فوجات الفيرنا الفول اوبشن المانيوال

[amrmousa2007]

شباب انا عندي الفيرنا فول اوبشن مانيوال بدون فوجات
بس صاحب العربية اللي قبلي ركبلها فوجات عالزرار اللي جنب الانتظار يمين
والمشكلة دلوقتي ان الفوجات لو نسيتها بالليل شغالة وطفيت الكونتاكت بتطفي لكن بالنهار بتشتغل لوحدها وملهاش لمبة في التابلوه ولا زرارها بينور لما تشتغل

عشان كده ينفع اركبلها زرار اصلي زي اللي بتنزل بيه الفوجات في الاوتوماتيك ويكون بينور لما تشتغل ؟؟
او اعمل ايه عشان اما تشتغل تظهر في العدادات اللمبة بتاعتها ؟؟

يعني عايز اي حاجة تنبهني بالنهار ان الفوجات شغالة

[memodina1]

ملهاش لمبة فى العدادات لكن تركبلها زرار تشغيل الاصلى بيوضحلك انها شغالة لو الزرار مضغوط لجوة كانك مثلا مشغل انتظار تلاقى الزرار داخل لجوة اتمنى تكون فهمت قصدى

[amrmousa2007]

المشاركة الأصلية كتبت بواسطة memodina1 ملهاش لمبة فى العدادات لكن تركبلها زرار تشغيل الاصلى بيوضحلك انها شغالة لو الزرار مضغوط لجوة كانك مثلا مشغل انتظار تلاقى الزرار داخل لجوة اتمنى تكون فهمت قصدى

متشكر جدا والله ومعلش تاعبك معايا
هو الزرار اللي راكب الاصلي بس فيه مكان لمبة مش عارف مبتنورش ليه
بس طالما مفيش لمبة ليها في العدادات يبقى مش هينفع ليها حل تاني

[memodina1]

ما هو مش بينور عندى برضة بس اتعودت علية من حكاية الضغط دى

[حسام البورسعيدى]

بص يا باشا ..

الزرار اللى الفوجات شغاله عليه دلوقتى ده بتاع سخان الزجاج الخلفى ..

وللاسف ناس كتير من اصحاب الفيرنا بيلغوه ويركبوا عليه الفوجات زى اللى عندك كده ..

الحل انك تجيب الزرار الاصلى بتاعها وده تجيبوا استيراد بالفيشه بتاعته اهم حاجه (انا اشتريته استيراد قبل كده ب 50 جنيه) .. وده بيركب مكان الطبه اللى على يمين زرار الانتظار ..

وتروح لكهربائى شاطر يركبهولك على فوانيس الشبوره ويشغلك زرار السخانات تانى زى ما كانت ..

اهم حاجة تقول للكهربائى يركبلك الشبوره على النور الواطى .. يعنى ما تشتغلش الا لو فاتح النور الواطى .. حتى لو المفتاح شغال .. ده على فكره وضع الفبريكه فى اى عربية فيها شبوره .. ويشغلك اضائة المفتاح نفسه على النور الواطى برضو ..

وعلى فكره المفتاح ليه لمبه بتدل انه شغال .. وهو اصلا وهو شغال بيدخل لجوه مش زى بتاع السخانات التاتش .. فبيكون باين ..