ساعدونى !! الريحه هاتموتنى !!!!!!!!!!!!!

[moudy_light]

السلام عليكم ورحمة الله
يا رب يا رب الاقى الحل عندكم عشااااااااااااااااااان خلاص هاولع فى العربيه والصنايعيه

انا عربيتى اكسنت مو 2000 1500cc
مشكلتى ان فى ريحه جامده اوى بشمها وانا ماش مش عارف عادم ولا بنزيين بس هيا بتخل اللى يشمها يدمع وعنيه تحرقه :-( ولمبة check منوره وفى برجله بسيطه فى السلانسيه
غيرت حساس maf والتانى اللى جمبه والايدل وغيرت الشكمان من اول الفرن

نفس العيب وكل واحد يفضل يفتى و يدفعنى وعلى الفاضى

لحد ما روحت لاخر واحد قالى نغير رشاشات قلت ماشى غيرناها الريحه راحت
العربيه اتظبطت وبقت زى الفل و ناعمه والبرجله اللى فى السلانسيه راحت واللمبه طفت
وبعد يومين رجعت تانى بالظبط واللمبه وريحه وبرجله

يارب تفيدونى الله يخليكوا انا هموت من الريحه

اه فى حاجه مش عارف تفيدكوا ولا ايه انا بعرف اطفى اللمبه بالطريقه بتاعت فصل البطاريه وقفل الكونتاكت 3 مرات وبترجع تنور تانى تقريبا بعد 80 والريحه بتكون ظهرت
وفى حساس فى سدر العربيه ناحية مكنة المساحات مش واصل فى حاجه مالوش فيشه فى الضفيره (الجديده) وفى فيشه زياده مش واصله فى حاجاه نازله ناحية الفتيس ب3 سنون ( نفس شكل الحساس اللى مش راكب فى حاجه
فانا قلت هى جت عليا اجرب انا كمان فكيت مسمار الحساس عشان الفيشه بعيده عنه وركبت الحساس فى الفيشه دى حاجه واده بس حصلت اللمبه بتطفى لما ببطل وادور تانى بس طبعا بتنور مع الريحه والسرعه
الله يكرمكوا استحملونى وردوا عليا

[eng/walaaeldeen]

السلام عليكم
حاول تعمل اسكان ليها
وهو غالبا عيب حساس الشكمان
والله أعلى و أعلم
والله المستعان

[moudy_light]

شكرا ليك يا باشمهندس على الرد السريع
ولكن المشكله انى دورت على حساس الشكمان مش موجوود مش هو مكانه بيبقى عند التجميعه بتاعت الشكمان اللى ناحية الريدياتير ؟؟؟؟
ولما عملتلها اسكان كذا مره بيدى نفس العيب اير ماس وانا مغيره 4 مراات
هو ممكن يكون الفرن ده مش بتاعها ؟؟؟

[mina alraheb]

لازم العربيه تتوصل بالكمبيوتر علشان تعرف ايه الحساس بالظبط اللى فيه المشكله عشان لمبه التشيك بتنور لما بيكون فى حساس بايظ لكن مش هاتخمن انهى حساس اللى بايظ على الكمبيوتر بيظهر اسمك الحساس وتغيره .. لكن ريحة البنزين ممكن تكون فعلا بخاخات .. بس عايز اعرف حاجه ان جبتها مستعمله ولا جديده؟ علشان لو مستعمله ممكن تكون اصلا بايظه لكن لو جديده. يبقى فى مشكله تانى بس بس المهم الاول توصلها بكمبيوتر بس الاهم من كل ده انك تروح لواحد يكون بيفهم اوى الكمبيوتر اللى عنده علشان للاسف مش كل اللى عنده الكمبيوتر بيفهم . لو عايز اوصفلك واحد مافيش مشكله