هيا العربية بتلعب معايا و لا أنا بيتهيئلى .... الكربراتيييييييييير

[zing0]

السلام عليكم
الكربراتير عندى ( و كالعاده إللى زى الزفت)كان كل شوية يتسد (4-5 أيام و يتسد)
و طبعاً أروح للميكانيكى يفك العمة و يرش بنزين و شوية هوا كمبروسر و يأخد المعلوم (15 جنية)

قررت معملش بيه و أفك بنفسى: و جبت منظف كربراتير أبرو و عملت زى ما إتعلمنا هنا.
النتيجه: المنظف جبااااار فعلاً بيسيح الكربون المتراكم ....( و يدخلوا جوه الكربراتير)

طبعاً لاقيت دخنه سودا من الشكمان و إستهلاك بنزين مش طبيعى.

توكلت على الله و رحت للأسطى معتز المصرى (أقرب واحد لى و شكر فيه الأستاذ سيد عصام مشرف قسم الفيات) و بصراحه شغله زى الفل. ضبط الكربراتير أكس و باب طبعاً و عدّل وضع الإسبراتير (علّى الكهربا شويه).
النتيجه: الحمد لله سحب و تسارع أفضل و الدخان راح (على قد ما كنت شايف لأن الدنيا كانت ليل) و لكن..... السلانسية عالى. و هو قاللى ده المضبوط بتاع اللادا.

تانى يوم: السلانسية وطى سنه صغيرة و ظهر دخان أسود من الشكمان تانى و فى رعشة متقطعة (غير منتظمة و لا مستمرة , بتروح و تيجى بس و را بعضها) على السلانسية و الغيارات.

هل: العربية بتغير كهربتها لواحدها و لا بيكات الكربراتير أتسدت فى يومين المطر و التراب دول و لا أيه؟

[Hisham.Elgazzar]

السلانسية وطى سنه صغيرة و ظهر دخان أسود من الشكمان تانى و فى رعشة متقطعة (غير منتظمة و لا مستمرة , بتروح و تيجى بس و را بعضها) على السلانسية و الغيارات.

عاوزة تتظبط هوا وبنزين وكهربا

[mr_astra]

الصينة اللى جوة الاسبراتير بيظة وبتقدم وتاخر الكهرباء بمزاجها
الـ لادا اصلا كيفة تغير اسبراتير
هات واحد جديد روسي بـ 160 جنية بس هات على القديم لان فية سن طويل وسن قصير