مبتدأ سواقة وعايز اشتري سياره تنصحوني بأيه

[amr_walid]

السلام عليكم ورحمة الله وبركاته إخواني المحترمين
أسعد الله أيامكم بكل خير أفيدوني جزاكم الله خيراً
انا لسه مبتدأ في السواقه وعايز أشتري سياره ومحتار بصراحة انا كنت عايز اشتري اكسيل او اكسنت بس فيه ناس نصحتني بما اني لسه مبتدأ اشتري 128 لحد ما أتمكن من السواقه وبعدين أشتري سياره أكبر . وناس خوفتني منها وقالتلي هبقي صديق دائم للميكانيكي في الفترة اللي هتقعد معايا اه قطع غيار رخيصة بس القطعة اللي بتتغير بتتغير اكثر من مره في وقت قصير وبسمع انها بتفتح علب ودائماً فيها مشاكل شروخ.... الخ طبعاً ده كلام ناس لاني معنديش خبرة (وانا اصلاً مش برتاح لل 128) . فمحتاج رأي الاعضاء الافاضل علشان يفيدونا اكثر لو الواحد يبتدي بحاجة معقولة احسن من 128 ممكن يبتدي بيها وتكون مشاكلها قليلة وقطع غيار رخيصة فممكن يبتدي بايه وايه رأيكم في فيات اونو موديل 93 او 94 او كيا برايد او ريجاتا او سكودا فليشيا او سويفت . فعايز اعرف التفكير ده صح كبداية وايه الافضل من هذه الاختيارات من حيث قطع الغيار واعادة البيع ولا الاحسن أجيب 128 والكلام اللي سمعته عنها غلط . ومعذرة علي الاطالة علشان الواحد محتار فعلاً

[spada2000]

بص يا باشا انا كنت مبتدىء زيك كدة من 3 سنين ومازلت مبتدىء الواحد عايش في الدنيا علشان يتعلم ويفيد ويستفيد ، المهم جبت عربية 128 وقعدت معايا ال 3 سنين لغاية لما زهقت منها وبعتها هي طلعت عيني عند الميكانيكي والسمكري اهو الحمد لله خلصت منها ودلوقتي بفكر اشتري لادا سمارة من كتر ما سمعته عنها وعلى قد الفلوس بتاعت ال 128 اللي بعتها وللك الاختيار بعد استخارة ربنا طبعا

[pepooo]

انا كنت مبتدا زيك برده كده واشتريت ريو زيرو والحمد لله بقيت متمكن فى وقت قليل والعربية الحمد لله سليمة متخليش حد يخوفك جمد قلبك واتكل على الله

[amr_walid]

شكراً جزيلاً علي الردود انا تقريباً مشفتش حد معاه 128 ومريحاه حتي لو كان ايده فيها علي طول بس انا عايز ابتدي بحاجة معقولة من حيث قطع الغيار واعادة البيع فايه رأيكم في الفيات اونو موديل 93/94 (لاني اعرف انه لغاية 94 ايطالي) من حيث قطع الغيار واعادة البيع وايه رأيكم فيها كسيارة اساساً . وهل هي افضل ام ريجاتا او سوزوكي سويفت وهل في حاجة افضل ممكن توضع في دائرة الاختيار . وشكراً للجميع
(بصراحة قبل ما افكر اشتري عربية كنت فاكر الموضوع سهل لكن لقيت الحيرة كبيرة وكلام الناس مختلف كل علي حسب تجربيته الشخصية فبصراحة عايز المشورة من حضراتكم علشان مدفعش مبلغ في حاجة وبعدين اندم لا خاب من استشار والله المستعان ) : fun_36_3_11[1]:

[Mido Madrid]

لو معاك فلوس اشتري جديد ويستحسن اتوماتيك هترتاح جامد
موضوع السواقه بسيط هيا مساله تعود اخرج بالعربيه كام مره الفجر والطرق فاضيه وبعد كده كله هيبقه تمام
المستعمل هيارفك وهيكرهك فى العربيات غالبا لانه مسالة حظ فريح نفسك من الاول