مقارنه بين نيسان صني الشكل القديم واوبترا 2012

[abdohtaby]

السلام عليكم
الحمد لله جبت نيسان صنى بعد حيرة كتيرة ومقارنات ومستعمل ولا جديد وفى الاخر استقرات على نيسان صنى سوبر صالون قررت انى اعمل مقارنة بين الصنى ولاوبترا عالماً ان والدتى معها اوبترا 2005 اول اوبترا فيكى يا جيزة وانا كنت فحتها سرعة وغرز كل حاجة انا هقول المشاكل الى وجهتنى وانا عارف انى كدة هظلم الاوبترا عشان دى عربية مستعمله ودى عربيه جديدة بس يا ريت الى يقرا الموضوع يحط فى حسابة الكلام دى الابترا موديل 2005 والنيسان موديل 2012

1- من حيث الصالون والوسع الداخلى:
الاوبترا ماشاء الله واسعة اوى واوسع من الصنى فى الكنبة الخلفيه يعنى لو 5 افراد او 6 منهم اولاد صغار الابترا تبقى معاك فله شمعة منورة طيب الصالون انا فى نظرى الصنى اشيك واحسن وانا كمان جايب الصوبر ففيها ابانوس وشكل الصالون بتاع الصنى احلى بكتير ودى ازواق

2-من حيث العفشة والثبات:
بص بصراحة انا ركبت لانسر بومة واوبترا ولانوس جين 2 بصراحة مشفتش عفشة احسن من عفشة الصنى ماشاء الله نعمة ومش بدبدب لأسف زى الاوبترا العفشة ناشفة اوى واى اوى فيها وغيرنا 4 مساعدين مرة اثنين ورا ومرة اثنين الامامين والعربية عمله 62 الف كيلو حتى الان .. نيجى لموضوع الثبات طبعاااااا الصنى ثابته اووووووووووووى وكمان الاوبترا ماشاء الله عليها ثابته بس الصنى تتفوق عليها بشوية .

3-من حيث التكيف:
هو تكيف الصنى شغال معايا تمام الحمد لله عشان لسة العربيه جديدة لكن الاوبترا من ساعت مجبنها والتكيف ضعيف ولان بيفصل كتير والحمد لله العربية ولا مرة عملت حادثة مش رشه غير اكصدام فقط وكان عندنا مغمرات فى التوكيل هكلم عليها بعدين ولكن انا شايف ان دى مشكلة عندى فردية عشان انا ركبت اوبترا تانية الراجل صاحب العربيه مشتكاش من التكيف بص قالى ضعيف على وسع العربيه

4- التوكيل ومراكز الصيانة :
يعنى لو نقول اسوء توكيل يبقى منصور اقسم بالله اول لما جبنا العربية وكان عندى مشكلة فرديه عشان الناس متقولش انى بهاجب العربية اول لما استلمت العربية كان فى صوت سيور العربية وطلعوا عينى على ما غيروسير والحمد لله فى الاخر مروحتلوش تانى.... توكيل اوتو ايجيب(توكيل نيسان) بصراحة ناس محترمة كان عندى شوية مشاكل زى فى صوت زنة فى التابلو والزجاج وقف بينزل ومش عاوز يطلع العفشة كانت نشفة عشان كان عامل الضعط على 36 و33 وكدة كانت احسن من الاوبترا والله وحاجة كنت مضايق منها فلتر التكيف قالى ب 200 جنيه ومكنش راكب فى العربية والحمد لله طلعت كل حاجة متظبطة وكمان بعديها ب 5 ايام لقيت التوكيل بيكلمنى بيقولى اة رأى حضرتك فى الصيانة وتقيم اتو ايجيبت ممتاز ولا جيد ولا جيد جداا يعنى والله فعلاً اقل ما يتقال عليهم ناس محترمة

5- استهلاك البنزين:
انا ساكن فى الهرم وبروح الكلية فى اكتوبر فى الاوبترا باخد رايح جاى شرطة كبيرة فى العداد فى الصنى باخد 3 شروط صغيرة وقريبا هنزل فى المنتدى استهلاك البنزين فى الصنى بتاعى عشان الشروط الى فى العداد كلام مش علمى خالص ..

