العودة   مصر موتورز مجتمع السيارات > السيارات الأوروبية > رينو RENAULT > رينو ميجان Mégane

رينو ميجان Mégane The Renault Mégane is a small family car produced by the French automaker Renault since 1995. It is offered in 3- and 5-door hatchback, saloon, coupé, convertible and estate bodystyles. The Renault Scénic (launched 1996) is the first modern compact MPV to be built in Europe


إضافة رد
 
أدوات الموضوع
  #1  
قديم 03-10-2012, 11:20 PM
الصورة الرمزية hossamdoaaaa
hossamdoaaaa hossamdoaaaa غير متواجد حالياً
 
تاريخ التسجيل: Mar 2009
المشاركات: 446
hossamdoaaaa has much to be proud ofhossamdoaaaa has much to be proud ofhossamdoaaaa has much to be proud ofhossamdoaaaa has much to be proud ofhossamdoaaaa has much to be proud ofhossamdoaaaa has much to be proud ofhossamdoaaaa has much to be proud ofhossamdoaaaa has much to be proud ofhossamdoaaaa has much to be proud of
افتراضي رحلتى فى البحث عن ميجان 2 .. كلاكيت اول مره .. وتحذير من اعلان العربيه الى فى الموضوع

السلام عليكم

رحلتى للبحث عن الميجان 2 بعد ما تراجعت عن شراء نيسان صنى 2013 زيرو لظروف خاصه وقلت ادور على ميجان 2 بانوراما بحالة جيده وكيلو متر قليل على قد فلوسى وظروفى الحاليه .. فكنت كل يوم ابحث على ماهو مناسب على صفحات مواقع بيع المستعمل وابرزهم كونتاكت كار ولانى من اسكندريه (وحاليا مقيم فى دمنهور لاعمال خاصه)
فقلت انسب واقرب حاجه البحث فى نطاق اسكندريه بس عشان عارف ان مش كل ما يعلن عنه فى النت بكلام معسول من فابريكه وخلافه من الكلام الى انتم عارفينه ماتشحتطش على السكه كل شويه الى القاهره والمدن البعيده ويجيلى احباط لو النتيجه سلبيه


المهم امبارح وانا بتصفح لقيت الاعلان ده على كونتاكت

http://www........cars.com/UsedCars_...p?CarID=96975 2


ومكتوب فيه

اللون فضي بانوراما كاملة أوتوماتيك فابريكة برة وجوة

وماشيه 47000 كيلو بس

وبـــ 70,000

قلت كده لوز طلبى واللون الى انا عايزه جالى لحد عندى اتصل واشوف ايه الكلام

اتصلت بلى كاتب الاعلان الى اسمه ايهاب واستفسرت منه على ماهو مكتوب وبتعمل صيانه فين وهل فيها اى خبطات او رشه اى حاجه وهل كل وظايفها شغال تمام بدون مشاكل ؟؟؟ وقلت له صارحنى ارجوك لو فيه حاجه عشان متضيعش وقتى ووقتك لو فيه حاجه قول .... اكد تانى الف فى المليون انها زى الزيروقالى ان العربيه مش بتاعته دى بتاعت واحد صاحبه فى الامارات وامه معاها توكيل لبيعها وهو اول يد من 2006

قلت كده تمام هو ده المطلوب ...

قلتله انا عايز نحدد ميعاد عشان اشوفها وكمان شرطى كشف توكيل

قالى طيب بكره اتصل بيا احدد لك ميعاد معاهم قولت اوك ماشى الحال

النهارده اتصلت بيه... مراته ردت عليا وقالت هو مش موجود ومنك لوالدة صاحبه خلص معاها وادتنى رقمها... قولتلها ياريت استاذ ايهاب يحضر لانى مابحبش معاملة الحريم

اتصلت على والدة صاحبه الى معاها التوكيل والى حتبيع ... وسألتها تانى نفس الاسئله الى سألتها لايهاب وقالت نفس الى قاله ايهاب واكدت انها فابريكه وكل وظايفها شغاله عشره على عشره وان الــ 47000 الف الى مشياهم مشتهم جوه اسكندريه بس وانها كانت بتمشى كل فين وفين وانها ليها جراج بتبات فيه

