|
#1
22-07-2009, 02:32 PM
|
||||
|
||||
|
مشكاح وريما 2009
مشكاح وريمة 2009 _______________ مشكاح راجل نطع طول بعرض واعرض حاجة فيه قفاه !! راجل نصاب عيشته مبنية على النصب واللهف والخطف وأحيانا البلطجة وأى وسيلة حسب الظروف ! وهذه الجثة التى تهابها والممتلئة بالعضلات طولا وعرضا كالمصارعين وهذا الصوت الاجش واللسان الزفر الذى لا يكف عن السب واللعن كل هذا عبارة عن شبشب فى قدم المدام وخروف مربياه وحمار تركبه وتديله على قفاة ولما تحب تور على الناس رمياه وحلوف رامى بلاه السيدة المصونه الوجيهة الكونتيسة ريما ولقبها بين الناس الجزمة القديمة00 صاروخ فى الندب قنبلة فى البلاوى رشاش فى القباحة أخطبوط فى المشاكل تعلب فى الوقيعة بين الناس جاموسة فى المعاملة هذه من بعض صفاتها التى يعددها الناس واصبح هذا الثنائى الذى قلما يجتمع بهذا الشكل حديث الناس فى المنطقة وأجوارها وأصبح الجميع يتلاشى حتى النظر اليهم أو مبادلتهم الخطاب !!! والاخ مشكاح لما لقى الحالة بقت ضنك ومعدش لاقى دكر البط المزغط على العشا زى العادة نظر لريما وللطعام ساخطا وقال: -ايه ده يا وليه؟ - اكل يا نطعى - هوه ده أكل؟! - أتجدعن وهات فلوس بدل ما أنت قاعد -الحالة مقشفرة والناس معدومة اليومين دول -شغل اللى ينحرق مخك -مش لا قى حيلة - أقولك أنا00 الراجل محروس بتاع المطعم اللى على ناصية الحارة00 - آه المخفى ماله؟ - أجيبلك فار من اللى جوه نفطسه وبعدين تاخده معاك وتروح تاكل عنده عشوة معتبرة وتروح حاطط الفار ف الاكل وترمى بلاك - وليه أذى بصحيح00تسلمى لى - قوم بينا - مش لما آكل لقمة أما راجل طفس ح تاكل مرتين - وماله زيادة الخير خيرين
وقامت لاصطياد الفأر كقطة متوحشة حتى قبضت وخلصلت عليه وصرته فى كيس أسود وأعطته لنطعها وذهب الى محل الغلبان محروس لتنفيذ الخطة تتبع
__________________
التعديل الأخير تم بواسطة د0تامر محمد ; 22-07-2009 الساعة 02:34 PM 
|
|
#2
22-07-2009, 02:48 PM
|
||||
|
||||
رد: مشكاح وريما 2009
بدايه ممتازه يا دكتور تامر ! أنا أسمع من زمان عن مشكاح و ريما بس عمرى ما عرفت قصتهم
أو يعنى ايه الثنائى ده ! و من كتابتك موش عارف فيه تشابه ولا لآ ! لكن أنا تخيلتهم فى عصر المماليك ( ما أعرفش ليه ) ؟ يعنى صعب الكلام ده يمشى فى 2009 ! و لكن فى الآول و الآخر ده تصورك طبعا و لك مطلق الحريه فى التصرف ! ثانيآ موش عارف ليه كتاباتك ( على ثرائها ) كلمه و نص ! ده ممكن فى الحكم أو فى الآراء انما فى القصص الواحد عايز يعيش شويه فتره زمنيه معقوله مع القصه موش لسه ح يندمج يقوم يصدم ب يتبع ! دى مجرد دردشه أخويه دكتوريه و الوسطاء يمتنعون ! Dr. Bolbolan 
__________________
ليت الشباب يعود يوما  فأخبره بما فعل المشيب بى ! ptmnlo123per1127
|
|
#3
23-07-2009, 10:10 AM
|
||||
|
||||
|
رد: مشكاح وريما 2009
-2-
