مقترحات لحل مشكلة المطبات بالشوارع

[Engineer Ebrahim]

قول رأيك واقتراحك وتصورك لحل مشكلة المطبات اللي بهدلت عربياتنا يمكن صوتنا يوصل بفكرة جديدة ونحل أزمة شديدة ...

[zing0]

ياااااااااااااااااااااراج ل
ده حتى الطرق إللى المفروض إسمها طرق سريعه و رئيسية زى الكورنيش و الإوتوستراد و الدائرى
برضه هتلاقى عليها مطبات و تكسير و هبوط أرضى و طلوع أرضى و إلتواء أرضى و أى حاجه أرضى .... كله موجود و ربنا يبرك لنا فى هيئة الطرق و الكبارى إللى بتلهف من فلوسنا فى التراخيص بالهبل.

طبعاً مش هأتكلم عن المناطق العشوائية(داخل المدن) و لا الأرياف, تقريباً مفيش طرق, فى مطبات بس.

علاوه على إئتلاف هواة المطبات المنتشر فى أرجاء مصرنا الحبيبة, و إللى بيدفعوا تحويشة العمر علشان يجيب نص شيكارة أسمنت و يعمل 3 مطبات أمام البيت و 5 أمام المحل, و لو الأسمنت خلص, ممكن يكتفى بعمل (نص مطب) و برضه الأذى واصل
أعجب ما رأيت من هذا الإئتلاف المؤذى, عمل مطبات على المطالع ( فى بداية كوبرى أو مطلع نفق أو منحدر) المهم تكون طالع مش نازل !!!!

و خبراء الهندسة التكسيريه لهم مواصفات للمطبات, يعنى الموضوع لازم يكون مطابق للمواصفات علشان يعتمد (مطب مؤذى):
1- الشكل العام للمطب: بعرض الشارع (أو نص الشارع لو الأسمنت مش هيكفى)
2- يجب أن يكون إرتفاع المطب أعلى من قاعدته, بحيث يكون (واقف) مش (نايم)
3- الشكل القديم للمطب: نص دائرة (زى الموديلات القديمه) أو حتى مثلث (زى موديل السنة إللى فاتت).... كل ده إتلغى و نزل الموديل الجديد للمطبات (2013) بشكل مربع, بحيث العربيات (تعااااافر) علشان تطلعه و (تتهبد) و هيا نازلاه حتى لو ماشى على السلانسية بس

رحماك يا الله

[shemosamy]

: cry2W9::c ry2W9::cr y2W9::cry 2W9::cry2 W9:

[3bd0]

من الحاجات اللي بضايق الواحد انك تبقى ماشي على المطبات في امان الله
فجأة يطلعلك شارع

حاجة غريبة يا جدع

[إسلام البنا]

المشكلة ان في شباب متهور بيسوق بسرعة جنونية في شوارع جانبية مرة واحد كان سايق النترا وكان هيشلني وانا ماشي في شارع جانبي
عشان كدة الناس بتعمل مطبات خوفًا على ارواحها من الشباب المجنون بالسرعة
لكن المفروض يكون المطب عريض وواطي مش كِنِز وعالي لأن الكِنِز العالي ده هو اللي بيبهدل عفشة العربية ، والمفروض كل صحاب عربيات في شارع او منطقة يمنعوا اللي بيعمل المطبات الكنزة أو يعالجوها هما
في الشارع اللي انا ساكن فيه جه واحد صاحب محل راح عامل قدام محله مطب رفيع جدا وعالي جدًا ، كت دايمًا لما آجي طالع بالعربية أو مروح اتجنب الشارع بتاع المطب ده وادخل من اللي قبله عشان العربية بتطلعه بالعافيه وبتترزع وهيا نازله منه
واحد بن حلال من جرانا راح جايب اسمنت وخلطة مونة ورايح عامل المطب ده من الجنبين فخلاه عريض جدًا وبكده سهِّل لأي عربية طلوعه بسهوله ونزوله من غير رزع
والمفروض يا جماعة نقف لكل واحد عايز يعمل مطب ويا يعمله عريض وواطي يا اما اصحاب العربيات في الشارع ده يقفوله عشان بقى كل واحد عايز يعمل مطب بيعمله ، والله عندنا شارع جانبي فيه اكتر من 11 مطب والشارع كله طوله بتاع 50 متر يعني كل 5 متر مطب ، وحرَّمت امشي فيه