صوت تزيق الفرامل وانت ماشي علي الهادي

[Mohamed halim]

السلام عليكم
انا حابب انقل تجربتي مع مشكلة الفرامل وحلها للاعضاء
انا بعمل الصيانة الدوريه في اتو ايجيبت انا استلمت السيارة في منتصف شهر يوليو2012 وهي اتوماتيك
صيانة الالف تمام لا مشاكل الحمد لله
عند مرور 3000 الاف لاحظت صوت تزيق خفيف (ممكن تقول زي زقزقة )وانت ماشي علي الهادي لما تدوس فرامل او واقف علي الدائري او اشارة
ملحوظة الصوت صادر من الامام
قولت يكمن التيل عاوز يتصنفر في صيانة 5000 ابقي اشوف
صيانة 5000
مهندس الصيانة من نفسه قالي هنصفر التيل عشان متسمع اصوات قولت الحمد لله
مشيت يدوب 50 كيلو او اكثر قليل سمعت برده نفس الصوت لما ادوس فرامل وانا علي الهادي -الصراحة كبرت وقولت يمكن التيل بيطبع
صيانة 10000
ذكرت لمهندس الاستقبال مشكلة الصوت وطلبت يكشفوا علي التيل بعد اانتهاء الصيانة قال التيل تمام فيه اكثر من 6 مم تخانة مش محتاج تغيرولكن الطنمبورة فيها شفة( ريجة ) ولما التيل ينتهي تغيرها مع بالمرة
ملاحظة :
شفة بالطمنبورة تعني تعرجات فيها وتلزم التغير او الخراطة الميكيانيكة لاستعدالها
الصراحة انا اتصدمت ومشيت قولت الكلام ده محصلش معايا في العربية المستعملة
قرات شوية علي النت وسالت عرفت ان لما اليتل يكون ردي يودي الي تلف الطمنبورة
خدت العربية ورحت لميكانيكي وكشفت علي التيل وصورته لقيت فيه بالبلدي زي شوائب لونها اصفر /نحاسي والتيل كماركة مش مكتوب عله نيسان-الميكانيكي اكد ليه ان الطنابير اتعرجت وانا شوفتها فلعلا سطحها مش امس او علي مستوي واحد وقالي ان اللي عمل كده خامة التيل مش جيدة بالمرة صنفر التيل تاني الصوت راح لمدة يومين ورجع تاني ده بياكد ان كل مايتم ازالة طبقة من التيل اللي مليان شوائب الصوت يروح ويرجع لما طبقة تانية تظهر وفيها شوائب بتحتك مع الطمنبورة .
كلمت نيسان وعملت شكوي ازي الطمنبورة يحصل فيها تعرجات والعربية مكملتش 10000هل ده طبيعي ؟ وكمان ازي معايا صوت صفارة من بعد 3000 ومااتعالجش في الصيانات المتتالية
قالوا لي ده من الاستخدام بتاعي يعني بدوس فرامل كتير وان الطمنبورة والتيل بره الضمان وده برده كلام مهندس الصيانة اللي هو كلام مش مقنع .
المهم نيسان طلبت مني اروح مركز تاني غير اللي عملت فيه الصيانة واشوف تقريرهم ايه ؟؟
بعدها بيوم كلموني اتو ايجيبت عشان موضوع الصفارة اللي بشتكي منها وروحت قعدت تقريبا اربع ساعات وغيروا لي التيل والطنابير الامامية داخل الضمان الحمد لله
رجاء اللي يسمع صوت صفارة / زقزقة وهو بيدوس فرامل علي الهادي مايكبرش دماغه عشان الطنابير ماتتلفش

ملاحظة: من اهل الخبرات
1-الطنابير تتغير او تتخرط مرة واحدة بعد رقم كبير من الكيلو مترات ممكن 50 الف
2-التيل بيتغير في الاتوماتيك اسرع من المانيول وده بيعتمد علي استخدام سائق السيارة بس مش بيتغير في 10000 او حتي 15000

[koffa]

