سؤال فى الزينون

[haninatoon]

ان شاء اللة حركب زينون بنفسى
لان انا اصلا اللى مركب لمبات الشبورة وعامل التوصيلات وساعدنى فيها بالمراسلات على المنتدى " التونسى " باشا * مشرف الكورى* .
والمتميز العضو " احمد كار"

***********
********
******
*

لما عملت لمبات الشبورة وليكن للفيرنا او الجيتز اصلا فى فى علبة الفيوزات ريلاى للفوجات
مبيبقاش راكب فيها وانا ركبتة ووصلت السلك وتمام وشغلت لمبات هالوجيين 55 وات
يعنى القدرة الكلية 110 وات وامبير 10A
وهنا سؤالى:-

هل لما اركب زينون بدلا من الهالوجيين حاحتاج ريلاى غير اللى راكب فى علبة الفيوزات اصلى السيارة ولا
علما بان الزينون اللى حاركبة 35 وات فقط واللمبة H3 والدرجة 6000
انا الصراحة شايف ان مالهوش اى لازمة اوصل ريلاى تانى
لان القدرة اقل ولا اوصل دة كلة ريلاى ب 20 جنية ؟

او السؤال بصيغة تانية

السيارات اللى جاهزة بشبورة اللمبة 881 ال 27 وات طبعا اكيد فيها الريلاى بتاع المصنع
صاحب هذة السيارة ان شاء توصيل الزينون وليكن 35 وات بيوصل ريلاى ولا لا؟



طبعا انا كنت فتحت مكان فتحات الشبورة بمنشار حدادى حوالى قطر 3.93 بوصة= 10 سم
دلوقتى الزينون اللى جاى عدسات وقطرة 2 بوصة حوالى 5.10 سم فبالتالى حيحتاج شغل كتيييييير وعمل قاعدة وسد مكان الفوج القديم وقصص
لذلك انا فضلت انى اركبة بنفسى لان حاسس ان الموضوع ممكن يكبر فى الميزانية
وافلام الصنايعية الهندية

[xman2008]

متابع.....

[M.TONSY]

مبروك يا باشا على الزينون
واعتقد انه بيركب بمديولاته فقط ولا يحتاج الى اى كتاوت
وبعدين ما تسيب فوانيس الشبورة راكبين فى مكانهم علشان الشكل
وركب الزينون لو عالى وواطى مكان الكشافات
وقولى الاخبار ايه

[haninatoon]

اللة يبارك فيك


الصراحة
1- مش عاوز اركبة فى الفوانيس العالية مش عاوز ابقى منور النور وابقى متابع اذا كان فى حد متضايق من النور الجامد ولا لا
2- انا عارف انة ممنوع فعاوزة يبقى مش اساسى وقت اللزوم فقط
3- عاوز اجرب تكنولوجيا العدسات الرائعة
4- لو داخل على لجنة ولا كميين انور النور الاصفر

[M.TONSY]

العدسات ما بتركبش فى الفوجات
بتركب فى الفوانيس فقط والله اعلم
ولو عايز تركب الزينون فى الفوجات بتجيب زينون عالى فقط one way