|
|||||||
| كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
 |
|
|
أدوات الموضوع |
|
|||||||
| كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
|
|
|
أدوات الموضوع |
|
#1
29-04-2012, 10:59 PM
|
||||
|
||||
استشاره فى بطاريه جافه
السلام عليكم
برجاء الافاده حدثت معى مشكله وحاسس ان فيه اشتغاله اشتريت بطاريه جافه 70 امبير (سعودى) من اربعه اشهر وشغاله وزى الفل نزلت ادور العربيبه حلفت ماتنطق العربيه اوكتافيا ايه فايف المهم اترعبت وافتكرت ممكن يكون فيه مشكله فى الكونترول لى جار صاحب معرض سيارات قلتله على المشكله قال لى بطاريه وعمل لى توصيله من عنده وكانت مشكله لان الجراچ عندى بنزله المهم العربيه دارت ورجعت لى روحى تانى وقالى البطاريه فى الضمان روح غيرها رحت للباشا بتاع البطاريات طبعا بيحاول يجيب المشكله من عندى المهم قال لى هيسيب البطاريه بتاعتى عنده للاختبار والشحن وركب لى بطاريه قديمه من عنده وهنا مربط الفرس وهو بيركب البطاريه عملت شرز بسيط وقت تركيب القطبين قال لى انت عندك تسريب فى الكهرباء عندك سلك بيهرب أو ملمس وشمال يمين دماغه مقفله لازم اكشف على العربيه روحت لمركز متخصص قال لى العربيه زى الفل وكشف كمبيوتر وغرامه على الفاضى وقال لى كله تمام اتصلت بالباشا بتاع البطاريات قال لى بطاريتى شحنت وعلمت اخضر وزى الفل قلتله كلم مهندس المركز قال لى لا وبعدها بساعه اتصل وقال لى سيبلى بطاريتك يوم كمان فى الاختبار مش عارف حاسس ان فيه اشتغاله افيدونى هو طبيعى الشرز ده مع تركيب الكابلات مع البطاريه وهل فيه تسريب فعلا ولو فيه تسريب كهرباء ليه ما ظهرش من اربعه اشهر وللعلم هو يوم واحدمخرجتش بالعربيه فيه وطبعا مانسيتش لا انوار ولا كاسيت ولا اى حاجه شغاله هو اللى حصل ده ايه عيب فى البطاريه ولا ايه  
|
|
#2
30-04-2012, 08:19 AM
|
|||
|
|||
|
رد: استشاره فى بطاريه جافه
اخى الفاضل
لا تتسرع فى حكمك على الرجل وايضا لا تحكم بسرعة على البطارية فيه اكثر من طريقة تعرف بيها المشكلة فين الاول راجع الاتى القواطيش بتاعة البطارية - كابلات البطاية عندك - نظفهم كويس - ممكن يكون عليهم ملح او اوساخ تمنع التوصيل الجيد ثانيا اربط كويس القواطيش ودوس عليهم جامد فى الربط لانه احيانا بيكون عدم الربط الجيد هو السبب ثالثا لما تخلع كابلات البطارية انا اتعلمتها زمان من هنا من الانترنت والبحث فى المنتديات ان الصح فيها هو اخلع الموجب الاول وبعدين اخلع الارضى ولما تيجى تركب ركب الارضى الاول ثم ركب الموجب بعد كده يعنى اخر حاجة شلتها هى اول حاجة تركبها وبعدين شوف هل هيحدث شرز ولا لآ لو ما حصلشى جرب ودور وان شاء الله تنتهى المشكلة اذا تكررت مشكلتك مرة اخرى خد البطارية المتهومة الى انت شاكك فيها وجربها عند حد من اصحابك اذا دارت العربية يبقى العيب عندك وفيه مشكلة فى عربيتك طيب عايز كمان تشوف هل فيه تهريب فى عربيتك ولا لا فيه طريقة بسيطة وعلمية اتعلمتها من منتدى سعودى كان كاتبها الاسطورة الاصيل الحجازى وده مالوش حل فى علم السيارات وجربتها وبصراحة ممتازة العربية تكون مبطلة ومطفية هات أفوميتير وجهزة لقياس الاوم يعنى المقاومة وفك كابل البطارية السالب ووصله بالطرف الاسود للافو ووصل الطرف الاحمر للافو بالكابل المخلوع نفسه واضبط الافو على قياس الاوم ما تنساش اذا الافو قرى عندك أقل من 75 أوم يبقى انت ان شاء الله ما عندكش مشكلة تقريبا ولا يوجد تهريب ولا يوجد مشكلة المشكلة فى حاجة تانية ممكن تكون البطارية نفسها اذا الافو قرى عندك اكثر من 100 اوم او اعلى يبقى فيه تسريب او تهريب والمشكلة عندك والله اعلم اخوك بيتعلم بس حبيت أفيدك بمعلومة بسيطة على قدى يمكن تنفعك وانتظر راى استاذتنا فى المنتدى لما يشوفوا المشاركة بتاعتك اكيد هيوجهوك تمام واحسن كده لانى على قدى
