اخر كلام مساعدين مونرو ولا مايلى للـ 127 فيورا

[محمود فرنسا]

السلام عليكم ورحمة الله وبركاتة
معلش ياجماعة انا نازل بكرة اشتري مساعدين عشان لسه مركب استيراد وياريتني ماركبتهم
هشتري جديد وامري لله بس محتار بين الاسبانى والياباني فيه ناس بتقول ان المونرو محتاج قبل ما اركبه اعمل عمرة عفشه يعني بيض سوست .. الخ هل الكلام ده صحيح معقول المونرو ناشفة لدرجة انها تجيبلي اجل العفشة ؟؟
طب لو قولنا مايلي اجيبها منين وبكام بالضمان ؟ لو مكان قريب من الهرم الجيزة ياريت
سؤال اخير انا بيركب معايا حد تقيل شويه لازم احك ف المطبات ايه حلها دي
سمعت انى ممكن اعلي السوست ل 19سم بس لما قولت للعفشجي قالى مفيش الكلام ده انا هحطلك كاوتشات
ايه رايكم ف الكلام ده
لو دي شغلة حداد سوست دلونى على حد كويس اعملهم عنده

[mr_astra]

هات مساعدين اى نوع بس بشرط انهم يكونو زيت فقط بلاش الانواع الاخرى

بالنسبة للحكة
روح لحداد سوست وخلية يقنطر السوستة الام والسستة الفرعية عشان العربية تعلى
والكلام دة لو عربيتك زى الـ 128 على سوست بالعرض

[محمود فرنسا]

المشاركة الأصلية كتبت بواسطة mr_astra هات مساعدين اى نوع بس بشرط انهم يكونو زيت فقط بلاش الانواع الاخرى بالنسبة للحكة روح لحداد سوست وخلية يقنطر السوستة الام والسستة الفرعية عشان العربية تعلى والكلام دة لو عربيتك زى الـ 128 على سوست بالعرض

يعني الزيت افضل من الزيت والغاز والكلام ده
انا بصراحة مش عارف السوست عندي ايه نظامها بس انا حاسس ان عندى ورا مفيش مشكلة المشكلة كلها قدام ممكن اعلي قدام بس ؟

[mr_astra]

يعني الزيت افضل من الزيت والغاز والكلام ده

ايوة الكلام دة مظبوط اوى فى الفيات القديم
انما فى اليابانى والكورى او الحديث عموما بيكون اداؤهم جيد جدا وبيدو ثبات للعربية

غريبة ان العربية تحك من ادام فقط
معظم المشاكل من الخلف

[محمود فرنسا]

المشاركة الأصلية كتبت بواسطة mr_astra ايوة الكلام دة مظبوط اوى فى الفيات القديم انما فى اليابانى والكورى او الحديث عموما بيكون اداؤهم جيد جدا وبيدو ثبات للعربية غريبة ان العربية تحك من ادام فقط معظم المشاكل من الخلف

خلاص تمام خلينا ف الزيت بس
الحمد لله معنديش مشاكل ورا المشاكل كلها قدام بس مش عارف اعلى السوست ولا احط كاوتشات ولا ورقة تالته ولا ايه بالضبط