نصيحه منى بلااااااااااااااااااااااااااااااااش

[mo.ghazaly]

هو التقييم ابيص او اسود مفيش ارجو منك تعديل اختيارات التقييم لتصبح النتيجه دقيقه ومثمره. ... وشكرا.

[hyundai 2005]

امال بقي لو شوفتم تقفيلها ضفيره بالشكرتون
سماعات احمد بهجت
لمبات مغشوشه بتضرب تاني يوم
شبكه مطليه لزق بتمسح بعد شهرين
وما خفي كان اعظم
يا ناس حرام دي كفايه شكل امها ما تغيرش من 17 سنه

[mo.ghazaly]

الشكل ازواق لو مش عاجبك شكلها متشترهاش وشفلك غيرها
السياره بقالها معايا سنه والمبات متحرقتش زي مانت قلت وكمان الشبكه لونها ممتاز ومتغيرش وصوط السمعات معقول انا مش عارف الكلام ده جبتوه منين?

[luckyman]

هى فعلا اتعمل منها اسطورة فى مصر ديما العربيات الفاشله فى العالم بتنجح فى مصر بالتاكيد التقفيل المصرى انا اسف فى الكلمة وسخ جدا العربية متدنيه من اداء لثبات ولتماسك ككل العربية دون المتوسط بدون عصبيه او انحياز انا راجل شاءت الظروف انى اسوق منها اشكال والوان وموديلات جديدة وقديمة عربية الامان فيها متدنى وفعلا اللانوس مع الشيفروليه بقت مسخرة انا شفت بعينى سواق التاكسى بيضغط على الدركسيون بيتنى للقدام مواد اللى داخله فى البناء الظاهرة للعين والغير ظاهرة متدنية ودون المستوى الملائم لان المستهلك المصرى مالهوش تمن ولا حساب ومفيش رقابة فالعربية فعلا بنظلمها لما نفضل نقارن بينها وسعرها العربية من حوالى 16 كانت بدايه الانتاج وتوقف انتاجها منذ ما يزيد عن العشر سنوات والجيل اللى بعدة اسمة الافيو ملعون ابو التوكيلات والمجمعيين فى مصر معندهمش ضمير بيسرقوا الناس عينى عينك والمصانع الام حقيرة لانها بتسمح بانتاج سيارتها ووضع العلامة التجاريه عليها طالما انها لا تصدر لخارج مصر فطز فى المستهلك المصرى احد شروط المصانع الام تقريبا لغالبيه المجمعيين المحليين انهم ما يصدروش العربيات للخارج وهى كدة كدة محدش يشتريها ببصله بس علشان سمعة العلامة التجاريه الميزة الوحيدة فى اللانوس بدون ما نضحك على نفسنا هى قطع الغيار الاكثر من ملائمة وتعددها باسعار منافسة ومقبوله زى الفيرنا فى بلد زى مصر الحمير والبشر والكلاب والعربيات الكارو والمطبات والخوازيق فى كل شارع وحارة فالعربية مهما كنت حريص كل شويه تاخد خازوق محترم فالصدمة تبقى اخف مع اعادة اصلاحها بسهوله وبعدين الناس اللى بتقول العربية ناعمة والله كانها ماشية على جنازير محدش ساق قبل كدة عربية يابانى من اربعين سنة تلاقيها ولا الهواء كانك ماشى على الميه مش اسفلت دة انا بكون سامع صوت الكاوتش مع الاسفلت واى رمله تلمس العربية بتسمع فى العربية والفروق بين الكبوت والرفرف صعب انك تلاقية متساوى فى عربية لانوس دقة التجميع زباله بيجمعوا العربيات فى مصر على شبلونات تجميع انتهى عمرها من مصانع برة الخلوص باين بالعين الشمال غير اليمين متعرفش فى ايه متجمعة فى غرزة ولافى مصنع سيارات اسف للاطاله بس ياريت نكون ادق انا ما ارتحتيش شويه الا لما ركبت جنوط 15 انش متخيلين 15 انش وعرض 205 علشان احس انى ماشى بعربية عاديه وفرامل كويسة الفرامل زباله بتسخن بسرعة وبتريح واكتشفت ان الجنط ليه علاقة كبيرة بعدم تهويه الفرامل اختلفت خالص حتى التناسق بين صندق التروس والمحرك فى حاجة غلط فى نقطة كسل وفقدان للعزم مفاجى ورجوع سريع نسب صندوق التروس مع المحرك غير مدروسه خصوصا فى مناورات الانطلاق انا اسف تانى للاطاله

[hyundai 2005]

المشاركة الأصلية كتبت بواسطة mo.ghazaly

الشكل ازواق لو مش عاجبك شكلها متشترهاش وشفلك غيرها
السياره بقالها معايا سنه والمبات متحرقتش زي مانت قلت وكمان الشبكه لونها ممتاز ومتغيرش وصوط السمعات معقول انا مش عارف الكلام ده جبتوه منين?

هههههههههههههههههههههههه
حبيبي انا تاجر سيارات واكتر عربيات بشتريها اللانوس من 96- 99
وفي البيع نااااااااار ومكسب حلو وعربيه لاتقارن بالموديل الحالي فالحمد لله انا اكتر واحد فالجمهوريه اقدر احكم علي اللانوس لامتلاكي اكتر من 40-50 سياره لانوس خلال 3 اعوام بجميع الحالات اللي ممكن تتخيها
اما الشيفورليه وموديل 2010 بتتباع اقل من 99 فالسعر ولو مش مصدق انزل السوق
ولا اقولك فك فرش الارضيه والعتب اللي عندك وانت تتفرج عالمهزله
الحمد انا مابتريقش علي حد ربنا يبارك لك فيها ويحفظها

علي فكره انا كان مع اخويا لانوس 2010 من الصاله وفيها اكتشفت كل الكلام ده قعدت 6 شهور واتكهنت في حادثه والحمد لله
احنا بننتقد حاله سوق وحاله سياره تقبل تحياتي