ازاى تظبط عربية قديمة و تحس انك راكب عربية جديدة

[mustafa mahmoud]

بسم الله الرحمن الرحيم

السلام عليكم

انا هقول لأى واحد راكب عربية قديمة ازاى يحس انو راكب عربية جديدة

1. اول حاجة تشوف سمكرى نضيف هياخد فى حدود 1500 جنيه

2. بوهيجى نضيف و تنزل تجيب بويا نضيفة عشان تبقى شكلها حلو يعمل 2500 جنيه او اعلى او اقل حسب نوع البويا و الصنايعى

3. تروح للمكانيكى تظبط الماتور ( او تسقط ماتور اعلى ) انت و راحتك و ديه مش هقدر اقولك سعرها

4. كهربا تنزل عزبة شلبى او الحرفين تجيب ضفيرة استراد و تستنضف كهربائى و يزبطلك الكهربا

5. تشوف بتاع عفشى كويس تزبط العفشى و لو عايز تغير هات عفشة اسبور

6. سروجى و تعمل عمرة صالون كاملة ( سقف - ارضية - كراسى - فرش البيبان ) ده مش بيعلى على 1500 جنيه و كدة غالى كمان كدة انت يدوب نضفتها

نيجى بقى للترويق

1. تروح على بتاع الجنوط تجيب جنط 17 او 16 انت و زوئق و تجيب عليه كاوتش عريض سرعات ده فى حدود 6 او 7 الاف عشان تكون حاجة نضيفة

2. تطلع على فتاع الفاميه و الاستيكر فيم عسلى خفيف اوى عشان المرور هيدك شكل حلو و تشوف كام استيكر نضيف كدة بس فى الرايق و تكربن الكابوت و الشنطة و الطابلوه و شوف انت لو هتزود انت و شوقك حسب ذوقك و ده مش هيكمل 500 جنيه

3. تروع لبتاع الاكسسوار تركب زينون فى حدود 500 جنيه 4 مكن عشان انت اربع فوانيس

4. تجيب بقى عدة صوت حلوة كاسيت بايونير او كونيود و سمعتين بايونير 600 و جى ام سينفونى 4 قنوات و زيرو باور و بازوكا ديه كدة 3 الاف

5. شوف انت بقى السنتر و الانزار و الزجاج الكهربا و مكن الرفع و ادى كمان 2000 جنيه

و اركب و ادعيلى

[محمد التهامى]

يا باشا بالتكاليف دى تجيب عربيه جديده
وشراء العبد ولا تربيته

[goudai]

: THUMBS~220:

المشاركة الأصلية كتبت بواسطة محمد التهامى يا باشا بالتكاليف دى تجيب عربيه جديده وشراء العبد ولا تربيته

[goudai]

التكاليف لوحدها تجيب عربية سيراتو

[.EhAb]

ممكن ابيع القديمة و بالتكاليف دى اجيب حاجة اعلى شوية