سؤال مهم فى الترخيص

[ابو هيما]

السلأم عليكم ورحمة الله وبركاته
أنا محتاج مساعدة حضرتكم فى نقطتين مهمين خصوصاً وأنى ناوى أن شاء الله أشترى عربية جديدة أن شاء الله الأيام اللى جاية وكنت عاوز أعرف

1-- أنا بيعت أخر عربية معايا بتوكيل ومش بعقد مسجل , فهل ياترى لما أجى أرخص التانية فى نفس المرور هايضيفوا عليا ضريبة ترفيه على أساس أن الأولأنية لسه بأسمى ؟ وفى هذه الحالة أيه اللى المفروض يتعمل ؟ 2- كنت عاوز أعرف حاجة كمان , فى حالة لو أنا أشتريت العربية من القاهرة وجيت بيها سايقها من القاهرة لجنوب سيناء بدون نمر ولأحتى نمر تجارية لأن هايبقى صعب عليا أخد النمر التجارية من القاهرة وبعدين مش عارف أزاى هارجعهم تانى خصوصاً أنى مش ناوى أنزل على طو , عاوز أقول أيه اللى ممكن يحصل لو مشيت من غير نمر ؟
وشاكر جداً لحضراتكم مقدماًل

[عمر مانشستر]

لو وقفت في اي لجنه ممكن يعملوا معاك مشاكل وتيجي عليك غرامه وممكن يسحبوا العربيه

[ابو هيما]

المشاركة الأصلية كتبت بواسطة عمر مانشستر لو وقفت في اي لجنه ممكن يعملوا معاك مشاكل وتيجي عليك غرامه وممكن يسحبوا العربيه

شاكر جداً لأهتمام حضرتك بالرد , طب معلش هو مينفعش عشان بطاقتى مسجلة على جنوب سيناء وكمان هيبقى معايا ورق العربية من المعرض اللى شاريها وباسمى أن ده يبقى كفاية ويساعدنى أنى أعدى ودى ومن غير غرامات ولأ مشاكل ؟!!!!!!!!

[halmosow]

جواب المرور بيبقى فيه رقم الشاسية والموتور و صاحب العربية , بس الافضل
اما تاجر نمر تجارية , او تنقلها على عربية , او تحاول تشترى من معرض مجاور

[ابو هيما]

المشاركة الأصلية كتبت بواسطة halmosow جواب المرور بيبقى فيه رقم الشاسية والموتور و صاحب العربية , بس الافضل اما تاجر نمر تجارية , او تنقلها على عربية , او تحاول تشترى من معرض مجاور

هو بصراحة موضوع أنقلها على عربية ده , هيكلفى كتير جداً
طب أنا كنت عاوز أسال حضرتك , هى النمر التجارية بيبقى أيجارها كام فى اليوم وممكن أنى أمشى بيها لغاية كام يوم وبعد كده أرخص .
ومشكور مقدماً