استفسار بخصوص الفايظ

[didoetman]

ايه اللى يحصل لو خرطوم الفايظ اللى طالع من غطا التاكيهات كان مسدود

[mr_astra]

خرطوم الفايظ مش طالع من غطا التاكيهات ولكنة داخل على غطا التاكيهات
انما لو مسدود من المنبع اللى هو البلوك
المكنة مش هاتسحب والـ ارب بى ام مش هايعدى 3 مثلا وهاتحس بتكتيفة فى المشى
علاوة على ان جوان الكرتيرة اكيد هايضرب
دة توقعى

[احمد على 1999]

يبقى هو قصده خرطوم ال pcv
اللى هو متوصل بين غطا التاكيهات و العمة
ممكن سده يسبب فى الاتى
تسريب زيت من جوان غطا التاكيهات
تلف الزيت بدرى بدرى
الزيت يكون تكتلات شحمية لانه لا يتخلص من الرطوبة

زمان كان الفايظ مكانه كان صمام بيطلع للهواء الطلق
بس نظرا للاضرار البيئية عملوا ال pcv اللى بيطلع هبو الفايظ من خلال علبة التاكيهات الى الكاربراتير ليحترق فى دورة الاحتراق بدلا من اطلاقه فى البيئة و ضرره عليها

[didoetman]

انا هقولكم تجربتى انا شارى العربيه جديد تويوتا عيون اتوتوماتيك
اول ما جبتها رحت اغير زيت وفلتر هوا وفلتر زيت وسير كتينه
فلقيت نقطه زيت فى العمه بتاعت الهوا فالميكانيكى قالى العربيه بتنفخ
وعاوزه طقم شمبر ضرورى قبل الصيف قلت ماشى نعمله واديته فلوس وسيبتله العربيه
ومشيت بعد 3 ايام رحت جبتها ومشيت بيها وبعد فتره بفتح العمه لقيت نقطه زيت
تانى الصراحه مهتمتش قلت مش مهم بقى خصوصا ان العربيه كانت ماشيه زى الفل وسحبها ممتاز
المهم العربيه بدات الاقى زيت تحتها والزيت بدا ينقص وكل ما اروح مشوار بيها حتى ولو صغير الاقى الزيت بينقط
رحت لميكانيكى تانى قالى ده اويل سيل كرنك خلفى حت جبت الاصلى ب 120 جنيه وغيرته ولما روحت البيت ببص تحتها لقيتها بتجيب زيت تانى.
رجعت تانى يوم للميكانيكى قالى جوان كرتير غيرته وروحت
لقيت تحتها زيت وبجيب اكتر من الاول فاتضايقت جدا وابتديت احس ان المكنه معيوبه المهم الناص وصفولى ميكانيكى كويس وشاطر رحت له بص هو كمان
وقالى اويل سيل كرنك خلفى رحت جيبته ب 120 جنيه تانى وركبه كويس وقعد يركب فيه كتير وبالراحه خالص ومشيت بالعربيه واول ما وصلت البيت لقيت الزيت
مغرق الدنيا تانى فاتقفلت بقى وطلبت الميكانيكى قالى هاتهالى بكره تانى
وديتها وبص قالى ده زيت موتور برده قلتله اه قالى لا احنا هنسقط مكنه تانى ونشوف ايه الموضوع حلينا المكنه لقينا الاول سيل برده ضارب وطالع من مكانه زى كل مره
قعد يلف حولين المكنه وقالى المكنه دى فيها ضغط هوا هو اللى بيطلع الاويل سيل من مكانه. وراح جاب العمه ومسك خرطوم ونفخ فيه لقاه مسدود جه يسلكه طلع منه قطع قماش محشوره فيه . وده طبعا الميكانيكى الاولانى اللى عملى الشمبر لما لقى نفسه معرفش يعمله والعمه بيبقى فيها زيت تانى قام ساده علشان انا مشوفش الزيت
وده بسبب قله الضمير طبعا ربنا يسامحه بهدلنى معاه . مع العلم انى عندى فى غطاا التاكيهات خرطومين اتنين خارجين منه .
ومعلش على الاطاله بس قلت اقول تجربتى جايز حد يستفاد منها

[svneleven]

المشاركة الأصلية كتبت بواسطة didoetman انا هقولكم تجربتى انا شارى العربيه جديد تويوتا عيون اتوتوماتيك اول ما جبتها رحت اغير زيت وفلتر هوا وفلتر زيت وسير كتينه فلقيت نقطه زيت فى العمه بتاعت الهوا فالميكانيكى قالى العربيه بتنفخ وعاوزه طقم شمبر ضرورى قبل الصيف قلت ماشى نعمله واديته فلوس وسيبتله العربيه ومشيت بعد 3 ايام رحت جبتها ومشيت بيها وبعد فتره بفتح العمه لقيت نقطه زيت تانى الصراحه مهتمتش قلت مش مهم بقى خصوصا ان العربيه كانت ماشيه زى الفل وسحبها ممتاز المهم العربيه بدات الاقى زيت تحتها والزيت بدا ينقص وكل ما اروح مشوار بيها حتى ولو صغير الاقى الزيت بينقط رحت لميكانيكى تانى قالى ده اويل سيل كرنك خلفى حت جبت الاصلى ب 120 جنيه وغيرته ولما روحت البيت ببص تحتها لقيتها بتجيب زيت تانى. رجعت تانى يوم للميكانيكى قالى جوان كرتير غيرته وروحت لقيت تحتها زيت وبجيب اكتر من الاول فاتضايقت جدا وابتديت احس ان المكنه معيوبه المهم الناص وصفولى ميكانيكى كويس وشاطر رحت له بص هو كمان وقالى اويل سيل كرنك خلفى رحت جيبته ب 120 جنيه تانى وركبه كويس وقعد يركب فيه كتير وبالراحه خالص ومشيت بالعربيه واول ما وصلت البيت لقيت الزيت مغرق الدنيا تانى فاتقفلت بقى وطلبت الميكانيكى قالى هاتهالى بكره تانى وديتها وبص قالى ده زيت موتور برده قلتله اه قالى لا احنا هنسقط مكنه تانى ونشوف ايه الموضوع حلينا المكنه لقينا الاول سيل برده ضارب وطالع من مكانه زى كل مره قعد يلف حولين المكنه وقالى المكنه دى فيها ضغط هوا هو اللى بيطلع الاويل سيل من مكانه. وراح جاب العمه ومسك خرطوم ونفخ فيه لقاه مسدود جه يسلكه طلع منه قطع قماش محشوره فيه . وده طبعا الميكانيكى الاولانى اللى عملى الشمبر لما لقى نفسه معرفش يعمله والعمه بيبقى فيها زيت تانى قام ساده علشان انا مشوفش الزيت وده بسبب قله الضمير طبعا ربنا يسامحه بهدلنى معاه . مع العلم انى عندى فى غطاا التاكيهات خرطومين اتنين خارجين منه . ومعلش على الاطاله بس قلت اقول تجربتى جايز حد يستفاد منها

حسبنا الله و نعم الوكيل يعني قلة ضمير مش في شغلة بس لأ كمان خرب لك الدنيا و بهدلك.