سوال لخبراء و عشاق الهوندا خاص باكواد المحركات

[waleed.maher]

السلام علي الاعضاء الكرام
انا جديد مع حضراتكو في المنتدي و محتاج مساعدتكم انا بدور علي سيفك من97 الي 2000 vti و قريت موضوع رائع بخصوص اكواد و الارقام الخاصة بمحركات الشكل ده و اكواد الكنترول من عضو هنا الظاهر كدة محترف ما شاء الله
بس عشان الناس اللي مش متبحرة اوي زي حالاتي عاوز اعرف من حضراتكو الاتي:-
بيكون فين الكود مكتوب علي الموتور؟
افضل الانواع من حيث توافر قطع الغيار و القوه و اللي بتكون انعم في الاداء؟
هل ممكن اتاكد بنفسي من ان الموتور مش متغير بدون التوكيل؟
و مثلا يعني في سيارات مختلغة في الكماليات يعني ساعات تلاقي lxiفيها مثبت و اير و ساعات تلاقي vti و مفهاش؟؟
و ايه الفرق بين الvti ,و ال exiبغض النظر عن المحرك؟؟
كمان اعرف ان الشيب ده بيكون جمب قايم السائق رمز يدل ان العربية مثلا vti اوsir اصليه بدون تعديل؟؟
انا عارف انهم اسئله كتير و مقرفة و طولت اوي
بس اعذروني اخوكم عاوز يتعلم و بدور علي وحدة بحالة شازه الشكل ده
و انا عارف اني هلاقي من الاعضاء الكرام اللي ممكن يجاوبني و يساعدني
و جزاكم الله خيرا
و تقبلو مروري

[mshamy]

المشاركة الأصلية كتبت بواسطة waleed.maher السلام علي الاعضاء الكرام انا جديد مع حضراتكو في المنتدي و محتاج مساعدتكم انا بدور علي سيفك من97 الي 2000 vti و قريت موضوع رائع بخصوص اكواد و الارقام الخاصة بمحركات الشكل ده و اكواد الكنترول من عضو هنا الظاهر كدة محترف ما شاء الله بس عشان الناس اللي مش متبحرة اوي زي حالاتي عاوز اعرف من حضراتكو الاتي:- بيكون فين الكود مكتوب علي الموتور؟ افضل الانواع من حيث توافر قطع الغيار و القوه و اللي بتكون انعم في الاداء؟ هل ممكن اتاكد بنفسي من ان الموتور مش متغير بدون التوكيل؟ و مثلا يعني في سيارات مختلغة في الكماليات يعني ساعات تلاقي lxiفيها مثبت و اير و ساعات تلاقي vti و مفهاش؟؟ و ايه الفرق بين الvti ,و ال exiبغض النظر عن المحرك؟؟ كمان اعرف ان الشيب ده بيكون جمب قايم السائق رمز يدل ان العربية مثلا vti اوsir اصليه بدون تعديل؟؟ انا عارف انهم اسئله كتير و مقرفة و طولت اوي بس اعذروني اخوكم عاوز يتعلم و بدور علي وحدة بحالة شازه الشكل ده و انا عارف اني هلاقي من الاعضاء الكرام اللي ممكن يجاوبني و يساعدني و جزاكم الله خيرا و تقبلو مروري

وعليكم السلام و رحمة الله وبركاته
انا ممكن احاول الرد على قدر الإستطاعة
1- مكان كود المحرك بيكون على شمال الهيدر على حسب الصورة الأتية و عاملك عليه دايره بلأصفر

2- المحركات ال 1600 ال VTEC تعتبر من احسن المحركات و لكامة و احدة يعتبر إقتصادي في الوقود مقارنة با لأثنين كامة الخاص با SiR
3- لو حد محترف مسقط المكينة بنفس الكود الأصلي و نفس البلوكة محدش حيكتشف القصة حتى لو التوكيل
4- موضوع كماليات السيارات ده متشعب على حسب المنشأ ..يعنى مثلا الهوندا LX مثبت سرعة أصلي مش متركب و انت مغمض بتكون أمريكي لأن الخليجي مافهوش و كمان بيكون LXi مش LX فقط ...وساعات تلاقي موديلات فيها وسائد هوائية و موديلات تانية مافيهاش لأنه بيكون أوبشن و انت بتشتري
5- الفرق الرئيسي مابين ال VTi و EXi هو المحرك و في بعض الموديلات ال VTi بتنزل مانيوال بعكس ال EXi بتنزل اوتوماتيك فقط
6- بيكون في أخر القايم اللي بجوار السواق قطعة معدنية حمراء تحتوي على رقم الشاسية و السيارت ال SiR رقم الشاسية بتعها بيبدأ ب EK4 زي الصوره دي

وممكن يتعرف برضه من رقم الشاسية المطبوع في صدر السيارة خلف الموتور زي الصوره دي