بنزين 80 مع فيرنا 2013 !!؟

[the necromancer]

السلام عليكم
باركولي الحمدلله اخيرا نزلت امبارح حجزت فيرنا 2013
لكن عايز امشي ببنزين 80 عشان زي مانتوا عارفين نص تكلفة ال90 وانا لسه بكون نفسي

- هل هيأذي العربيه؟
- هل فيه تعديلات او تظبيطات لازم اعملها في الماتور او كده عشان يمشي ب80 من غير مشاكل؟

شكرا مقدما

[Marlborooo]

الف مبروك الاول علي العربية
ثانيااااا لازم تمشي فترة التليين ال1000كم الاولي بنزين 92 عشان الكربون اللي بيتكون في الماتور وبيحافظ عليه من التاكل

انا ليا واحد صاحبي معاه فيرنا كان بيحطلها بنزين 80 جابت معاه رداخ بنزين بعد فترة
مش عارف ممكن تحط 80 مع منظف رشاشات ولا لا

ان شاء الله حد يفيدك من الاعضاء

[sayed2077]

بص ياباشا امشى اول 1000 كيلو ب 92

وبعد ال 1000 حط 80 عادى جداااااا
انا اغلب اللى اعرفهم معاهم فيرنا وطول عمرهم ماشيين ب 80
بس اهم حاجه تتماشى مع سواقة ال 80 يعنى متديش غيار قبل وقته وكدا

او ممكن تعمل حاجه اوفر حتى من بنزين ال 80 وهتبقى كانك شغال ببنزين 95 وهى انك تحول غاز بعد ما تعمل 5000 كيلو بيها


والله هتبقى كأنك بتحط بنزين 95 ووالله ما بيهلك المكنه ولا حاجه عندنا التاكسيات معديه ال 250 الف كيلو ومشاين بالغاز ولا حصل فيهم اى حاجه
وشغاليين عادى زى الفل

وممكن تركبه بالتقسيط تدفع حوالى 200 جنية على 3 سنين بدون مقدم
او
تدفع كاش حوالى 6000

واللى يقولك الغاز بيهلك الماتور وكدا صدقنى هو يسمع الكلام ده من ناس بس عمره ما جربه

ده حتى لو بيهلك الماتور

لو انت عملت بالماتور 300 الف
بمتوسط مثالا ان كل 10 كيلو مشى بتاخد لتر بنزين 92

يبقى 300000 / 10 = 30000 الف لتر بنزين
30000 الف لتر بنزين * 1.85 جنية = 55500 الف جنية

يعنى هتكون استهلكت بنزين بحوالى 55 الف جنية

تعالى شوف هتستهلك بكام غاز لنفس المسافه اللى هتمشيا بالبنزين

30000 لتر بنزين * 0.45 قرش = 13500

هتستهلك بحوالى 13 الف جنية بس غاز

تعالى نحسب الفرق

55500 - 13500 =42000 الف جنية

يعنى هتكون وفرت من استخدامك للغاز
42000 الف جنية
اثنان واربعون الف جنية

تخيل انت بقى ب 42 الف جنية دول ممكن تعمل ايه

ده انت ممكن تشترى عربيه تانية اصلا بالفرق ده مش ماتور

بلاش ده انت ممكن تشترى ماتور جديد نوفى بتاع فيرنا من التوكيل نفسه
مش استيراد كمان
وكمان هيتبقى معاك فلوس

طول ما انت بتستخدم الغاز بتسخن الصبح بالبنزين حتى لو هتسخن ببنزين 80
وبعدين تقضى ماشاويرك غاز وقبل ما تيجى تركنها تحولها تانى لبنزين لمده دقيقة وبعد كدا تقفل العربيه

ان شاء الله مفيش اى اضرار وكفاية سواقيين التاكسى بسم الله ماشاء الله معديين ال 250 الف كيلو بالغاز والماتور شغال بسم الله ماشاء الله ولا كان فيه اى حاجه

وربنا يوفقك

[the necromancer]

المشاركة الأصلية كتبت بواسطة Marlborooo الف مبروك الاول علي العربية ثانيااااا لازم تمشي فترة التليين ال1000كم الاولي بنزين 92 ...

الله يبارك فيك وشكرا لأهتمامك

المشاركة الأصلية كتبت بواسطة sayed2077 بص ياباشا امشى اول 1000 كيلو ب 92 وبعد ال 1000 حط 80 عادى جداااااا انا اغلب اللى اعرفهم معاهم فيرنا وطول عمرهم ماشيين ب 80 بس اهم حاجه تتماشى مع سواقة ال 80 يعنى متديش غيار قبل وقته وكدا

متشكر ربنا يجازيك خير على ردك الوافي
بس خلينا في ال80 دلوقتي مؤقتا اضمن وعشان الضمان برضه مش عايز اكسره
بعد اذنك بس حابب اعرف منك ايه وكدا ديه عشان انا لسه غشييييييم تماما

[mOuStaFa_ERTU]

المشاركة الأصلية كتبت بواسطة the necromancer الله يبارك فيك وشكرا لأهتمامك متشكر ربنا يجازيك خير على ردك الوافي بس خلينا في ال80 دلوقتي مؤقتا اضمن وعشان الضمان برضه مش عايز اكسره بعد اذنك بس حابب اعرف منك ايه وكدا ديه عشان انا لسه غشييييييم تماما

كده دى يعنى مثلا متطلعش بالعربية غير على الغيار الاول
وكده هاهاهاها لابجد واحده واحده عليها وماتفتريش ومتقرص عليها ومبروك مقدما