انا قلت فى بالى هو ده المطلوب بلحرف تكون عربيه مش متهانه

قلت لنفسى خير االبر عاجله اطلع عليها دلوقتى لان عربيه زى دى اكيد لقطه ومش حتبات النهادره

وقلتها انا جاى لحضرتك دلوقتى قالتلى اوك مستنياك

اخدت اخويا وقفلت محلى واتحركت من دمنهور الساعده 3:30 عصرا وصلت عندها لوران اسكندريه الساعه 6 الدنيا كانت زحمه بشكل فظيع جدا النهارده حاجه لا تطاق وطبعا لحد ماوصلتلها فى العنوان مزبوط

اتقابلنا ورحنا على الجراج نشوف العربيه وكان معها واحد اسمه احمد

قلبت فى العربيه وأليكم الاتى من صدمات

1- رشه حزام واللون فارق عن الكبوت والشنطه والسقف ونهايات الرش مع الدواخل حاجه اخر قرف بويه مسيله وخشنه مش متلمعه ... وبعد ده كله العربيه مخربشه من كل حته

2- الجنوط كلها متخبطه ومتنيه فى حروفها

3- الاكصدام الامامى كلبساته مكسوره

4- التكييف مش شغال اطلاقا اااااااااااا

وجيت عند دى ووقفت وقلت يانهاااااااار كدب ولفيت ورحت ليها لانها كانت واقفه هيا واحمد على جنب وقلت ليها هو التكيف مش شغال رد احمد الى معاها وقال لا شغال تمام .. وهيا اتبرجلت وقالت لالا مش شغال انا ذهلت وقلت لها هو مش حضرتك قولتى العربيه فابريكه وكل حاجه شغاله تمام

قالتى بص انا صريحه معاك وبقولك كل حاجه فيها زى ما انت شايف واشترى على الواقع.. وبعدين العربيه راشه فى التوكيل !!!!!!!!!!!!!!!

وانا طبعا عامل كده

قلت ليها هيا فين الصراحه دى التكييف مش شغال وده لوحده مشكله كبيره والله اعلم تتحل بكام وازاى واكيد مش اقل من 5 او 6 الف جنيه لو كانت حاجه كبيرهيا السبب ... والعربيه راشه وبصنعه اى كلام والتجريح فى كل حته حتى بعد الرش


قالتى اشترى على الواقع

واحب اسمع كلمتك

قلتلها انت حضرتك طالبه 70000 وهيا ماتجبش السعر ده ابدا اخرها معايا [IMG]http://www.**********.net/Nile/images/smilies/whtauwant.gif[/IMG]62000

قالتى لا احنا بعيد عن بعض اوى

انا قفلت وقرفت منها ومن كدبها ومن استكبرها وقلت ليها فرصه سعيده وماشى وانا دمى بيغلى

السؤال ليه الكدب وعدم المصارحه وخصوصا انى اكدت اكتر من مره فى التلفون هل العربيه فعلا فابريكه وكل وظايفها شغاله تمام... هيا العينه دى بتفكر انها حتطلع الفلوس من جيبنا غصبن عننا ولا حنتسحر بلعربيه ونتشعبط فيها زى العيل مش عارف ليييييه هيا وامثالها بيعملو كده؟؟؟؟؟؟؟؟؟؟؟؟؟


مش حقول غير حسبى الله ونعم الوكيل فيها وتحذير لكل من شاف الاعلان وفى طريقه للشراء الست دى كدابه كدب الابل ومش صريحه وماخفى كان اعظم والله اعلم فيه ايه تانى فى العربيه لانى مكملتش فحص كويس


تحياتى لكل الوحوش
__________________

<a href="http://www.gulfup.com/" target="_blank" title="مركز تحميل الصور"><img src="http://im33.gulfup.com/4ryQD.jpg" border="0" alt="مركز تحميل الصور" /></a>
رد مع اقتباس
  #2  
قديم 04-10-2012, 01:04 AM
الصورة الرمزية mhamdy75
mhamdy75 mhamdy75 غير متواجد حالياً
 
تاريخ التسجيل: Jun 2009
المشاركات: 6,399
mhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond reputemhamdy75 has a reputation beyond repute
افتراضي رد: رحلتى فى البحث عن ميجان 2 .. كلاكيت اول مره .. وتحذير من اعلان العربيه الى فى الموضوع