5- سير الكاتينة:
الناس ممكن تستغرب شوية عشان انا بكلم على سير الكاتينة اة سير الكاتينة والله العظيم سير الكاتينة الجنزير دة نعمة اقسم بالله عشان انا حصل لى موقف وانا رايح اكتوبر الساعة 10 بليل وسير الكاتينة اتقطع منى وجابت صبابات وحوار وكنت زعلان اوووووووووى من سير الكاتينة الكوتش الى فى الاوبترا

6- المتور:
الاوبترا حاجة رهيبة الموتور جامد اووووووووووووى ماشاء الله وكانت مينوال احسن حاجة فى العربية المتور بتعها صوت هادى وجميل ,, الصنى صوت المتور بتعها عالى اوى وكمان بعد ال 120 وعند ال 160 عشان دى اعلى سرعة جبتها حتى الان فى الصنى المتور بيشتم عند ال 160 بس كا اداء ماشاء الله رهيب والفتيس الاوتو الاستجابة بتعاته رائعة حتى الان .. بس فى مشكلة ومش فردية فى الاوبترا و شفتها عند ناس كتير فى الاوبترا العربية باستمرار بترشح زيت من والوش وحاولت وجبت جونات كتيرة ومفيش فايدة وسالت واحد صحبى قالى هى العربية كدة وعندو نفس المشكله


وفى الاخر يا ريت الناس الى بقرا الموضوع يحطو فى اعتبارهم ان الاوبترا موديل 2005 والصنى 2012 عشان منظلمش العربية والله العظيم انا كاتب الموضوع بكل حيادية وبدون تحيز




(الموضوع منقول للافاده العامه)
: 010104~171: ياريت الناس الي مجربه الاتنين تقولنا ايه رايها في الاتنين بس نيسان صني الشكل القديم واوبترا 2012 ياريت الناس تقول رايها وتقبلوا تحياتي

[abdohtaby]

اوبترا 2012 ولا صني الشكل القديم 2012 ولما تطلعوا الاحسن قارنوه بالصني الشكل الجديد الله يكرمكم وجزاكم الله كل خير

[3bd0]

انا معايا نيسان صني كلاسيك موديل 2012 بقالها اسبوعين (عربية بديلة) وهاترجع بكرة ان شاء الله
انا بحسبهم غيروها خالص، مكنتش اعرف ان لسة بينزلو الشكل ده منها
بالنسبة لموضوع حضرتك انا بؤيد كل كلمة اتقالت على الصني فيه، الايجابيات والسلبيات
هيا طبعا مقعدتش معايا كتير، بس عملت بيها اكتر من الف كيلو
من الحاجات المميزة جدا جدا فيها الثبات، لدرجة ان انا لما اتفاجئت بالموضوع ده قررت اني اشوف اخرها، بقيت باخد بيها ملفات عنيفة بسرعات اعلى واعلى، وعرفتش اجيب اخرها بردو، عمرها ما عامت مني
استهلاك البنزين بردو عاجبني جدا، مكنتش اتخيلو كده ابدا
الحاجة الوحيدة اللي ممكن تكون مضايقاني هيا ردة الفعل بتاعتها، او بمعنى اصح القومة او الطلعة بتاعتها. بس انا بقول ان ده ممكن يكون بسبب خامة البنزين اللي بحطها

[ahmed.bahlol]

مقارنة رائعة بس مش المفروض تعمل مقارنة بين جديد وقديم وانا رأي الشخصي الصني تكسب في المقارنة بينهم في موديل السنة

[محمد اشرف]

: CONGRA~238: