|
#1
09-11-2012, 12:54 AM
|
||||
|
||||
رايك ايه فى حكم الاخوان و مستقبل مصر ؟
بسم الله الرحمن الرحيم
بعد لما مسكوا البلد ايه رايك فى الاخوان و د : محمد مرسى وايه نظرتك الى المستقبل هل متفائل ام لا ؟ طب اسمحولى انا ابتدى بالاجابة الاول * راى ان الاخوان شعبيتهم قلت جامد فى الفتره الاخيره واتوقع فى الانتخابات القادمه الاغلبيه هتبقى للاحزاب المدنيه و ليست الاحزاب الدينيه كحزب الحريه و العداله بالنسبه لحكم الاخوان راى ولو اننا مكملناش سنه بس راى ان مفيش تنظيم الرئيس فيه حاجات ميعرفهاش بدليل مخالفته للدستور و كان خلى مجلس الشعب رجع تانى لكن فى النهايه برده مرجعش يعنى فيه قرارات بيقولها و هو مش عارف صح و لا لا حتى الحكومه اللى موجوده حكومة مرتبكة لما طلعت قانون غلق المحال التجاريه الساعه 10 مساء قالت قانون من غير حوارات و لا دراسات و لا مناقشة القوى السياسية ولا اى حاجه خالص غير ان فيه وزراء مش فاهمين حاجه اصلا مثال : وزير التنميه المحليه اللى قفل السكه فى وش الاعلاميه ريم ماجد بالله عليكم ده خلق وزير للاسف الفساد كما هو لم يتغير الدكتور محمد مرسى كشخصيه مستقلة شخصية جميله و كويسه و تمام لكن كشخصيه اداريه يكون هنا الكلام لو تفتكروا فى مشاركاتى قبل و اثناء الانتخابات انا مكونتش عاوزه لكن لما انحصر بين شفيق و مرسى انا فضلت مرسى عن شفيق احنا غيرنا راس النظام لكن مغيرناش النظام نفسه بمعنى غيرنا رئيس و غيرنا وزراء لكن كل جوه وزاره فيه ناس فاسده المفروض تتشال جوه رئاسة الجمهورية فيه ناس فاسده المفروض تتشال جوه كل محافظه ناس فاسده و المفروض تتشال للاسف احنا لسه بدرى اوى اوى اوى علينا لغاية لما نبقى بلد محترمه ده لو بقينا ورغم انى كونت متفائل جدا فى الاول بس دلوقتى متشائم جدا جدا لدرجة انى قررت انى اهاجر الى المانيا انا الحمد لله بقالى اكتر من سنه بدرس المانى عن طريق اللغه الثانيه بالمدرسه وفى الصيف اللى جاى هكمل دراسة اللغه فى معهد جوته الالمانى علشان اخد اعلى المستويات بحيث انهم يقبلونى هناك لان العيشة فى البلد دى صعبه جدا كل حاجه فيها فساد و قرف حتى الاخلاق منعدمه عن الكثير انا فى الاسكندريه ببقى ماشى فى الشوارع حاسس انى اشى وسط كفار اللى شعره مش عارف ايه واللى وشه فيه اثار مطاوى و حاجات غريبه يعنى شكلهم استغفر الله العظيم هزار بشتيمه - كلام عادى بشتيمه - مع الكبير شتيمه - مع الصغيره شتيمه - مه المدرس شتيمه - ....الخ وللاسف حتى الناس الكبيره و اللى عندها 60 - 70 سنه فيه منهم نفس نظام الشباب اللى انا بحكى عنه ده غير البلطجه بتاعتهم و قلة الادب نيجى لحاجة تانيه و التكاسى بقوا نصابين بطريقة غريبه يطلب منك الضعف غير انك بتركب و خايف منظر السواقين 99 % بلطجيه و1 % ناس كويسه وطبعا السيئة تعم يعنى البلطجة غطت على الناس الكويسه انا مفيش مره بركب فيها تاكسى الا و ببقى مرعوب ويبقى ايدى على قلبى لغاية لما اوصل الخلاصة ظاهرة انفلات الاخلاق دى مش هتنتهى بالساهل بل هتتزايد اكثر و اكثر والحكومة مش هتقدر تعمل حاجه دى مسئولية الاب و الام لكن نعمل ايه مفيش اى تربيه نهائى ***************** عندنا نماذج حية للتجارب الديموقراطيه زى تركيا و الهند تركيا مثلا البلد اللى كانت ولا حاجه دلوقتى بقت من الدول المتقدمه و المتحضره ليه منستفدش من التجارب دى مصر محتاجه معجزة علشان تبقى دولة متحضرة و محترمه وربنا يوفق الرئيس محمد مرسى 
|
|
#2
09-11-2012, 03:02 AM
|
||||
|
||||
|
رد: رايك ايه فى حكم الاخوان و مستقبل مصر ؟
تركيا بقت حاجه كبيره فى 10 سنيين وإحنا عاوزين نصحى الصبح نلاقى كل حاجة بقت تمام من غير مانشتغل أو نغير طباعنا وأخلاقنا اللى أكيد موجودة من قبل مرسى وحتى من قبل فترة المجلس العسكرى.
بالنسبة للإنتخابات البرلمانية : نسبة الأحزاب الدينية لن تتغير بل ستزيد بعد دخول أحزاب دينية جديدة على الساحة "لا السلفيين هيبطلوا يبقوا سلفيين ولا الإخوان هيبطلوا يبقوا إخوان". وفعلاً شعبية الإخوان وحزب النور قلت ولكن من سيخرج منهما سيذهب "مؤيدى السلفيين" لحزب أبو إسماعيل والأحزاب السلفية الأخرى وسيذهب مؤيدى الإخوان إلى أبوالفتوح وإذا اتحد الإخوان والسلفيين سيحصلون على نفس النسبة السابقة وأكثر وستسقط بالتبعية الأحزاب الدينية الجديدة بما فيها حزب أبو إسماعيل وأبو الفتوح. وفيه عامل مهم هينفع الإخوان : إن فيه ناس بتطبل للى بيحكم والإخوان دلوقتى معاهم الرئاسة اللى هى أهم حاجة فهتلاقى كدابين الزفة كتير وهينفعوا الإخوان بشكل كبير طمعاً فى القرب من السلطة. بالنسبة للأحزاب المدنية أتوقع لها كلها الفشل ماعدا حزب الوفد لإنه حزب مازال له شعبية بالرغم من مشاكله الداخلية ولكنه لن يحصل على النسبة السابقه. وحزب عمرو موسى أعتقد أنه سيحصل على نسبة جيدة والمصريين الأحرار أخذ سمعه وحشة من مجلس الشعب السابق "كل الأحزاب التى كان لها تواجد فى المجلس قلت شعبيتها". بالنسبة لحزب الدستور والتيار الشعبى ليس لهم تواجد فى الشارع وأعتقد أنها أحزاب تلفزيونية أكثر منها أحزاب شعبية خصوصاً بعد التراجع الكبير لشعبية حمدين. حزب شفيق "إن عمل حزب" أعتقد هيكون له نصيب لابأس به من كعكة البرلمان.
__________________
اشهد ان لا اله الا الله واشهد ان سيدنا محمد رسول الله  إتحاد الأطباء العرب بخمسة جنيه انقذ اخوتنا السوريين بالتبرع برسالة فاضية على رقم 9596 انشرها تؤجر
|
 |
|
|
