كنت عايز اغير العربيه وعايز نصيحه

[casper35]

السلام عليكم
انا معايا لانوس 1 مو 2000 وكنت عايز اغير ومحتار بصراحه لان كل واحد معاه عربيه عمال يشكرلى فيها
انا كنت بقارن بين الجين 2 و الصنى والاكسنت وسيراتو و لانسر بس موديل قديم شويه مثلا 2008 او 2009
كنت عايز رأيكم لانى بصراحه كنت متعود على راحه الانوس من حيث قطع الغيار الرخيصه والمتوفره واى ميكانيكى ممكن يمد ايده فيها والحاجات دى مع العلم انى بجرى كتير وبسافر كتير جدا انا عملت 100000 كيلو فى السنه محتاج عربيه كويسه وبنت حلال وتستحمل وشيك برده

[AbOnOrA]

عربية كويسة وبنت حلال وقطع غيارها وصيانتها عند البقال يبقى حاجة من اتنين
1- هيونداى النترا 2007 - 2008 - 2009 - 2010
2- لانسر بومة

السيراتو اسواء من الاتنين فى العفشه تحديداً وان كانت احدثهم شكلاً
الصنى حلوة وحمارة شغل بس قطع غيار اغلى سنتين وتقفيل مصرى وعفشه ناشفة وكنبة ضيقة
الجين تو عفشه وثبات وموتور ممتازين لكن اكسسوارات وعيوب تقفيل وقطع غيار وصيانة اصعب
الاكسنت لا تقارن بكل دول لانها فئه اقل

[محمد عزو]

توكل على الله ع الجين 2 انا عن نفسى هبيع فيرنا 2008 وجيبها مهما كان توكلها زفت بس عربية ملاكى بجد انا لما ركبتها حسيت انى مركبتش ملاكى قبل كدة متخفش وتوكل على الله..

[reda310]

لانسر بومة او جين تو قوة وسبات ومحترمين هما دول اللى هيستحملو
100000 فى السنة

[Eng.Ahmed Wagdy]

بما انك بتسافر كتير يبقي عايز عربية مريحة و قليلة الأعطال وديه موجوده في تويوتا 2004 او الشكل اللي بعده 2005 و يجي بعدهم الألنترا 2008 بنت ناس و حلوة او الأوبترا قعدتها مريحة جدا ركوبه يعني