حادث كوبرى القبة وانكسار المقص

[akmal8000]

مساء الخير على الجميع لاحلى منتدى عندى خبر بمناسبة العربية a113 الحمد الله على كل شئ فى الاول والاخر العربية عملت معى حادث بشع يوم الاثنين الماضى وراحت فى داهية بس مش اوى بس الحمد الله خرجت سليم

احب بس اقول حاجة لاى حد بيفكر يشترى العربية ديه وعن تجربة شخصية ان العربية ديه عربية ضعيفة جدا وحرام فيها الفلوس اولا سحبها ضعيف جدا فى اى مطلع عالى وخصوصا لو مشغل التكييف اللى مش بيبرد اصلا حتى لو على اعلى درجة ثانيا الفتيس بيعض فى الغيارات والتوكيل فى العسل ولا بيعمل اى شئ وبيفضل يسحب فى فلوس بس وطبعا اقصد توكيل ابو رواش اى كلام

لما اكون فجاءة وانا ماشى على كوبرى وفجاءة المقص بيتكسر والعربية تلف كلها وتدخل فى سور كوبرى بس الحمد الله جت سليمة وخرجت بخير لكن اقصد اسئل ايه فائدة فرامل الـ ABS الموجودة فيها المفروض تخلى العربية ما تلفش اصلا ده لو اصلا الفرامل تعمل بكفاءة زى فرامل كيا وغيرها الموجودة فى باقى العربيات لكن لاسف علشان ما اطولش عليكم النهاية ونصحية من تجربة شخصية ما حدش يفكر فيها عربية زبالة بمعنى الكلمة ومعظم الاعضاء لهم حق فى كلامهم انها عربية زبالة حرام الفلوس فيها لانها ما فاتش عليها سنة معى ولسة بدفع اقساط لها

ادعو لى التامين يصلح العربية على حسابه يا رب

[osa92003]

اولا الحمد لله على السلامه وقدر الله وماشاء فعل بس حضرتك حكايه كسر المقص ده وارد جدا جدا فى اى عربيه ومش ضروره العربيه دى بالذات ولو عايز حضرتك تعرف ادخل منتدى الكيا وهتلاقى عربيات كيا سيراتو اتقلبت بدون اى سابق انذار وعربيات كتير اوى ممكن تحصل لها مفاجات كتير اوى وده مش مرتبط بنوع العربيه

[cmatcho]

المشاركة الأصلية كتبت بواسطة osa92003 اولا الحمد لله على السلامه وقدر الله وماشاء فعل بس حضرتك حكايه كسر المقص ده وارد جدا جدا فى اى عربيه ومش ضروره العربيه دى بالذات ولو عايز حضرتك تعرف ادخل منتدى الكيا وهتلاقى عربيات كيا سيراتو اتقلبت بدون اى سابق انذار وعربيات كتير اوى ممكن تحصل لها مفاجات كتير اوى وده مش مرتبط بنوع العربيه

+11111111
وفي اكتر من كده كمان

[spider_amrdiab]

بس حاجه بالعقل برده ؟؟ ازاى المقص يتكسر لوحده
انا اعرف الاطار بينفجر لوحده ماشى انما المقص؟؟؟ ولوحده؟؟

[Mohamed Nabeeh]

متااابع الوضوع ألف سلامه