انوار التابلوه نوبيرا 2 ..... مساعدة

[samlouiz]

صباح الخير عليكم
عندى كام استفسار
1- الاشاره بتاعت نور الفوجات الاماميه ساعات يشتغل و ساعات لا يعنى لما اجى اشغله الاقى الاشاره اللى موجوده تحت عداد الحراره نورت.... اطفيه و اولعه تانى متشتغلش او تشتغل براحتها
2- بالنسبه للبكر بتاع المروحه و التكييف هل فيه نور خلفى بينورهم علشان انا ببقى حاسس ان التابلوه ظلام كالح بالليل و مش باشوفهم غير لما انور نور الكابينه
3- الزرار بتاع الانتظار شكل اللمبه بتاعته محروقه مش بتنور فى الحاله دى بغير الزرار كله ولا لمبه بس
اسف طولت عليكم
شكرا جدا

[FAR!D]

1-بص لو الاشاره نوررت و الفوجات منورتش يبقى عيب الفوجات نفسها لكن لو الاشاره كمان منورتش يبقى ممكن الدراع او حاجه تانيه و ديه بتاعه كهربائي
2-اه اكيد فيه انوار خلفيه للتكيف بس حتلقيهم محروقين
3-اللمبه بس بتتغير

[samlouiz]

crazydeepman
هو الفوجات بتنور عادى بس الاشاره اللى فى التابلوه هى اللى بتهيس كده
بالنسبه لنور التكييف الصراحه انا يوم الجمعة قعدت جوه العربيه و فكيت وش التابلوه و وصلت للوحده بتاعت التكييف (فكيت اربع مسامير تحت الفبره بتاعت التابلوه) بس بعد كده معرفتش اشيل الكبلات لانى مش عارف ايه الكبل اللى اشيله و يتشال ازاى
لو حد يقدر يفيدنى يبقى كويس
شكرا

[fadymedhat]

اللمب محروقة فى زراير التكييف و زرار الانتظار و و لمبة الفوجات على وشك انها تتحرق....غيرهم عند اى كهربائى....

[m.dardir]

بص يا باشا بالنسبة للتكييف فى الأول هتشترى لمبات تابلوه نوبيرا أو دايو إما جديدة أو هاتخدهم من تابلوه إستيراد مثلاً وعلى فكرة بتوع بكر التكييف لمبتين بعد ما تفك الأربع المسامير اللى إنت قلت عليهم هتلاقى 2فيشة بكلبس هترفع الكلبس سنة وتسحب الفيشة لبرة وهتلاقى بكرة مطاط فيها حوالى 6خراطيم هتشدها لبرة من المفتاح زى ماهى عشان ترجع تركبها تانى مضبوطة بعد كده وبعدين تقلب المفتاح ويكون معاك زردية بوذ رفيع هتلاقى اللمبتين حوالين المفتاح اللى فى النص هتنزل بالزردية البوذ وتلف الكعب أو الدويل بتاعهم وهتلاقيه طلع معاك هتروح شايل منه اللمبة القديمة وتحط واحدة من اللى إنت جايبهم جداد وترجع الكعب تانى مكانه مع لفه عكس ما فكيت عشان تتأكد إن النحاس ملمس صح بس يا سيدى وترجع تركب كل حاجة تانى مكانها هتلاقيهم نوروا وبقوا زى العسل
لا مؤاخذة يا باشا نسيت أقولك لو العايز النور زى الأصلى بالضبط هتلاقى على اللمبتين القدام اللى هطلعهم كاوتشة صغيرة زى طربوش كده لونها أخضر طبعاً هتشيلها وتحطها على اللمبة الجديدة .
وبالهنا والشفا