خطا شائع جدا فى القياده تعالوا نعرف ايه خطورته

[amir elgamal]

شويه ميكانيكا سيارات كده على ادى


لو فى اراء اخرى ياريت تكتبوها

اتكلمنا عن اخطاء القياده
وافتكروا معايا كده
قولنا انه ماينفعش تبقى على التالت او الرابع مثلا وداخل على مطب ودوس على الفرامل من غير ما تدوس دبرياش
على طول هتلاقى الموتور بيشتم وهتسمع صوت تسقيف فى الموتور
طيب انا هشرح النهارده ايه الى هيحصل فى الموتور بالظبط بسبب هذا الخطا
.
والعربيه واخده غيار الموتور عمال يولد قوه علشان يحرك العجل
معنى كده ان الموتور متوصل على العجل عن طريق وليكن الغيار الثالث
تخيل انت عمال تزق فى عربيه والى جوه راح دايس فرامل وانت بتزق جامد جدا ومتحمس كمان
البستم كده برضو
البستم بيحصل فوقه انفجار عند المنطقه الميته العليا
وبيتولد من الانفجار ده قوه بتنزل البستم للمنطقه الميته السفلى

طيب والبستم نازل لتحت بقوه كبيره وانت روحت دايس فرامل
تخيل معايا كده لحظه
انت ماسك حته خشبه وبتزقها بالطول فى الحيطه
ما الخشبه كده هتتكسر
طيب البستم بيزق لتحت
والفرامل بتوقف القوه ده وبمعنى اصح بترد القوه لفوق
اعتقد وصلت !!
فى النهايه البستم هيتكسر
طبعا مش هيتكسر فى ساعتها لانه مش خشبه
ده بالوقت مش هتلاقى البستم سليم
فى ناس بتقول ان عمود الكرنك بيتكسر من الحركه ده بس انا اشك فى هذه المعلومه!!
.
ها ؟؟
فى حد هيعمل الحكايه ده تانى ؟؟
القرار فى ايدك
وفى الاخر تعيبوا على العربيه والموتور
.
تحياتى
.
>>> amir <<<

[amir elgamal]

فى حاجه نسيتها سببت اختلاف بسيط

الكلام ده بالنسبه للسلانسيه بس
طبعا ماحدش فهم حاجه
هشرح بالتفصيل
يعنى انت دلوئتى على الرابع
ودوست على الفرامل من غير دبرياش ساعتها الموتور هتقل سرعته الى هى rbm
لحد ما يوصل لسرعه السلانسيه الى هيه فى معظم السيارات 800 rbm
طيب لو جيت تدوس على الفرامل بعد السلانسيه هيحصل كل الى انا كتبته فى الموضوع
.
amir