حاجه تخنق بجد

[ahmedpepo]

العربيه نوع جولف 2 1300 cc بتنقص زيت بهبل مع العلم ان لسه مغير جوان وش سلندر بس الميكانيكى الله يسمحه حط اتنين جوان مش واحد .... المهم... غيرت برده جوان وش التكيهات لانه كان بيسرب وبعد شهر لاقيت برده وش التكيهات بيسرب زيت ..والموتور برده بيعرق زيت من كل حته ومن تحت العربيه لاقيت زيت متسرب .

[mr_astra]

بس الميكانيكى الله يسمحه حط اتنين جوان

الله يسمحة لية ؟؟؟ الراجل عمل الصح لان بيكون فية فرق فى سمك الجوان الاصلى او ممكن تكون عملت قشط للوش ولازم الفرق يتعوض .....اقصد اقول انة اتصرف صح مش غلط

ولازم تغير جوان غطاء التاكيهات تانى بس حاول تجيب خامة كويسة والغطاء ينضف كويس جدا وتحط سليكون حرارى للجوان
وبخصوص ترشيح الموتور من تحت عاوز اعرف من جوان الكرتيرة ولا من اويل سيل امامى او خلفى
بس كاجراء وقائى لو تسمح تغير فلتر الزيت يمكن مكتوم او حاجة !!!!

[محمدصلاح القاضى]

مش عارف حاسس ليه
ان المكنه خفيفه ويتنفخ

[bunnybunny77]

طقم شنبر المانى او امريكانى+وش سلندر استيراد+فلتر زيت المانى+جوانات اصلى +تقفيل ميكانيكى متخصص جولف

و كله هيبقى تمام

[حمدى مخترع مانيوال بدون د]

مهما كان الترشيح ما يخليش المتور ينقص زيت بالهبل ممكن الاولسيلاات بتاعت المتور محتاجة تغير وموضع تركيب اتنين جوان ده فكر قديم واسبت انو بيوسع الغرف مما يساعد على اكل البنزين وتعرض الجونات الى التلف سريعا وازا تم قشط الوش بيعوض بجوان دوبل وليس اتنين جوان واحتمال كبير ان الكاتينة راكبة بشكل غير سليم وازا كانت الكتينة فيها سنة او اتنين غلط فده بيخلف فمواعيد الاشواط ما بين الصباب والبستم فازا تم غلق الصبابات اثناء نزول البستم للاسفل فى حالة الشفط قبل انهاء الشوط يقوم البستم بتعويض الشفط الناقص فمشواره من اسفله وازا لايوجد الا الزيت فيقوم بشفط الزيت الى اعلااه داخل غرفة الاحتراق مما يؤدى الى نوقصان الزيت بالهبل نتيجه الى احتراقه فالغرف ويعطى ايحاء ان المتور مفوت ويبق السبب الحقيقى ان الكاتينة مش راكبة صح اسف عالاطالة : 12EA7A~153: