محتاج اعرف رايكم ؟

[dr.7obo]

كل سنة وكل اعضاء المنتدي طيبين

انا محتاج رايكم ضروري انا ان شاء الله هستلم عربيه فيرنا 2013 بعد العيد انا معايا رخصه خاصه بس انا مش بعرف اسوق او بمعنى اخر مش متمرس في السواقه اوي ... عايز اعرف اعمل ايه هل اتعلم على عربيتي الجديده ولا اعمل ايه ؟؟ وايه نصايحكم بحيث اني احافظ على العربيه ؟؟

شكرا جدا لتعبكم

[YahiaAshraf]

اكبر غلط انك تتعلم على عربيه زيرو
لان لو لاقدر الله حصل حاجه فيها انت اللى خسران وهتفضل زعلان عليها
كان يفضل تجيب حاجه استعمال فى الاول تتعلم عليها و اول لما تبقى متقن سواقه تجيب زيرو

تحياتى

[dr.7obo]

المشاركة الأصلية كتبت بواسطة yahiaashraf اكبر غلط انك تتعلم على عربيه زيرو لان لو لاقدر الله حصل حاجه فيها انت اللى خسران وهتفضل زعلان عليها كان يفضل تجيب حاجه استعمال فى الاول تتعلم عليها و اول لما تبقى متقن سواقه تجيب زيرو تحياتى

اشكرك جدا على ردك الجميل ... هو النصيب كده لانه طبيعة شركتي لازم عربيه جديده موديل السنة ياتري لو اتعلمت على عربيه مستعمله هجد صعوبه اني اسوق عربيتي الجديده؟

[eng/walaaeldeen]

السلام عليكم
حاول تتعلم علي اي سياره قديمه الأول ولا تخاف ابدا من السواقه لأنها سهله واخرج بسيارتك في الأماكن الفاضيه الأول وبعدين توكل علي الله وخلي في ثقه بنفسك
والله المستعان

[dr.7obo]

المشاركة الأصلية كتبت بواسطة eng/walaaeldeen السلام عليكم حاول تتعلم علي اي سياره قديمه الأول ولا تخاف ابدا من السواقه لأنها سهله واخرج بسيارتك في الأماكن الفاضيه الأول وبعدين توكل علي الله وخلي في ثقه بنفسك والله المستعان

شكرا يا باشمهندس على ردك الجميل ...

هو لو انا اجرت تاكسي ايه النظام ؟ هياخد كام يعني ؟
لاني مش عايز ابقي تقيل على حد اني اتعلم على عربيته ...