سؤال عن وحده الرفع للانوس

[بلاشانت]

من فضلكم انا كنت رحت اركب انذار ووحده رفع لشيفروليه لانوس 2010 من توكيل وولف الى خلف سوق القنال الراجل الفنى نصحنى بلاش اركب وحده رفع علشان بتحمل على مكن الزجاج بالرغم انى ناس كتير ركبتها ومشتكتش منها

انا كل الى عايز افهمه فكره عمل وحده الرفع وياريت اقدر اوصل الى انا عايز اقولو
الى انا فاهمه عن طريقه عمل وحده الرفع انها بتاخد امر من جهاز الانذار لرفع الزجاج المفتوح طيب بالنسبه للزجاج المقفول برضوا بيدخل كهربا للمكن لو صح يبقى فى كل مره بنقفل الزجاج بنحمل على مكن الزجاج المقفول انا مش عارف كلامى صح ولا لاء

[محمد صالح - المحامى]

بصراحة انا معرفش الطريقة العملية لتشغيل وحدة الرفع
===========
بس بصراحة هى شئ مريح و مهم جدا فى حالة عدم تذكر رفع زجاج السيارة
واعتقد انه لا يحمل ضررا لماتور الزجاج فهو يعطى امر اغلاق للزجاج فقط

[بلاشانت]

المشاركة الأصلية كتبت بواسطة m_ss2 بصراحة انا معرفش الطريقة العملية لتشغيل وحدة الرفع =========== بس بصراحة هى شئ مريح و مهم جدا فى حالة عدم تذكر رفع زجاج السيارة واعتقد انه لا يحمل ضررا لماتور الزجاج فهو يعطى امر اغلاق للزجاج فقط

انا معاك فعلا هومريح جدا بس هو بيعطى امر للزجاج المفتوح فقط ولا للكل حتى المغلق يارب حد يفيدنا

[mezat2020]

اللى اعرفه ان جهاز يعطى الامر بيروح لكل الابواب لانه بيشغل وحده الرفع سوء واحده باربعه او انثين لانى فكيت موتور من الالف الى الياء لايوجد به محدد مسافه L.s فى وضع الفتح او القفل وعموما لحظه قفل الابواب قصيره ولاتؤثر على الموتور المهم يكون شغال كويس ودى اوبشن جميله فى حاله السهو ساعات كتير الواحد بينسى قفل باب من الابواب ووسيله امان

[بلاشانت]

طيب بما ان محدش عارف يجاوب على سؤالى انا عرفت الاجابه وهقولكم اذاى
امبارح اخويا كان جايب عربيه النترا 2008 بتاعه واحد صحبه وهى نازله بانذار ووحده رفع فقلت اجرب اشوف وحده الرفع بتشتغل اذاى ففتحت كل الازاز وبعدين قفلت الباب وقفلت من الريموت ولاقيت الاربع الابواب بيترفعوا مع بعض رحت حاطط ايدى على واحد منهم ومنعته من الطلوع فلاقيتو فرمل ووقف مكانوا حتى بعد مشلت ايدى من عليه فحين باقى الابواب طالعين عادى وقفلوا

هنا انا فهمت طريقه عمل وحده الرفع هى بتدى كهربا للاربع ابواب ولو فيه ازاز مقفول بتفصل عنه الكهربا فورا اما الزجاج المفتوح فبيطلع حتى الاخر واول ميوقف بيتفصل عنه الكهربا هوكمان كده وحده الرفع ممتازه وامنه
لكن دلوقتى سؤال اخير ياترى كل وحدات الرفع بتشتغل كده ولا علشان دى نازله فابريكه مع العربيه فلو حد شارى وحده رفع ومركبها يجرب الى انا عملته كده ويقولى النتيجه واسف على الاطاله..............