استفسار عاجل للخبراء

[hany562000]

السلام عليكم و رحمة الله و بركاته...العربية كانت بتلت و بتطلع دخان ابيض من الشكمان و فيه بوجيه لما بطلعه بيكون عليه زيت...طبعا قلنا ده اكيد طقم شنبر ..انهاردة رحت بيها لميكانيكي نضيف بص بسرعة عليها كده عشان كان مش فاضي و قالي خرطوم التكييف متركب غلط او مفكوك من ايه ...مش فاكر الصراحة هو عمل ايه بسرعة كده المهم يعني ان العربية اتظبطتت بعدها و بطلت تتلت خااالص و بقت ناعمة جدا ..رحت بعدها كنت بغير زيت لقيت الزيت اللي نازل زي الطحينة و مقاس الزيت كمان عليه ميه ....انا دلوقتي احترت هل هو طقم شنبر ؟؟؟ و لا جوان وش سلندر ؟؟؟؟
مع العلم ان الحرارة تمام و شكراا

[aldesha989]

غالبآ جوان وش سلندر بس احسن لو انتا قلقان تكشف عليها عندك ميكانيكى محترم ولو تقدر على الاتنين اتكل على الله وغيرهم

[mr_astra]

الخرطوم اللى شالة من مكانة هو خرطوم الفايظ وكان داخل على عمة الكربراتير وهو شالة وخلاة مفكوك

وطالما الزيت عامل طحينة يبقى اكيد الجوان ضارب عندك

وبما ان خرطوم الفايظ بيطلع دخان يبقى الشنابر عاوزة تتغير

الحل
عمل طقم الشنبر
و اصلاح وش السلندر عند الخراط وعمل قواعد ودلايل وجلد صباب

[eng/walaaeldeen]

المشاركة الأصلية كتبت بواسطة mr_astra الخرطوم اللى شالة من مكانة هو خرطوم الفايظ وكان داخل على عمة الكربراتير وهو شالة وخلاة مفكوك وطالما الزيت عامل طحينة يبقى اكيد الجوان ضارب عندك وبما ان خرطوم الفايظ بيطلع دخان يبقى الشنابر عاوزة تتغير الحل عمل طقم الشنبر و اصلاح وش السلندر عند الخراط وعمل قواعد ودلايل وجلد صباب

السلام عليكم
:Bra vo:
والله المستعان

[hany562000]

الف الف شكر علي الردود و ربنا يكرمكم جميعا ان شاء الله .
aldesha989 ....mr_astra
انا فعلا رحت بيها لميكانيكي محترم انهاردة و قالي ان اللي فيها ده بسبب الجوان و المية داخلة علي الموتور بشكل ملحوظ فعلا و يوم الاثنين ان شاء الله هوديهاله يصلح القصة دي