هههههههههه

من 6 سنين نزلت حلوان

اشوف ميجان 2007 دهبى فبريكة بره جوه

طلعت مغيره نص امامى


__________________

مهندس / محمد حمدى

https://www.facebook.com/timoncito
انا عضو فى جروب اسبرانزا للجميع

https://www.facebook.com/groups/Speranza4all/


رد مع اقتباس
  #3  
قديم 04-10-2012, 07:23 AM
الصورة الرمزية Marlborooo
Marlborooo Marlborooo غير متواجد حالياً
من انا؟: Hassan
هواياتي: مش عارف
 
تاريخ التسجيل: Feb 2012
الموقع: مصر
المشاركات: 1,413
Marlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond repute
افتراضي رد: رحلتى فى البحث عن ميجان 2 .. كلاكيت اول مره .. وتحذير من اعلان العربيه الى فى الموضوع

معلش حصل خير والحمد لله انك خلعت من العربية

انا بتعامل بمبدأ في الشرا طالما صاحب العربية سألته علي حاجة في العربية وكدب واكتشفتها ببعد عنها عشان ما خفي بيكون ااااعظم
رد مع اقتباس
  #4  
قديم 04-10-2012, 10:26 AM
الصورة الرمزية fadymedhat
fadymedhat fadymedhat غير متواجد حالياً
التخصص العملى: مهندس كهرباء..
هواياتي: خبرة فى مجال السيارات
 
تاريخ التسجيل: Feb 2011
المشاركات: 773
fadymedhat has a reputation beyond reputefadymedhat has a reputation beyond reputefadymedhat has a reputation beyond reputefadymedhat has a reputation beyond reputefadymedhat has a reputation beyond reputefadymedhat has a reputation beyond reputefadymedhat has a reputation beyond reputefadymedhat has a reputation beyond reputefadymedhat has a reputation beyond reputefadymedhat has a reputation beyond reputefadymedhat has a reputation beyond repute
افتراضي رد: رحلتى فى البحث عن ميجان 2 .. كلاكيت اول مره .. وتحذير من اعلان العربيه الى فى الموضوع

دى الحاجات الى انت شوفتها...لما تيجى تجربها اكيدهتلاقى بلاوى كتير...بس هى تكدب ليه...الواحد لازم يراعى ربنا فى البيع.......
__________________

كن مطمئنا جدا جدا و لا تفكر فى الأمر كثيرا بل دع الأمر لمن بيده الأمر
السرعة فى القلب و القلب ميت..هدفى بدون تفكير و سباق بدون قلب..
رد مع اقتباس
  #5  
قديم 04-10-2012, 05:38 PM
m_synergy m_synergy غير متواجد حالياً
 
تاريخ التسجيل: Mar 2010
المشاركات: 17
m_synergy is on a distinguished road
افتراضي رد: رحلتى فى البحث عن ميجان 2 .. كلاكيت اول مره .. وتحذير من اعلان العربيه الى فى الموضوع


المشاركة الأصلية كتبت بواسطة fadymedhat مشاهدة المشاركة

دى الحاجات الى انت شوفتها...لما تيجى تجربها اكيدهتلاقى بلاوى كتير...بس هى تكدب ليه...الواحد لازم يراعى ربنا فى البيع.......
معلش يا باشا, ياما الواحد بيشوف فى الحاجات دى.
انا مرة رحت اشوف بيجو 206 صاحبها كان عايز فيها 45000 وطالع بيها السما, ولما شفتها لقيتها عربية شركة اصلا وكل اللى فى الشركة رايح جاى بيها (وكان فى اخر اكتوبر, الله يسامحه )

على العموم, انا ليا واحد صاحبى كان شغال فى توكيل رينو وسابه ودلوقت هو فاتح ورشة صيانة لرينو بس, هو كمان يعرف ناس عايزة تبيع عربياتها وممكن يساعدك, وهو الصراحة كفاءة وخبرة فى الرينو يعنى هيعرف اذا كان فى العربية اى مشكلة, وبعدين هو اللى هيوديك للعربية يعنى اى حاجة هتبقى فى وشه.
اسمه طارق ورقم موبايله 01006241474
لما تكلمه قولله انك من طرف محمد فؤاد (احنا صحاب قدام )

وربنا يوفقك
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 06:35 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017