المشاركة الأصلية كتبت بواسطة Mohamed halim السلام عليكم انا حابب انقل تجربتي مع مشكلة الفرامل وحلها للاعضاء انا بعمل الصيانة الدوريه في اتو ايجيبت انا استلمت السيارة في منتصف شهر يوليو2012 وهي اتوماتيك صيانة الالف تمام لا مشاكل الحمد لله عند مرور 3000 الاف لاحظت صوت تزيق خفيف (ممكن تقول زي زقزقة )وانت ماشي علي الهادي لما تدوس فرامل او واقف علي الدائري او اشارة ملحوظة الصوت صادر من الامام قولت يكمن التيل عاوز يتصنفر في صيانة 5000 ابقي اشوف صيانة 5000 مهندس الصيانة من نفسه قالي هنصفر التيل عشان متسمع اصوات قولت الحمد لله مشيت يدوب 50 كيلو او اكثر قليل سمعت برده نفس الصوت لما ادوس فرامل وانا علي الهادي -الصراحة كبرت وقولت يمكن التيل بيطبع صيانة 10000 ذكرت لمهندس الاستقبال مشكلة الصوت وطلبت يكشفوا علي التيل بعد اانتهاء الصيانة قال التيل تمام فيه اكثر من 6 مم تخانة مش محتاج تغيرولكن الطنمبورة فيها شفة( ريجة ) ولما التيل ينتهي تغيرها مع بالمرة ملاحظة : شفة بالطمنبورة تعني تعرجات فيها وتلزم التغير او الخراطة الميكيانيكة لاستعدالها الصراحة انا اتصدمت ومشيت قولت الكلام ده محصلش معايا في العربية المستعملة قرات شوية علي النت وسالت عرفت ان لما اليتل يكون ردي يودي الي تلف الطمنبورة خدت العربية ورحت لميكانيكي وكشفت علي التيل وصورته لقيت فيه بالبلدي زي شوائب لونها اصفر /نحاسي والتيل كماركة مش مكتوب عله نيسان-الميكانيكي اكد ليه ان الطنابير اتعرجت وانا شوفتها فلعلا سطحها مش امس او علي مستوي واحد وقالي ان اللي عمل كده خامة التيل مش جيدة بالمرة صنفر التيل تاني الصوت راح لمدة يومين ورجع تاني ده بياكد ان كل مايتم ازالة طبقة من التيل اللي مليان شوائب الصوت يروح ويرجع لما طبقة تانية تظهر وفيها شوائب بتحتك مع الطمنبورة . كلمت نيسان وعملت شكوي ازي الطمنبورة يحصل فيها تعرجات والعربية مكملتش 10000هل ده طبيعي ؟ وكمان ازي معايا صوت صفارة من بعد 3000 ومااتعالجش في الصيانات المتتالية قالوا لي ده من الاستخدام بتاعي يعني بدوس فرامل كتير وان الطمنبورة والتيل بره الضمان وده برده كلام مهندس الصيانة اللي هو كلام مش مقنع . المهم نيسان طلبت مني اروح مركز تاني غير اللي عملت فيه الصيانة واشوف تقريرهم ايه ؟؟ بعدها بيوم كلموني اتو ايجيبت عشان موضوع الصفارة اللي بشتكي منها وروحت قعدت تقريبا اربع ساعات وغيروا لي التيل والطنابير الامامية داخل الضمان الحمد لله رجاء اللي يسمع صوت صفارة / زقزقة وهو بيدوس فرامل علي الهادي مايكبرش دماغه عشان الطنابير ماتتلفش ملاحظة: من اهل الخبرات 1-الطنابير تتغير او تتخرط مرة واحدة بعد رقم كبير من الكيلو مترات ممكن 50 الف 2-التيل بيتغير في الاتوماتيك اسرع من المانيول وده بيعتمد علي استخدام سائق السيارة بس مش بيتغير في 10000 او حتي 15000

شكرا علي المعلومات المهمه ديه .. انا بردو ابدتاديت اسمع صوت غريب كده لما باجي ادوس علي الفرامل بالذات لما بكون واقف علي منزل كوبري و مريح رجلي علي الفرامل .. بحس أني راكب اتوبيس نقل عام .. المهم قولتلهوم علي الصوت ده لما روحت اعمل الصيانه المجانيه اللي كانت نيسان عملها ديه في السبع اللي في المعادي وبعد مخلصوا قالولي التيل ماكنش نضيف والمفروض مايبقاش في صوت بس بردو لسه الصوت بيطلع وناوي اروح أققفش عليهم في صيانه ال 5000 انشأالله ولما نشوف اخرتها !!!