منعا لسرقة سيارتك

[sasa79]

واحد زميلى عمل حاجة حلوة قوى عشان يمنع سرقة عربيتة راح لورشة حدادة وعمل قفل بيمسك دواسة البنزين مع دواسة الفرامل وبيتقفلو بقفل ومفتاح .. الفكرة عجبتنى قوى فقررت اعملها واقولكم عليها نظرا للظروف اللى بنمر بيها الايام دى

[نبيل عبدالرحمن]

طب ياريت لو تفاصيل أكتر ، وحبذا لو كان فى صور

[more13]

سؤال يا ترى الحرامى مش هايقدر يفش القفل ؟
ولا هوبيستخدم قفل معين
وعموما لازم الواحد يستخدم اكتر من وسيلة
قفل - فصل الكهرباء - جهاز تتبع بانزار
وقبل كل دة الثقة فى الله

[zing0]

غطى العربيه بغطاء و حط طرفه جوه الباب قبل ما تقفله بالمفتاح علشان الغطاء ميتسرقش
و بصلها بنظرة الوداع و كلك ثقه فى الله أنه هو الحافظ , و أدعى ربك: اللهم أنى أستودعك الله الذى لا تضيع ودائعه, فالله خيرٌ حافظا و هو أرحم الراحمين.

[نوجا28]

فى رايى بدل كل ده الجراج اامن انا بدفع 150 جنيه فى الشهر صحيح بس على الاقل ضامنة مش هاخد خضة لو بصيت من البلكونة ومش لقيتها على فكرة مية النار تطير اقوى قفل انا شفت الموضوع ده من سنتين وفكرت فيه بس معملتوش ومشترتش اى اجهزة حسبت المصاريف هى هى لو العربية اتسرقت وتتبعتها ووصلت حتى لمكانها مش هروح انا الاقى ناس منتظرانى بملابس الاحرام دول مجرميين ومفيش شرطة حتى اقولها العربية فى المكان الفلانى هاتيها غير ان الحرامى ممكن يكون معاه جهاز تشويش او يشوف جهاز التتبع ويرميه واروح الاقى الجهاز لوحده من غير العربية اهو يبقى من ريحتها هههههههههه عموما انا رايى الجراج افضل منها فى الشمس والمطر والاتربة محمية ومنها فى مكان مغلق وله بوابة وفى حد بينضفهالى مش هقف انضفها اكيد