مش عارف اجيب سوزوكى التو ولا اسبرانزا a113

[ahmed_acmilan]

السلام عليكم الاول
و انا ان شاء الله حاجيب اول عربية جديد ليا
وعاوز اجيب حاجة تكون قطع غيارها رخيصة وتكون تستحمل سفر ومشاوير
وتكون اخرها فى الخمسينات وبجد انا محتار علشان مليش اى خبرة فى موضوع العربيات ده وخايف اجيب حاجة اخد مقلب فيها انا كنت ناوى على التو بس ناس قالتلى لا خليك فى a113 علشان 1300 cc و الالتو 800 بس الa113 بيقولو عفشة وحشة
ياريت بجد اى حد عنده خبرة يفيدنى اجيب ايه علشان كده انا تايه خالص
ومعلش والله انى تعبتكم معايا

[sehsss]

فعلا الاسبرانزا عفشتها سيئة جدا

[mahmoud shiha]

مين قالك ان السوزوكى التو 800cc لاطبعاً هى 1000ccالماروتى هى الى 800 بس السوزوكى التو هى زى الماروتى بالظبط بس الاختلاف فى الشكل والعزم والتكييف وكمان ينفع تسافر بيها وتمشى كتير وكمان هى موفرة فى البنزين زى الماروتى كده..اما الاسبرنزا a113 فا اوعى تجبها لاهى ولا اى عربية صينى دى اوبشن ومنظر تابلوه احسن من السوزوكى صح بس فى الاعتماديه اخرها سنة وبعدها هتفتح على المكنيكيا والذى منه..وبعدين بدماغك كده فكر(يابانى ولا صينى) اكيد فى فرق

[fadymedhat]

بالسعر ده ممكن تجيب كيا بيكانتو.......افضل بكتير و سهلة البيع و قطع الغيار متوفرة.......

[ahmed_acmilan]

الف شكر يا جدعان على مساعدتكم دى والله
وفعلا هى يا عفشتها السمعنه عنها منيلة خالص
ويا محمود صح كتير قالولى بلاش صينى علشان بهدلة وناس قالتلى حلوة 1300Ccومليانة اوبشن بس الالتو فى منها 800 و فى 1000 ال1000 ب 60 و ال800 ب 49 او 50 الف
وطبعا يا فادى انا نفسى اجيب بيكانتو بس انا ناوى اجيب جديد ان شاء الله مش مستعمل
وشكرا ليكم والله على مساعدتكم دى