خصم خاص علي السيارة جيلي امجراند لاعضاء ومتصفحي المنتدي ( 2000)

[Mr.Mamo]

زادت شهره السيارة الجديده GEELY EMGRAND 7

وارتفعت اسعارها
فكانت البدايه 76000
ثم 79000
و حتي 82500

واخيرا 85000




وبناء علي طلب اعضاء المنتدي سيتم عمل خصم خاص علي السعر الرسمي
وقيمته 2000 جنيه من السعر الرسمي 85000
ليصبح السعر للاعضاء و المتصفحين 83000

[tamer.koko]

[mhamdy75]

[magdy_c_c]

المشاركة الأصلية كتبت بواسطة Mr.Mamo زادت شهره السيارة الجديده GEELY EMGRAND 7 وارتفعت اسعارها فكانت البدايه 76000 ثم 79000 و حتي 82500 واخيرا 85000 وبناء علي طلب اعضاء المنتدي سيتم عمل خصم خاص علي السعر الرسمي وقيمته 2000 جنيه من السعر الرسمي 85000 ليصبح السعر للاعضاء و المتصفحين 83000

هو طبعا ً كل الأعضاء اللى حضرتك وصفتهم بأنهم زى العسل قبل كده بيتمنوا انكم تعملوا خصومات حقيقية لهم بس اللى أنا أعرفه أن السيارة ايمجراند اتعمل لها خصم 2000 جنيه لكل العملاء و ليس لأعضاء مصر موتورز و بيتهيأ لى كمان ان ما فيش حد من الأعضاء المحترمين هنا فى مصر موتورز طلب خصم !!!
طيب ايه رأى حضرتك فى اللينك ده
http://www.masrmotors.com/vb/newrepl...reply&p=851219

المشاركة الأصلية كتبت بواسطة احمد دعباس والله ياباشا احنا لو علينا عايزين العربيهتبقى بسرها زى ماهو انما غبور بيرفع فى السعار طبقا لارتفاع اسعار السوق والدولار يعنى مثلا الفيرنا بقت 80 الف واللانوس76000 وهكذا مش هيا بس اللى غليت احنا الشركه عملت اجتماع يوم الخميس وقررت انها تعمل خصم 2000 جنيه على العربيه ليصبح سعرها 83000 والله الموفق والاسعار تنزل تانى يارب

و ايه رأى حضرتك فى ده كمان

المشاركة الأصلية كتبت بواسطة احمد دعباس السعر الان بعد الخصم 83000 جنيه ان شاء الله للاستعلام والتعاقد الرقم فى التوقيع

يعنى لكل العملاء و ده بناء على اجتماع لمجلس ادارة الشركة لأن المبيعات تراجعت بشكل ملحوظ نتيجة للزيادة الفلكية و الغير مبررة للأسعار و خصوصا ان العربية دى صينى و بها نسبة تصنيع و تجميع محلى أكثر من 40 %
يعنى مش علشان خاطر عيون أعضاء مصر موتورز ؟؟؟
و على فكرة
لو حضرتك قلت ده اعلان و اللى عاجبه ينفذ و اللى مش عاجبه يبقى خلاص و الكلام ده
احنا هنا ما بنقبلش الكلام ده
العربية فى السوق دلوقتى تمنها 83000 ألف جنيه لأى حد
فين بقى الخصم الـ 2000 جنيه لأعضاء مصر موتورز
المفروض على كلام حضرتك تبقى العربية بـ 81000 ألف جنيه فقط
و لا أنا غلطان فى الحساب ؟؟؟؟؟؟؟؟؟؟؟؟ !!!!!!!!!!

[AbOnOrA]

بجد مش فاهمك يا استاذ مجدى حضرتك ناقل كلام لعضو فى مصر موتورز ويمثل نفس الشركة برضو وموجهه لاعضاء مصر موتورز برضو وده معناة ان فيه اهتمام من التوكيل بالاعضاء وتجاوب معاهم وديه حاجة تستحق التقدير والاحترام واحنا كمجتمع مصر موتورز اشتغلنا سنين علشان نوصل لدة حضرتك بتعاقبهم دلوقتى بانك تخش فى كل موضوع تستفزهم وتضرب كلامهم ببعض ايه الهدف يعنى !!!

دخلت فى موضوع استاذ نادر قولت كلمة بايخة ملهاش اى لازمة وشخصنة بحتة كانت ممكن تحول الموضوع عن مسارة لخناقة وعديتها والراجل مشكوراً فضل يرد عليك بمنتهى الصبر وسعة الصدر وده واجبة

أنا مش بياع كشرى على فكرة أنا مهندس كمبيوتر ،

دخلت فى الموضوع ده تجيب كلام زميل تانى ليه علشان تحرجة !!

ودخلت فى موضوع استاذ احمد دعبس تقول كلام ملوش اى معنى برضو وتقارن بين الاميجراند زيرو والاوكتافيا والكرولا المستعمل !!

حد يقارن زيرو بمستعمل !! وحد يعمل مقارنة رداً على بوست الراجل بيتكلم عن خصم فى سعر عربية

انا مش فاهم ايه العلاقة برضو ولا ايه الهدف من اللى بتعملة دة ياريت توضحلنا

انا افهم لما يكون توكيل او مركز خدمة داخل يتواصل مع الناس ويقدم عروض الناس تسال للأفادة او تشكرة او تهاجمة لو كان كلامة فيه اسائه او ضرر بالمستهلك لكن الاستفزاز والشخصنة والكتابة بالفونت الاحمر الكبير ده اظن اسلوب لا هيفيد اللى بيشترى ولا اللى بيبع ان مضرش الاتنين وخرج بينا عن المستوى الائق للحوار اللى بنحافظ عليه دائماً فى منتدانا

وافهم انك تعمل موضوع منفصل تقول فيه رايك عن اى توكيل او مركز خدمة او حتى ورشة او محل قطع غيار وتقول كل اللى انت عايزة وليه حق الرد زى ما هو متبع دايماً
لكن الردود بالكثافة ديه تتبعاً لكل عرض او مشاركة لمسئولى مبيعات شركة بعينها اكيد مش اسلوب برضو وهما لو اشتكو هيبقى عندهم حق وان كانو حتى الان متقبلين دة

فياريت تراجع موقفك وتحاول تخلية ايجابى شوية عن كدة