|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
 |
|
|
أدوات الموضوع |
|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
|
|
أدوات الموضوع |
|
#1
12-01-2013, 08:28 PM
|
||||
|
||||
منين أعرف أن الزيت اللى فى الموتور كويس
طبعا السؤال باين من عنوانة أزاى أعرف أن الزيت اللى جوة الموتور كويس ولزوجتة كويسة وفين على جركن الزيت يكتب كام الف كيلو يتمشى بيهم ليه بقى فى أخر مرة وضعت زيت كان زيت التعاون الجركن الأحمر الخاص بمحركات الديزل أبو 55 جنية والراجل بتاع الزيت قال أن الزيت ده يمشى فى الصيف 1500 كيلو فى الصيف أما فى الشتاء 2000 كيلو وليا واحد صاحبى راح لواحد تانى بتاع زيت وحط نفس النوع اللى حطيت منه والراجل بتاع الزيت قال له كلام موخالف خالص قال أن الزيت ده يتمشى بية من 4000 كيلو الى 5000 كيلو مع العلم أنة نفس النوع اللى حطيتة عايز أعرف أزاى الكلام ده وسألت الميكانيكى بتاعى وقال أن أسؤ أنواع الزيوت هو التعاون وبعدين ده بتاع ديزل مش بنزين ولما سالتوه هل يبوظ حاجة بالمتور قال لا طب دلوقتى أنا عايز أفهم أزاى أعرف أن الزيت كويس ولا بحاجة الى تغيير عن طريق لمسة ووضعه على اليد تشوف لزوجتة ولا أية .
برجاء الأفادة أخوكو محمد 
__________________
|
|
#2
13-01-2013, 01:14 AM
|
||||
|
||||
|
رد: منين أعرف أن الزيت اللى فى الموتور كويس
الي انا بعمله بطلع مفياس الزيت
لقيت الزيت بقي علي زي الميه في حركته اكيد يبقي خلاص ولو ملقتش كده حط طرف صباعك الصغير وشوف كده لو لقيت في لزوجه زي لزوجه العسل يبقي سليم بس عموما الجركن ال1500 بيقعد 2000 عادي و بالذات في الشتاء 2500 عادي بردو عموما احسب استهلا عربيتك في البنزين انا مثلا 250 كيلو في الصفيحه و بفول 50 لتر يعني يعملو معايا 600 او 700 كيلو يعني كل 4 او 5 تفويلات اغير زيت طبعا في زيوت بتعدي 10 الاف كيلو و زيوت 25 الف كيل زي شيل سوبر هيلكس
|
|
#3
13-01-2013, 10:51 AM
|
||||
|
||||
|
رد: منين أعرف أن الزيت اللى فى الموتور كويس
اللزوجة على البارد غير اللزوجة على السخن ولذلك صعب انك تحدد الزيت ده يقعد ولا ترميه
طبيعة تشغيل الموتور زحمة كتير - طرق مفتوحة - تراب - جو نضيف - حر - برد - بنزين 80- بنزين 95 - غاز طبيعى كل الحاجات دى عوامل بتأثر بشكل مباشر على الزيت ده غير طبعا الفلتر بيلم الشوائب كويس الموتور حالته عاملة إزاى وكمان نضافة الموتور من جوا عشان كده ماينفعش تاخد بكلام الكتاب انت بنفسك اللى تحكم على الزيت فيه ناس بتأمن نفسها وترميه على 1000و 1500 وناس تانية بتمشى علية 15000 (واحد صاحبى عملها فى عربية 128 ) لكن عموما لما الزيت بيقدم سحب العربية بيقل وبيزيد إستهلاك البنزين وصوت الموتور الصبح بيبقى مش كويس ده غير سخونة عن المعدل الطبيعى الكلام ده عن تجربة وعشان أريح دماغى بحط زيت موبيل دلفاك ام اكس 3 مع إضافة للزيت إسمها أبرو وفى نوع تانى اسمه سيكلو مصنوعين فى امريكا (الأصلى منهم بيبقى تقيل شوية ) إضافة الزيت دى بتمنع الإحتكاك الزيادة فى الموتور وبتطول عمر الزيت
|
|
#4
16-01-2013, 01:49 PM
|
||||
|
||||
رد: منين أعرف أن الزيت اللى فى الموتور كويس
أن شاكر ليك جدا يا باشا 1-وعارف أن اللزوجة على البارد غير والزيت سخن لأن حضرتك لما تيجى تغير زيت المحرك يفضل أن تكون السيارة ساخنة حيث بيكون الزيت فك ولزوجتة قلت بفعل سخونة المحرك. 2- بالنسبة لظروف التشغيل الوقود 80 المشى بالسيارة فى أيام محدودة فى زحمة قد تصل إلى ساعة الا ربع كأقصى تقدير الى ساعة الأغلبية العظمى فى مثل هذا الوقت من السنة فى جو بارد وحضرتك طبعا عارف جو إسكندرية عامل أزاى فى مثل هذا الوقت من السنة. 3- بالنسبة للفلتر أنا بغيرة فى تانى مرة لغيار الزيت. 4- الحالة العامة للموتور بالنسبة لتشخيصى وتشخيص صديق ليا يفهم فى المحركات والسيارات عامة حوالى 85% أن لم تكن أكثر. 5- بالنسبة لسخونة المحرك أقصى درجة حرارة وصلت لها سيارتى فى عز الصيف هى 90 درجة مئوية بالنسبة للشتاء أقصى درجة حرارة وصلت لها السيارة هى حوالى ما بين 75 الى 85 وعمرها ما عدت الشجرة اللى هى 90 درجة مئوية. والف شكر مرة أخرى لحضرتك وكل من حاول المساعدة. أخوك محمد  
__________________
|
|
#5
16-01-2013, 02:00 PM
|
||||
|
||||
|
رد: منين أعرف أن الزيت اللى فى الموتور كويس
ما فيش عبوة زيت مكتوب عليها بتمشى العربية كام كيلو وكلها اجتهادات عشان ترجع لبتاع الزيت تانى فى مواعيد متقاربة
لو كانت المسافة معروفة كانو كتبو عليها كام كيلو افضل الاختيارت زى ما قال الاستاذ "هشام الجزار"
__________________
يااااااااااااا رب إرحمنا بقدرتك علينا 
|
|
|
|
