|
#1
13-10-2012, 11:31 AM
|
|||
|
|||
عايز رأيكم من الأخر في نيسان صني 2013 ، و مانيوال ولا أوتوماتيك ؟
يا جماعة الخير أنا هتجنن من الحيرة فكرت في كذا عربية و المشكلة إني محدود في 100 ألف فأقل .. و فكرت في افيو و m11 و تيجو و كلهم بأمانة ربنا ميتدفعش فيهم 40 ألف جنيه و ابقي جاي علي نفسي كمان !
و في نفس الوقت مش هروح اجيب اكسنت base line ولا ريو الاوبشن اللي فيهم تكييف و سنتر بس ، يعني كاني بشتري العلامة و ده تهريج ، انا عايز عربية تريحني و اهو كل واحد علي قد فلوسه.. المهم انا كان عاجبني جدا و مقتنع بنيسان الشكل القديم مفيش كلام ، بس الجديدة زي ما انتم عارفين عليها كلام كتير اوي و انا شخصيا عارف إن معظم اللي بيتكلموا بيتكلموا و خلاص و تقريبا مشافوش العربية غير علي النت بس ! المهم .. انا دلوقتي مفيش قدامي غير الصني علي قد الفلوس ، مهما كان شركة و اسم و عربية شيك و واسعة و اوبشنات مريحة و وسائل امان ، بس كام صاحب معرض قلقني من موضوع القطع الصيني اللي متقفل بيها العربية من جوة .. هل دي حاجة تخوف ؟ و ايه معني "صيني" اذا كان في عربيات كاملة صيني و بتعيش عادي جدا مش قطع بس ! انا عايز آرائكم من الاخر هل اخلص فيها ولا ايه ؟ مع العلم إني عايز عربية تعيش معايا كام سنة و مش كل شوية تطلب تصليح و وجع قلب ، و انا اساسا هكون بطولي و حنين في السواقة و مبهينش العربيات ... تفتكروا الصني مناسبة ولا فيها عيوب منتشرة ؟ و لو فيها ايه هي ؟ و العيوب دي بسيطة ولا هتتعبني ؟ و كمان لو جبتها اجيبها مانيوال ولا أوتوماتيك و ليه ؟ و هل صحيح الاوتوماتيك فيه عيوب ؟ سامحوني طولت بس نفسي اخلص و الله من الموال ده .. و الف شكر مقدماً 
|
|
#4
14-10-2012, 08:43 PM
|
|||
|
|||
رد: عايز رأيكم من الأخر في نيسان صني 2013 ، و مانيوال ولا أوتوماتيك ؟
 شوف انا كنت محتار اكتر منك وقعدت ادور في اليوزد واحدة واحدة ثم انتقلت للزيرو برده ونفس امكانياتك بس لاقيت ان مافيش احسن من النيسان الصني وروحت حجزتها يوم الجمعة اول امبارح وعملت تست درايف فعلا رهيبة ولكن عوامل امانها عالية مش حتلاقيها في اللي زي ثمنها وواسعة وكفاية انها يباني وقطع غيارها متوفرة كمان موضوع ال 1500 سي سي دي عشان يعالجو موضوع صرف البنزين في الموديل القديم الا اني مش شايف انه حيكون فرق جامد يعني ... وبالتوفيق
|
|
#5
14-10-2012, 11:38 PM
|
||||
|
||||
|
رد: عايز رأيكم من الأخر في نيسان صني 2013 ، و مانيوال ولا أوتوماتيك ؟
مافيهاش مشاكل إن شاء الله عن تجربة، وطبعا الأوتو افضل علشان فرق السعر كلام فاضي
__________________
Mohamed Hussein - journalist
|
 |
|
|
