إرتفاع البولو عن الأرض

[zing0]

السلام عليكم
أنا ضيف جديد على القسم ده, و دى أول مشاركة ليا فيه
-----------------------------------------------
أنا مغرم بالعربيات الألمانى خاصة اللى من إنتاج فولكس
و نفسى أغير و أجيب واحده بولو بس خايف من حاجتين:
أرتفاعها عن الأرص , قريت أنه 12 سم تقريباً , يعنى كل المطبات مش هسّلم عليها بس ده أنا ممكن أخدها بالحضن كمان. و ده طبعاً حاجه مش حلوه.
و ملاحظ الكلام ده فى الجولف و البولو (عربية قريبه للأرض)

و طبعاً أسعار الصيانة. معروف أن الألمانى غالى بس معمّر فى قطع الغيار, عاوز أعرف متوسط مصروف صيانة البولو و أنهو سىسى موتور أحسن فيها؟

ربنا يبارك فيكم
(أنا معايا لادا حالياً و نسيبى معاه مرسيدس بعد ما غير مازدا و بيجو و هو إللى مشجعنى عالألمانى - طبعاً لأن أعطال اللادا لا تعد و لا تحصى و قطع الغيار مضروبه ربنا يكفينا شرها)

[patrek]

متقلقش مش ارتفاع العربيه فهو مناسب وللامان ممكن تجيب كاوتش عالى بيرفعلك العربيه حوالى 5 سم وفى كل الاحوال لازم تاخد المطب بهدوء

[محمد الحصرى]

العربيه مش واطيه انا معايا وبركب فيها تلاته ورا وعادى جدى مبتحكش معايا ف المطبات ..عربيه ممتازه...متوسط قطع الغيار على حسب استعمالك انت انت الى حتستهلك العربيه

[AbOnOrA]

ال 1300 تحفة عليها هتحس انك راكب جولف مش بولو وقطع الغيار مهياش اغلى حاجة فى الالمانى خاصة انها متوفرة وفيه بدائل استيراد بس المهم الحالة علشان متصرفش عليها كتير