من فينا صاحب الرقم القياسي؟!

[3bd0]

السلام عليكم ورحمة الله وبركاته


احنا في مصر عارفين - ومعروف عننا - ان احنا بنخلي العربية اللي منتهية صلاحيتها من 100 سنة تمشي كمان 100 سنة، عندنا ما شاء الله صنايعية ايديهم تستاهل تقلها دهب
وفي نفس الوقت مصر مش صغيرة، سواءا مع الناس اللي بتسافر وبتقطع الافات الكليومترات في اوقات بسيطة، او مع الناس اللي بتضرب مشوار ما يعلم بيه الا ربنا كل يوم رايح جاي بين الشغل والبيت.

فا ايه رأيكو يا جماعة نشوف من عنده اعلى عدد من الكليومترات على عداد عربيته؟


الموضوع غير انو ها يبقى مسلي، في ناس كتير هتستفيد منه ان شاء الله. اللي حاطط عينو على عربية عشان يشتريها او لسة شاري عربية جديد بيفرح جدا لما يشوف نفس العربية مشيت الشئ الفلاني من الكيلومترات. وحتى اللي عندو عربية من زمان وحاسس نفسه مشي كتير عليها ويشوف واحد عامل قده مرتين تلاتة (وانا أولهم) بيفرح ويطمن برضو.

فا أي حد يحب يشاركنا يعمل الاتي،
1- يكتب قد ايه العداد وصل
2- يدينا معلومات عن العربية، اهم حاجة الموديل (السنة) والباقي على قد ما يقدر (الماركة - اشتراها سنة كام - كانت عاملة كام كيلو ساعة ما خدها - المشاكل اللي واجهته - إلخ)
3- ولو في صورة للعداد يبقى مية مية. موضوع الصور مش هايبقى مهم قوي الا بعد ما الموضوع يكبر شوية والناس تشارك معانا، لو حصل تنافس شديد على الرقم القياسي لازم كل واحد يورينا اثباته


اتمنى الفكرة تعجبكم،
بسم الله نبدأ

[3bd0]

انا عن نفسي عربيتي حاليا ماشية 86 الف،
موديل 2010
نيسان ارمادا
اشترينها زيرو في سنة 2010
من ناحية المشاكل فا الحمدلله مفيش اي مشاكل كبيرة حصلت

[eng/walaaeldeen]

السلام عليكم
كان معايا لانوس موديل 2006 وبعتها في 2012 وكانت عامله 170 الف كيلو متر وبسم الله ما شاء الله كان موتورها حالته كويس لم اغير فيها الا حساس الأوكسجين مره
وسلك بوجيهات مرتان
وبلية دبرياج (بس غيرت طقم الدبرياج كله مش البليه فقط)
وزجاج امامي
وثلاث مرات الكاوتش
وثلاث اطقم سيور
ده الى انا فاكره
والله المستعان

[3bd0]

عندنا اوبل استرا موديل 1996
عدادها واقف على 216 الف من ساعة ما اشتريناها من حوالي سنة
أعتقد كانت مقفلة العداد مرتين قبل كده

[الكردي2000]

كان معايا لانوس 2009 اشتريتها كسر زيرو أول سنة 2011 وتحديدا يوم تنحي المخلوع ( يوم لا ينسي ) وبعتها من شهر تقريبا كانت عامله 88000 كيلو , وفي الحقيقه انا مش بحب اكسر مائه الف كيلو بالسياره علشان المشاكل بتبدئ تظهر تدريجيا , فبضطر ابيع واشتري جديد أو كسر زيرو بردو .., بالنسبه للمشاكل كلها كانت بسيطه ( سلك بوجيهات , بلي عجل , سيور , كاوتش , بوجيهات ) يعني حاجات مستهلكه كلها.