الكريستالة و المكوة

[seeraa]

ماهو الفرق بين لانسر كريستالة ولانسر مكوة ؟؟
من جهة :
1- قوة التحمل .
2- الارتفاع عن الارض .
3- سعر قطع الغيار .
4- سهولة الصيانة واعمال الميكانيكا .
5- الاقل اعطال .
6- ايهما فتيس الاوتوماتيك فيه افضل فى وجود التكييف والعربية 1300 cc .


ايهما تفضل السيارة كإقتناء مش هتبيعها بعد ما تجيبها . وايهما تكييفا افضل . وهل الاتنين كاربرتير ولا فى نوع منهم انجكشن وهل المتور ال 1300 cc فى الكريستالة بيشغل التكييف كويس فى العربية الاوتو من غير مايتقل حركة العربية زى ما سمعت .
وفى النهاية لو حد عنده فكرة عن الاسعار اليومين دول ياريت يفيدنى وشكرا للجميع .

[ahmed el gendy]

انا هارد علي اللي اعرفه ف الاسئلهبتاعتك بالنسبه لقطع الغيار اكيد الكريستاله متوفره اكتر وقطع غيارها ارخص لانه الاكثر انتشارا وموديل اقدم بالنسبه للموتور الاتنين كربيراتي ومتكد من كده لان واحد صاحبي معاه المكوه الموديل اللقي قبل الاخير فيها وكربيراتير اما بالنسبه للتحمل اعتقد اي عربيه ياباني بتستحمل كويس ونصيحتي لو تقدر تجيب المكوه يبقي افضل عشان فرق الموديل نفسه وفرق سنين الاستهلاك بتكون اقل

[egawady]

المشاركة الأصلية كتبت بواسطة seeraa ماهو الفرق بين لانسر كريستالة ولانسر مكوة ؟؟ من جهة : 1- قوة التحمل . 2- الارتفاع عن الارض . 3- سعر قطع الغيار . 4- سهولة الصيانة واعمال الميكانيكا . 5- الاقل اعطال . 6- ايهما فتيس الاوتوماتيك فيه افضل فى وجود التكييف والعربية 1300 cc . ايهما تفضل السيارة كإقتناء مش هتبيعها بعد ما تجيبها . وايهما تكييفا افضل . وهل الاتنين كاربرتير ولا فى نوع منهم انجكشن وهل المتور ال 1300 cc فى الكريستالة بيشغل التكييف كويس فى العربية الاوتو من غير مايتقل حركة العربية زى ما سمعت . وفى النهاية لو حد عنده فكرة عن الاسعار اليومين دول ياريت يفيدنى وشكرا للجميع .

انا ممكن أجاوب على اسئلة حضرتك بالنسبة للكريستالة بس انما المكواه حد غيرى ممكن يفيدك ...
انا معايا كريستالة 98 اوتوماتيك 1300 .... العربية ما شاء الله ممتازة فى كل شئ ... وفعلاً قليلة الأعطال قوى وتعيش معاك عمر طويل بدون مشاكل ... وقطع الغيار موجودة فى كل حته .. أى محل بتاع يابانى لازم حتلاقى عنده قطع غيار للكريستالة .... وبالنسبة للفتيس الاتوماتيك هو من أفضل الفيتيس الاوتوماتيك (زى كل العربيات اليابانى) ... يكفى اقول لحضرتك انا عامل بعربيتى حوالى 130 الف كيلو لغاية دلوقتى ... وعمرى ما عملت أى حاجة فى الفتيس الا تغيير زيت بس عند 80 الف كيلو فقط لاغير .....

انما بالنسبة للعيوب ... فلازم الواحد يكون أمين فى كلامه ... عيبها انها واطية شوية .. بتحك فى المطبات .. خصوصاً شوارع مصر احنا عارفين عاملة ازاى ..
تانى حاجة الموتور رغم انه ممتاز وبتجرى كويس قوى انما السحب بيقى ضعيف خصوصاً لو مشغل التكييف وعاوز تشد حتلاقى نفسك بتعانى ....

غير كده العربية ممتازة .... واسعارها دلوقتى اعتقد تترواح ما بين الاربعينات وأوائل الخمسينات ... طبعاً على حسب الحالة والكماليات والاوتوماتيك ..... إلخ

وبالتوفيق ان شاء الله