سؤال فى الماتركس

[ahmedsherif1990]

كنت عاوز اعرف حاجة يا جماعة
الزيت اللى متعود احطة كان موبيل 10000 كم
و شغال و 100 100
لما كنت بغير الزيت المرة دى فى واحد كان معاه ماتركس زى بتاعتى بالظبط و كان بيغير زيت بس حط 5000 مش اللى بيعمل 10000
و سألته قاللى انه بيعمل كده عشان الصيف داخل و الموتور محتاج يغير الزيت اللى فيه على فترات قصيرة و قاللى الاتنين زى بعض بس فرق المسافة اللى بيقطعها
سمعت كلامه و حطيت موبيل 5000 "سوبر"
اللى لاحظته ان صوت العربية بقى هادى قوى فى السلانسيه "مش سامع صوت اصلا "
بس لقيت ان العربية بترجرج شوية كده و هى طالعة خاصة و هى باردة او مشغل التكييف
السؤال بقى ؟؟
هل ده طبيعى ؟؟ و هل لزوجة الزيت ده زى لزوجة زيت ال 10000 ؟؟
و اسف للاطالة

[eng/walaaeldeen]

السلام عليكم

الرجرجه وانته طالع مالهاش دخل بالزيت ممكن يكون عيب في الأسطوانه او لأن السياره لسه بارده المهم تغير الزيت في معاده
والله المستعان

[محمدصلاح القاضى]

احب اوضح لحضرتك
ان زيت الموبيل وان يعنى 10 الاف كيلو لزوجته خفيفه لانه مصمم للسيارات الرياضيه
وهو كويس جدااا وهو زيت يسمى تخليقى لانه يوجود به بعض المواد التى تمنع احتراقه بسرعه
وزيت ال 5 الاف كيلو ( السوبر ) كويس جدااااا هو الاخر ولا يوجد فرق بينه وبين ال 10 الاف الا فى عدد الكيلو مترات والمواد المضافه للزيت ال 10 الاف عشان يشتغل لاطول فتره وخصوصا انه 10 الاف كيلو
ومن ناحيه تغيير الزيت بالنسبه لدخول الصيف فلابد من تغيير الزيت كل ست شهور سواء العربيه لم تمشى لان الزيت بعد الست شهور يفقد خواص اللزوجه

[TiTo Sky]

حط زيت تويوتا جميل جداا وبيخلي صوت العربية هادي

كنت بحط موبيل وان ودلوقتي بحط تويوتا وبغيرة كل 8000 كيلو