانت مشكلة بنزين بداية من الطلمبة نهاية بالانجكشن

وبالنسبة للسخونة لو غطاء الريداتير بايظ (مهوى) ممكن يعمل نفس الاعراض

وعموماً ربنا يعينك واتمنى باقى الزملاء يفيدوك اكتر

[M0hamed Hasan]

اولا حضرتك انا معنديش غطاء ردايتير (دورة مغلقة)
ثانيا انا مقلتش اى حاجة عن موضوع سخونة فى العربية ؟
ثالثا معتقدش ان الكهربة عندى فيها اى مشكلة
بس مشكور جدا لمشاركة حضرتك القيمة

[M0hamed Hasan]

المشاركة الأصلية كتبت بواسطة M0hamed Hasan البطارية الى كانت فى العربية acdelco 50 امبير نزليت فى يوم دورت العربية و سخنتها 10 دقايق بعديها بطلت العربية و استنيت الاسرة تنزل من فوق لمدة (7 دقايق بالظبط ) ايوه بالظبط و جيت ادور حلفت ما هى دايرة لقيت لمض العددات بتلعب و الكهربة تفصل و ترجع قلت بس كده دى بطارية رغم انى مليش خبرة المهم رحت جبت بطارية ملقتيش زى الى فوق جبت vetra ايطالى لونها احمر كده و مكتوب عليها V من ساعتها و العربية المارش بياخد ثانية و العربية تدور على الرغم من ان العربية فى البطارية القديمة كان المارش بياخد جزء من الثانية العربية مبقتش تطلع على الاول من غير بنزين بقيت لازم ادوس بنزين بعديها بقت لازم ادوس بنزين بعد ما ادور علطول علشان المتور ميبرجلش و يفصل انا قرفان اوى حاسس انى رجعت للعربية الفيات 128 تانى (ايام سودة) لازم ادوس بنزين علشان المتور ميفصلش فى الاول لكن طول ما العربية سخنة عادى يا ريت حد يقلى اعمل ايه علشان الموضوع دا قرفنى بجد معلش الموضوع طويل انا شاكك فى فلتر الهوا و البنزين بس متهيالئ غيرتهم فى اخر صيانة بس حتاكد من الورقة انا عندى انشجشن ففمكن يكون الرشاشات عايزة تتنضف كمان و العمة و انا مصور فيديو للعربية و واحد سواق فى الشغل عندى بيقولى الخرطوم بتاع العمة مش موجود ؟ و كمان عندى مشكلة فى دورة الميه و شاكك فى الطلمبة ليه علشان 1. غيرت الراديتير (لسه الميه بتنقص و العربية ماشية بس ) 2. مفيش تسريب انا شافيه و الله اعلم 3. لون الميه و العربية دايرة بيدى لون الصدا فى الميه (باينة فى الفيديو) 4. مفيش طحينة فى الزيت او الميه 5. مفيش ادخنة من الشكمان من اى نوع 6. الميه بترجع لونها طبيعى بعد ما تبرد اتمنى اكون قلت كل حاجة انا عارف الموضوع طويل (فشخ) بس يا ريت اى حد من الخبراء يقولى الحلول و نفسى اجيليك بالعربية يا استاذ حمدى فهل (معلش فى السؤال) بتعرف فى الرينو كليو 2004 1.2 الفيديو http://www.youtube.com/watch?feature=player_embe dded&v=rxfo22OLmmU

(ملحوظة فى فترة زمنية بين كل العيوب المزكورة بداية من المارش و العربية تبطل بعد التدوير مباشرة لا تقل عن شهر او 3 اسابيع )

[M0hamed Hasan]

ايه يا جماعة 170 مشاهدة و رد واحد مش ممكن فين مستر استرا و استاذ حمدى و كارز ادمير