اصدقائى الاسكندرانية ممكن تساعدونى فى جاجة

[toto toto]

انا ياجماعة معايا اوبترا اوتوماتيك وعايز اركب سنسور بارك وروحت عزبة سعد ودورت وملكتش غير نوع واحد الى هوة شاشتة الموزة المهم لاقيت الاسعار متفاوتة يعنى ياجماعة من اول 105 الى 180 جنية ونفس النوع والشكل والعلبة دا من غير التركيب المهم فى الاخر تعبت ومجبتش من الجشع والغش بتاعهم بش عاجبنى اوى النهاردة موضوع السنسور والكاميرا الخلفية وشاشة الى بتركب مكان المراية بس عايز اعرف منكم اركب انهى الكاميرا ولا السنسور لوحدة وياريت لو حد مجرب نوع معين وفية ناس مركبة السنسور دة واير لس بس مش عارف الاقية فين ساعدونى ياجماعة اركب اية والاسعار اية احسن انا تعبت

[screamseko]

اللي اقدر افيدك فيه السنسور
سالت عليه سعيد نصار كان ب195
وهم عباره عن 4 حساسات بيركبوا فيالاكصدام ب4 اخرام وبيتجمعوا باسلاك علي سينسور بيتوصل علي لمبة المارشدير

[eng/walaaeldeen]

المشاركة الأصلية كتبت بواسطة screamseko اللي اقدر افيدك فيه السنسور سالت عليه سعيد نصار كان ب195 وهم عباره عن 4 حساسات بيركبوا فيالاكصدام ب4 اخرام وبيتجمعوا باسلاك علي سينسور بيتوصل علي لمبة المارشدير

السلام عليكم
الثمن ده بالتركيب ولا من غير
ولو بدون تركيب هيكون التركيب في حدود كام
وياريت عنوانه ايه
والله المستعان

[screamseko]

لا ده بدون تركيب
واعتقد التركيب مش حيعدي 100 جنيه لانه مش كيميا بس عايز شغل نضيف عشان الاخرام بتاعة الاكصدام وفي نوع بيبقي ب225 تقريبا معاه شاشة بتوضح كام متر وراك فاضيين بس ملقتوش عنده
وعنوانه

عندك مدخلين ممكن تروح منهم اول واحد وانت جاي من من ابو قير حتخش من عند البنزينه يمين وتعدي نفق الابراهيميه حتلاقي الصينيه في وشك تلف وتاخد اول شارع يقابلك طوالي حتلاقي سعيد نصار علي ايدك اليمين الطريق التاني وانت جاي من سموحه ودوران عمانويل حتكمل طوالي وتسيب الدوران وتكمل للدوران التاني وتسيبه الدوران التالت حتلفه وتسيب اول شارع وتاخد تاني شارع تدخل فيه وطوالي يمين حتلاقي سعيد نصار

[نبيل عبدالرحمن]

أنا لسه عامل النظام ده من اسبوع واحد فقط ، إشتريت علبة السنسور من عزبة سعد بـ 125 جنيه ورحت بيها عند أمين الكهربائى فى شارع أدمون فيرمون بسموحه وقام بعملية التركيب والتجربة وعلى مدى ساعتين تقريباً وأخد منى 50 جنيه فقط
أى أن العملية لا تحتاج سوى 175 بالتمام والكمال