حادثة وعبرة ودعاء

[محمود حمدى 83]

تعرضت لحادث انا وزوجتى فى يوم 24 \3 \2013
انا الحمد لله قمت بإجراء عمليتين وتركيب شرائح جراء تهشم الكوع وكسر بالكتف وكسر بالحوض وكسر فقرة فى العمود الفقرى
اما زوجتى الى منذ 3 ايام خرجت من العناية المركزة ولم تفيق الى الان لان الخبطة جت فى الدماغ عملت نزيف فى المخ بالاضافة الى كسور بالساقين والحوض والقفص الصدرى ارجو من الجميع الدعاء لها بالشفاء واخبار اى احد ان يدعو لها

الحادثة حصلت واحنا بنعدى الكورنيش عند كوبرى ستانلى كنت ذاهب للكشف عليها احنا من المحلة وعربية جيتا كانت بتاخد غرزة يمين من ورا ميكروباص كان عادم الرؤيا عليها خالص وهو كان لازق فيه وهو كان بياخد الغرزة كنا على الكبوت

احمد الله على كل شئ لاكنى اسألكم الدعاء لكى يأتى فرج الله وان يتعظ كل من يركب سيارة فى التأنى لانه لا يعرف الالم الا من هو فيه سبحان الله خبطنا ولا كأنه داس بطه فى الشارع لم يسأل ولم يتصل ولا اى حاجه سبحان الله
انا اتعلمت كتير فى الفترة دى وقربت من ربنا اكتر انا يعتبر صرفت كل ما املك ( اقسم بالله الى الان اكثر من 140 الف عرفت اد ايه سرقة وجشع المستشفيات على فكرة انا دكتور اسنان )( وانا الحمد لله مشعايز حد يقولى على فلوس انا لا اسأل الا للدعاء فقط ) واحمد الله ومش زعلان على كل اللى حصل لانه ان شاء الله خير لاكن اللى ينقصنى زوجتى هذا كل ما ارجوه من الله واطمع فيه لانه مستحيل الاقى زيها
انا عارف انى اخطأت بس والله عن جهل عمرى ماعديت قبل كدا من هناك ومش خبير فى الانفاق دى انا حسيت انى عملت حاجه غلط بس كنت عديت نص المسافة حسيت انى اخطأت
المهم الناس تستفاد ومتكررش نفس الغلط سواء التعدية او التسرع فى السواقة
والمهم اكتر الدعاء لها ونشر القصة للعظة والدعاء على اى حد او اى مكان على النت او فى الحياة العادية انا نفسى مصر كلها تدعلها
على فكرة انا سنى 30 سنة وزوجتى 25 وبقالنا 5 سنين متزوجين يعنى فى مقتبل العمر
وجزاكم الله خيرا

[mainz]

نسئل الله عز وجل ان يشفيك انت وزوجتك شفاءا لا يغادر سقما ..اصبر واحتسب ولكم الاجر عند الله

[AMRK]

ربنا يشفيك وزوجتك ان شاء الله .... ربنا معاك
والف سلامة

[علاء الدين مطاوع]

ندعو الله السميع العليم ان يشفيك انت وزوجتك وترجع الى حياتك الطبيعية انت وزوجتك فى اسرع وقت ممكن وهذا ابتلاء من الله وقدر الله وما شاء فعل

[handtools123]

ربنا يشفى زوجتك وتقوم بالسلامة إن شاء الله ويحفظك أنت وزوجتك وأولادك من أى مكروه
:GR OWIN~12: