دايو زاس هل تستحق الشراء - مصر موتورز

sikostar · 23-06-2008, 10:50 AM

الاخوة الكرام
برجاء الافادة بخصوص دايو زاس او دايو زاز
هل هذا النوع جيد وهل قطع الغيار متوفرة
وما هو استهلاك البنزين؟
معروض عليا عربية 2001 بسعر 16 الف جنيه
ايه رأيكم

جزاكم الله كل خير --
لقد تم قطع باقى الموضوع لمشاهدة بقيه الموضوع اضغط للتسجيل

إضغط هُنا للتسّجيل

islam_galal · 23-06-2008, 12:02 PM

معلوماتي مش كتير
بس قطع غيار مش متوفرة حتي عند الوكيل

العربية اتولدت قديمة و مالهاش سوق لاعادة البيع

و بعدين 16 ألف سعر غريب قوي

AbOnOrA · 23-06-2008, 12:05 PM

هو سعرها مغرى بصراحة بس مقدرش اقولك اه او لاء لاكن ممكن نفكر مع بعض بصوت عالى

اولا ديه عربية بتكنولوجيا دايو مصنعة فى روسيا كسيارة اقتصادية من الدرجة الاولى وده معناة ان جودتها مش عالية لاكن ممكن يكون صاحبها محافظ عليها كويس وتكون حالتها ممتازة

ثانيا هتلاقى مشاكل فى اعادة بيعها لانها مش مطلوبة لاكن البيع والشراء فى الاول والاخر نصيب

ثالثا لازم تخطف رجلك لشارع دمشق مثلا وتسال عن قطع غيارها الاساسية موجودة ولا لاء واسعارها ايه

لاكن عامة متشتريهاش لو كانت حالتها اقل من ممتازة
ومتشتريهاش لو انت استخدامك للعربية كبير يعنى اكتر من 50 كم يوميا وبتمشى فى طرق مكسرة

والعكس لو هيا حالتها ممتازة (وده بناء على اختبار ميكانيكى وسمكرى الاتنين مع بعض ثقة ) ولو استخدامك للعربية قليل ومفيش قدامك خيارات تانية وسالت على قطع غيارها ولقيتها متوفرة بأسعار قليلة استخير ربنا وتوكل على الله

MohabSaeed · 23-06-2008, 02:34 PM

فعلا سعر 16 الف جنيه غريب نوعا ما" المفروض تكون فى رينج اوائل العشرينات " ... زى مقال ابو نورا لو حالتها كويسه يبقى ممكن تفكر فيها .... لكن لو حالتها سيئه حتبقى صفقه غير رابحه " لعدم توافر قطع الغيار , تقريبا انا كنت شوفت مركز بيصلح الماركه ديه فى اول طريق الاسماعيليه قبل بنزينه الوطنيه بشويه .
انا ركبتها فى معرض اوتو ماك من كام سنه وكانت نازله تحت اسم " زاز - سلافوتا " وكانت تقريبا ب 37 الف جنيه وكان فى منها بتنزل بتكيف ب 40 الف جنيه .و طبعا امكانياتها والخامات المستخدمه على قد تمنها يعنى مش معنى انها 2001 يبقى انها سياره حديثه .

abdalla · 23-06-2008, 05:10 PM

بالمناسبه ناوى ان شاء الله شراء عربيه بريليانس ....... ومحتاج المشوره منكم
1600 ccام 2000 cc طبعا بعد القانون الجديد الكل بيفضل 600 بس المهم هل هناك حد شارى او راكب هذه السياره وله ملاحظات عليها سلبا او ايجاباً وجزاكم الله خير

islam_galal · 23-06-2008, 05:23 PM

بعد إذن حضرتك فتح موضوع جديد أفضل حيخلي احتمال ان أعضاء يردوا عليك أكبر

إسمحلي أقوم عنك بذلك
yaayaa

AbOnOrA · 23-06-2008, 05:37 PM

اقتباس:

المشاركة الأصلية كتبت بواسطة abdalla

بالمناسبه ناوى ان شاء الله شراء عربيه بريليانس ....... ومحتاج المشوره منكم
1600 ccام 2000 cc طبعا بعد القانون الجديد الكل بيفضل 600 بس المهم هل هناك حد شارى او راكب هذه السياره وله ملاحظات عليها سلبا او ايجاباً وجزاكم الله خير

اهلا بيك يا استاذ عبدالله انا مع راى استاذ اسلام افضل ان حضرتك تعمل موضوع جديد عن سؤالك علشان ياخد اكبر قدر من الاهتمام

واهلا بحضرتك مرة تانية فى اسرتنا

abdalla · 23-06-2008, 06:02 PM

ok i agree