جلس مشكاح منتشيا خلف المنضدة وهو ينادى بصوت عالى أجش: -انتوا ياعالم يا اللى هنا جاء اليه الصبى فقال مشكاح: -كيلو كباب وكفته00 طاجن باللحمة00 فرخة مشوية بس مقاس عائلى جوزين حمام مع شوية التحابيش فاهم ياد قال الصبى متعجبا: -هوه انت مين ح ياكل معاك؟ وقام مشكاح ليلسعه على قفاه00 ويصرخ فيه: -انت غلباوى ليه ياحمار غور من قدامى لاتعشى بيك انتظر الاكل وهو يفرك فى يديه00 -انتوا يا عالم 00 ساعة عشان نطفح جاء الصبى يحمل بعض الطعام لاتقاء شره وأخذ مشكاح يلقى باصابع الكفته فى فمه ازواجا كأنه يلقى بها فى بلاعة وماكاد الصبى يعود حتى كانت الاطباق فارغة الفرخة فى قطمتين تلاته تبخرت والحمام المسكين ألقى فى التهلكة على بق واحد كأنه عصافير كناريا!! وجاء دور الطاجن00 أخرج الفأر فى خفة ودفسه فى باطنه دون ان يراه أحد!!! تظاهر بالاكل قبل ان يخرج الفأر محمولا من ذيله!!! صرخ: -يا ولاد ال0000 بتأكلوا الناس فيران00 نظر اليه الرواد وكل يكاد ان يتقيأ00 أتبع مشكاح: -وأكيد دى لحمة حمير وفراخ انفلوزا الطير انا ح أخرب بيتكم يا ولاد الكلب حد يروح يبلغ البوليس 00 أنا عايز حقى جاء محروس مهرولا00ملولا: -اول مرة تحصل00 اكيد فيه حاجة غلط آسفين يا بيه قال بغلظة: -مكلش من الكلام ده انتوا لازم تروحوا ف داهيه قال محروس متوسلا: -حصل خير انا ح اعملك اللى انت عايزة أرجو بلاش فضايح أمسك مشكاح ببطنه: -آآآآآآى00 أأأأأأأاه بطنى 00بطنى بتتقطع سمتونى 00 انا ح اوديكم ف داهيه جذبه الرجل بعيدا عن صالة الطعام الى المطبخ ومشكاح يسير معه مستسلما00 قال محروس: -طلباتك ايه؟ قال بصفاقة: -عايز تعويض ده غير فلوس المستشفى وغسيل المعده -ميت جنيه كويس! -آآآآآآآه يا بطنى انا ح آخد حقى من المحكمة ولازم اشمع لك المحل تدفع خمسمية ونخلص00 انا عندى شهود -كل اللى معايا ميتين وخمسين جنيه صرخ مشكاح: -يا عالم ألحقونى00 انا بموت00 حد ينقلنى المستشفى -خلاص 00خلاص حالا اجيبهم لك وذهب الرجل يهرول وأحضر المبلغ والقى به فى يد مشكاح أخذه مشكاح وانصرف مبتسما وعاد متحنجلا الى الكونتيسة ريما وقبل ان يصل الى البيت قربع لترين كوكاكولا دخل عليها منتفخا كدكر البط وجلس يضع الساق على الساق قالت : -عملت ايه يا منيل؟؟ قال فى حبور وفخر: -خمسمية جنيه00عملية سقع قال ساخرة: -هه00 خمسمية00 جتك نيلة يا دغف00 عملية زى دى أأقلها باكو هرش فى رأسه وقال: -تفتكرى لا00كده قشطة -زى بعضة بس بعد كده تبقى تشغل دماغك قال فرحا: -هوه فيه تانى؟ -أمال يا منيل سبوبة عنب زى دى لازم تتكرر -مخك دهب يا بت يا ريما00 عندكيش حاجة حرشة لطمت خدها: -انت لسه عايز تتطفح تانى!! ربنا يهدك تتبع
__________________
|
|
#4
23-07-2009, 10:27 AM
|
||||
|
||||
|
رد: مشكاح وريما 2009
مشكاح ده مركب موتور ماكينة طحن فى بطنه ! ptmnlo123per1106
ده موش ح ينفع معاه غير ان عاشـور الناجى ييجى يلزقه على قفاه أو يلسعه على دماغه بالنبوت ! Dr. Bolbolan ptmnlo123per122
__________________
ليت الشباب يعود يوما فأخبره بما فعل المشيب بى ! ptmnlo123per1127
|
 |
|
|
