اعصار ساندى المدمر فى امريكا ... والمطرة فى مصر قبل الوقفة

[M.TONSY]

العالم كله بقنواته الاعلامية و شبكاته الاخبارية و مواقع الانترنت و شبكات التواصل الاجتماعى يتابعون عن كثب آخر أخبار اعصار ساندى المدمر الذى يضرب سواحل الولايات المتحدة
و المتابعون أنواع -----
هناك من ينتظر دمار و خراب أمريكا و يتمنى و يدعو بذلك

هناك من يفسر الاعصار على انه غضب من الله بسبب الفيلم المسئ

هناك من يتعاطف انسانيا مع المواطنين المسلمين و العرب هناك

هناك من يتعاطف انسانيا مع اى انسان هناك فى تلك المحنة

هناك من يتابع لكى يرى امكانيات امريكا فى التعامل مع تلك الكارثة

هناك من يبحث فى كيفية تفادى و علاج اثار تلك الكارثة اذا حلت فى وطنه

و هناك و هناك و هناك







لكن يوجد بعض الحقائق التى لا يستطيع أحد ان يتغافل عنها شاء أم ابى

-1 تمكن خبراء الأرصاد بأمريكا من تحديد اليوم والساعة والمكان إللي هيجي منه الإعصار .

2- تمكن قوات الدفاع المدني من تأمين الثلاثة ولايات المعرضة للإعصار .

3- توفير الدولة أماكن سكنية لكل من أخلي منزلة قبل الإعصار .

4- وزارة الكهرباء فصلت التيار الكهربي عن ولايات بأكملها مشتبه أن يؤثر الإعصار عليها ، حماية للأرواح .

4- عدد القتلى حتى الان نتيجه اقوى اعصار فى تاريخ امريكا لا يتعدى ال 17 اى اقل من عدد شهداء حوادث الطرق فى مصر فى خلال يوم واحد

5- فى وسط الاعصار والكارثه ..امريكا حددت رقم ساخن لمعالجه الاثار النفسيه عن الاعصار

وممكن فى خيالك تقارن استعداد دول متقدمه زى امريكا مع دول متوسطه الحال زى مصر فى كوارث اقل من هذا و ليكن على سبيل المثل الامطار او المكيفات فى الصيف او حتى المجارى

[أدهم صبرى]

بالنسبه لمصر : إن شاء الله بكره تتعدل وتبقى أحسن من أمريكا.

هناك من ينتظر دمار و خراب أمريكا و يتمنى و يدعو بذلك هناك من يفسر الاعصار على انه غضب من الله بسبب الفيلم المسئ

وأنا منهم

[M.TONSY]

المشاركة الأصلية كتبت بواسطة أدهم صبرى بالنسبه لمصر : إن شاء الله بكره تتعدل وتبقى أحسن من أمريكا. وأنا منهم

أكيد ان شاء الله
انا بس عملت الموضوع ده علشان نتعلم منهم اللى ينفعنا من هذه التجربة وهى التخطيط السليم فى مواجهة الكوارث والازمات
لاننا فى شوية مطر خفيفة الدنيا بتبوظ عندنا ويحصل شلل مرورى ابسط شئ وده تانى مرة اتعرض له من ساعة ما جبت العربية وهى سؤ تخطيط الشوارع فى القاهرة وبالاخص الطرق السريعة زى الدائرى والمحور او طريق مصر اسكندرية الصحراوى اثناء المطرة فى المناطق اللى فيها منزل فى الطريق مش قادر اقولك بتبقى اكنها حمامات سباحة والمية بتبقى مغطية تلت العربية من تحت والشكمان بيبقى مدفوس فى المية وبيبقلل .. الحمد لله العربية بتعدى وما بيجرلهاش حاجة غير شوية مية على الموكيت من ورا لان فى فتحتين تهوية للموكيت من تحت الكراسى فطبعا بيخش منهم المية بسيط
وتلاقى بقى لا حول ولا قوة الا بالله اللى معاهم عربيات قديمة شوية زى الشاهين والفيات يا ولداه العربيات عطلانة منهم فى وسط الطريق والمية ومشمرين بنطلونهم وحاجة اخر بهدلة المنظر والله ضايقنى جدا وحسيت قد ايه ان الحكومة المصرية ممكن شوية مطرة تشل حياة المصريين
فالمشكلة يا انه عندنا فى كل وزارة او محافظة شيئ اسمه ادارة الكوارث والازمات وهى حبر على ورق زى ما حاجات كتير حبر على ورق .. ولكى الله يا مصرنا

[ahmed_rahem]

علم الإدارة الغير موجود على أرض الواقع فى مصر للأسف الشديد

[أدهم صبرى]

المشاركة الأصلية كتبت بواسطة M.TONSY أكيد ان شاء الله انا بس عملت الموضوع ده علشان نتعلم منهم اللى ينفعنا من هذه التجربة وهى التخطيط السليم فى مواجهة الكوارث والازمات لاننا فى شوية مطر خفيفة الدنيا بتبوظ عندنا ويحصل شلل مرورى ابسط شئ وده تانى مرة اتعرض له من ساعة ما جبت العربية وهى سؤ تخطيط الشوارع فى القاهرة وبالاخص الطرق السريعة زى الدائرى والمحور او طريق مصر اسكندرية الصحراوى اثناء المطرة فى المناطق اللى فيها منزل فى الطريق مش قادر اقولك بتبقى اكنها حمامات سباحة والمية بتبقى مغطية تلت العربية من تحت والشكمان بيبقى مدفوس فى المية وبيبقلل .. الحمد لله العربية بتعدى وما بيجرلهاش حاجة غير شوية مية على الموكيت من ورا لان فى فتحتين تهوية للموكيت من تحت الكراسى فطبعا بيخش منهم المية بسيط وتلاقى بقى لا حول ولا قوة الا بالله اللى معاهم عربيات قديمة شوية زى الشاهين والفيات يا ولداه العربيات عطلانة منهم فى وسط الطريق والمية ومشمرين بنطلونهم وحاجة اخر بهدلة المنظر والله ضايقنى جدا وحسيت قد ايه ان الحكومة المصرية ممكن شوية مطرة تشل حياة المصريين فالمشكلة يا انه عندنا فى كل وزارة او محافظة شيئ اسمه ادارة الكوارث والازمات وهى حبر على ورق زى ما حاجات كتير حبر على ورق .. ولكى الله يا مصرنا

المصريين ناس قمة فى الإحترام ولكن لو تم قيادتهم بطريقة صحيحة.
نحن يلزمنا أن نكون دولة الإيمان والعلم والعمل والعدل والتخطيط لكى نتقدم.
عندنا الإيمان وعندنا أفضل العلماء فى مجالات كثيرة ولكن ينقصنا التخطيط والعدل والعمل الجاد.
بس إن شاء الله أنا متفائل خير برغم ضبابية الحالة السياسية فى مصر ولكن يأتى النور بعد الظلام والنهار بعد الليل.