استفسار من اصحاب لانسر بومه الموديل الحديث

[muslim_nsb]

انا بفكر اغير وابيع النترا2005 اللي معايا واشتري لانسر بومه كامله سبور
كنت عاوز اسأل من اهل الخبره عن شوية حاجات
1- اخبار صوت الموتور ايه ولو على سرعات عاليه ومقفل العربيه مسموع ولا العزل كويس
2- اخبار السياره في السرعات العاليه ماسكه نفسها ولا تشعر انها بتلعب
3- اخبار الفتيس الاتوماتيك ايه بتشعر بالنقلات بتاعته وفي نتشه ولا سلس ولو حتى كنت قارص على العربيه بتشعر بالنقلات ولا لأ
4- نظام الصوت بتاع العربيه حلو ولا محتاج يتركب مثلا بزوكه جي ام يتغير الكاست وخلافه
5-اخبار مراكز الصيانه ايه وايه افضلهم وناس فاهمه ولا شربه زي اغلب مراكز الصيانه
6- هيا موديلات 2010 - 2011 - 2012 - 2013 نفس العفشه والفتيس والطابلوه والعدادات ولا فيه اختلاف غير الشبكه الأماميه
7- اخبار تسارع السياره وسحب الموتور والفتيس الاتوماتيك بنجز في المواقف الصعبه والغرز ولا يعتبر بطيء نسبيا .
انا عارف تقلت عليكم بس أستحملوني لاني عاوز انضم للاسطوره الياباني وعاوز عربيه معمره مفكرش اغيره بأذن الله يكفينا ويكفيكم شر الطريق ولا بعد 10 او 15 سنه مثلا .
ولكم مني جزيل الشكر ...
ملحوظه هامه :-
الناس اللي بتدخل وتطلع من غير ما تترك تعليق مش هاسمحها لو تعرف شيء وبخلت بيه عليا

[sherifabden]

- اخبار صوت الموتور ايه ولو على سرعات عاليه ومقفل العربيه مسموع ولا العزل كويس

لا هوا هادي وجميل ومش مسموع والعزل زي الفل

2- اخبار السياره في السرعات العاليه ماسكه نفسها ولا تشعر انها بتلعب

لا ماشاء الله ثباتها زي الفل

3- اخبار الفتيس الاتوماتيك ايه بتشعر بالنقلات بتاعته وفي نتشه ولا سلس ولو حتى كنت قارص على العربيه بتشعر بالنقلات ولا لأ

لا الفتيس سلس جدا ونقلاته كويسة ومفيش لا نتش ولا حاجة

4- نظام الصوت بتاع العربيه حلو ولا محتاج يتركب مثلا بزوكه جي ام يتغير الكاست وخلافه

اسوا ساوند سيستم ممكن تلاقيه في حياتك في اللنسر بجد السماعات صوتها زبالة

5-اخبار مراكز الصيانه ايه وايه افضلهم وناس فاهمه ولا شربه زي اغلب مراكز الصيانه

بصراحة مليش في الموضوع دا

6- هيا موديلات 2010 - 2011 - 2012 - 2013 نفس العفشه والفتيس والطابلوه والعدادات ولا فيه اختلاف غير الشبكه الأماميه

لا الموديلات دي نزلت بفتيس ستيبترونيك بدل الcvt وكمان عداداتها اتغيرت والشبكة الامامية وشكل الطارة شبه طارة الشارك ودي الاختلافات بس

7- اخبار تسارع السياره وسحب الموتور والفتيس الاتوماتيك بنجز في المواقف الصعبه والغرز ولا يعتبر بطيء نسبيا .

لا تسارع رهيب وجميل جدا لكن اقل من الالنترا 2005 اللي مع حضرتك
ومبروك مقدما