عاوز أروح الزمالك من طريق إسكندرية الزراعى

[@واحد من الناس@]

عاوز أروح الزمالك من طريق إسكندرية الزراعى ياريت لو الطريق بالضبط من الدائرى او من وسط البلد

بالتحديد شارع محمد ثاقب بالزمالك

:TH E_PR~18:

[s0144862631]

بص يا سيدي هتطلع على الدائري من الزراعي في اتجاه المريوطيه لحد نزلة محور 26 يوليو و هتنزل على المحور في اتجاه وسط البلد مش اكتوبر و هتكمل على طول عى المحور قدام شويه هيقبل كوبري هتطلعه وانت فوق هتلاقي الكوبري مقسوم 2 واحد شمال ملناش دعوه بيه و هتمسك اليمين ثم هتنزل من على اكوبري وهتكمل هتلاقي سور نادي الزمالك على يميلك هتكمل الى كوبري 15 مايو وهيبقى مسرح البالون على يمينك ثم هتعدي من فوق النيل هتلاقى نزلة الزمالك يمينك وهناك ممكن تسأل عن اسم الشارع بالظبط

[svneleven]

و ممكن تيجي من جوا البلد يعني تيجي الزراعي عادي و تمشي المؤسسة و المظلات و الكورنيش و أبو العلا و تطلع أول كوبري علي يمينك (مش علي شمالك) اللي هو 15 مايو. أول ما تطلع الكوبري هتلاقي نزلة علي يمينك تنزل بقيت في الزمالك و تسأل علي الشارع بتاعك.

[@واحد من الناس@]

تمام بس هو وسط البلد هتبقى زحمة ولا لأ وبعدين انا رايح عند كلية الفنون الجميلة بالزمالك فممكن الطريق من جوة الزمالك للكلية دى وبعدين افضل ماشى كورنيش لحد ما القى الكوبرى

معلش انا تاعبكم معاية

[svneleven]

شوف يا باشا لو أنت جاي من وسط البلد زي ما وصفتلك هتنزل من الكوبري و بعد ما تلاقي مطعم اسمه SubWay علي يمينك هتسأل علي شارع البرازيل علي يمينك تدخل فيه و بعد كده تاخد تالت شمال شارع اسمه اسماعيل محمد هتمشي تلاقي سفارة أسبانيا علي شمالك خد بعد كده تالت يمين هو ده شارع محمد ثاقب وفيه فنون جميلة.