|
#1
25-07-2012, 06:35 PM
|
||||
|
||||
سحووووووووور خفيف على الماشى عيش تورتيلا وكبدة وبطاطس محمرة بالطريقة الفرنسية
ايه رائيكم نقدم سحور خفيف مع بعض
عيش تورتيلا وكبدة وبطاطس محمرة بالطريقة الفرنسية   نبدا الاول فى عمل التورتيلا  المقادير {1} 6 كوب دقيق انا عملت الكمية دى وانتى تعملى الكمية اللى تناسبك ممكن اقل وممكن اكتر {2}بيضتين {3}نصف كوباية زيت صغيرة {4}كيس خميرة فورية ومعلقة بيكنج بودر {5}ماية حسب العجن {6} ربع معلقة ملح صغيرة جدا  الطريقةننخل الدقيق وبعدين احط ربع معلقة الملح الصغيرة معاه واضيف الخميرة الفورية ومعلقة البيكينج بودر يعنى ابدا بالنواشف الاول واقلبهم فى بعض اضيف بعد كدة البيضتين وشوية زيت من النص كوباية زيت واسيب الزيت الباقى لحد ماعجن واقلب البيض والزيت مع الدقيق واضيف الماية شوية بشوية وابدا بصوابع ايدى اعجن بالراحة لحد ماتلم العجينة فى ايدى الاقيها بتلزق اضيف باقى العجين واديها بوكسين كدة وبعدين اغطى عليها بعد فترة قليلة الاقيها ارتفعت وزاد حجمها احضر الرخامة او الترابيزة اللى هشتغل عليها وارشها دقيق وبعدين ابدا فى تكوير العجين اقسمها الى كور صغيرة  هتا بعد مانخلت العجين  وهنا بعد ما عجنت ولما خمرت كورتها كور صغيرة   وفردتها بالنشابة على الدقيق ورصيتهم جنب بعض اوعلى اطراف بقعض لحد ماخلصت الكمية انا بنص العجينة عملت 12 تورتيلاية  وحطيت طاسة تيفال على النار وبعد لحظة حطيت التورتيلا فيها تلاقيها شمعت لحظة وتقلبيها على الناحية التانية وتشيليها وتحطى غيرها وهكذا وتطلعيها على ورق ابيض وتلفيها فى كيس عشان تفضل طرية لحد ماتخلصى كميتك تبائى تحشيها  هى هنا وهى فى الطاسة وبعد ماخلصت الكمية لفيتهم فى كيس والكورة الكبيرة شيلتها فىكيس وعلى الفريزر لمرة تانية نشوف بقة الكبدة قطعت الكبدة مكعبات صغيرة وقطعت بصلة ترنشات وفلفلة و5 فصوص توم وتبلتهم بالملح والفلفل الاسود واليمون وحطيت عليهم شوية زيت ونصف معلقة سمن بلدى وعلى النار على الهادى لحد السوا     ولما استوت جهزت طبق طحينة محترم وقطعت جرجير صغير وعملت التورتيلا احلى ساندوتش نشوف لينك الطحينة وبعدين نكمل  فردت الطحينة الاول وبعدين رشيت شويت جرجير وبعدين حطيت الكبدة ولفيت التورتيلا ورصيته فى صنية عشان تدخل تحت الشواية اما انك تدهنى جسم السندوتشات من برة بيض او ترشى عليها شوية جبنة لحد ماوشها يحمر وتطلعيها وتقدميها سخنة وتلفى كل سانوتش فى ورق ابيض نضيف مع بطاطس محمرة لاكن نظرا للصيام انا دخلتها تحت الشواية من غير مادهن وشها حاجة عشان تكون خفيفة لاكن فى الايام العادية بدهن وشها  باقى البطاطس البطاطس الجميلة على الطريقة الفرنسية روعة جدا يابنات مقرمشة ومابتاخدش زيت واحلى من فرم فريتس  المكونات طبعا بطاطس وماية وشوية ملح ومعلقة خل الطريق سهلة جدا تقشرى البطاطس وتغسليها وتقطعيها صوابع صغيرة وتغسليها كويس وتحطيها فى شوية ماية ومعاها الملح ومعلقة الخل  وتقدحى الزيت على النار فى الطاسة توطى النار وتصفى البطاطس من الماية وتنزليها فى الزيت وتساويها فى الطاسة وتسبيها شوية اول ماتحسى انها هتصفر تطفى النار عليها وتسبيها فى الطاسة لحد ماتبرد او حتى فقبل تقديم الاكل تروحى مولعة عليها النار تانى لحد ماتتحمر تنشليها فى الصفاية وتطلعيها على ورق نشاف وتتقدم بالف هنا مع السندوتشات او الاكلات عموما لذيذة ومابتشربش زيت وولادك هيحبوها جدا لانها مقرمشة ولذيذة   ودى النتيجة النهائية الف هنا و شفا منقوووووووووووول 
|
 |
|
|