|
|
#3
30-04-2012, 10:48 PM
|
||||
|
||||
|
رد: استشاره فى بطاريه جافه
اشكرك جدا على اهتمامك اخى الفاضل
من ناحيه المراجعه على القواطيش والاملاح مفيش الكلام ده والحمد لله نهائى لا املاح ولا القواطيش فيهم اى مشكله والتربيط كان مظبوط جدا اما من ناحيه الآفو ميتر مجربتهاش انا اصلا وديت العربيه للمركز والمهندس قال لى مفيش اى مشكله انا رحت لبتاع البطاريات النهارده ورجع يقيس لى الشحن من تانى على البطاريه القديمه الى مركبها لى من عنده وعلى فكره البطاريه القديمه شكلها بتاعت زبون وشغاله عندى زى الفل وفى الاخر قال لى سيبلى بطاريتك كمان يوم علشان اراجع لك عليها يعنى بكره هيكون تالت يوم بيقولى اختبار مش فاهم ليه وارجوا من الاخوه اصحاب الخبره ان يدلوا بدلوهم فى الموضوع
|
|
#4
14-05-2012, 02:18 AM
|
|||
|
|||
|
رد: استشاره فى بطاريه جافه
السلام عليكم
 موضوع الشرز عند توصيل القواطيشده طبيعى فى كل السيارات الحديثه لأن كلها بها كنترول وده بيكون به كهرباء دائما واصله بدون كونتاك وكمان الساعه بتاع العربيه وكمان الكاسيت سلك الذاكره تسريب الكهرباء ممكن يكون مجرد نسيان أى حاجه فى العربيه شغاله مثلا نور الصالون أو النور الصغير أو أى شيء أخر حضرتك طالما جربت بطاريه أخرى ولم تظهر المشكله وقمت بقياس الشحن وطلع مظبوط وبطاريتك بعد شحنها إشتغلت كويس يبقى ممكن يكون الموضوع كان نسيان أى حاجه شغاله في العربيه ولو تكررت المشكله بعد ذلك لو كان اللى بيحصل ده الصبح بس تقوم بعمل شيء مهم جدا وهو فصل أى قطاش بطاريه لا يهم إذا كان موجب أوسالب فى الليل أو أخر اليوم لو مش هاتستعمل العربيه مره أخرى فى هذا اليوم وتقوم بتوصيله فى الصبح وتجرب لو إشتغلت العربيه وكانت الدواره عاديه يبقى المشكله تسريب وتكرر التجربه عده أيام أما إذا لم تعمل السياره يبقى عيب بطاريه مهم لازم يكون كل الكلام اللى قولت عليه وأولها التأكد من شحن الدينامو وقياسه علشان يكون تحديد العيب صح وأريد أن أصحح معلومه قرأتها في أحد الردود إن لازم تفصل قطاش معين فى الأول وفى التوصيل توصل قطاش معين هذا الكلام مع إحترامى لصاحبه ليس له أى أساس علمى أو عملى على فكره أنا كهربائى سيارات أعمل فى هذا المجال من سنه 1987 وكنت بأقوم بتجميع البطاريات القديمه السوداء اللى صندوها من البلاك وكنت بصلحها وأغير لها أرباع أو تجديدها بالكامل وشكرا
|
|
#5
14-05-2012, 03:13 AM
|
|||
|
|||
|
رد: استشاره فى بطاريه جافه
قبل ما تقول كلامى غير صحيح أو غير عملى
أقرأ واعرف وجرب وشوف حد مهندس سيارات واساله لان الشغل فى الورش ما يخليش الانسان دكتور ابدا وهات الدليل على صحة كلامك عمليا بالنسبة لكلامى انا عندى دليل عليه والخبراء والمهندسين فى كل مكان اسال اى واحد هتلاقى كلامى مضبوظ وكلامك مش مضبوط - مع احترامى ده فقط على سبيل المثال لا الحصر اقرا واستفيد .... مهندس/ صلاح يحيى سالمان وله مقالات عدة على الانترنت بيقول عن صيانة البطارية أن نفك البطارية من السيارة ونجرى لها الصيانة كما يلى : ( فك القطب السالب- فك سلك توصيل الموجب مع البطارية – فك صامولة تثبيت البطارية – فك كرسى تثبيت البطارية مع الشاسية – أرفع البطارية من مكانها بحذر شديد حتى لا ينسكب السائل – ضع البطارية على طاولة العمل وأجرى لها الفحص اللازم). .... وخد كمان عندك كتالوجات الصيانة وشركات السيارات والورش المتخصصة بيقولوا ايه ارجع لكتالوج الصانع لاى عربية حديثة يجب البدء بفك القطب السالب الايرث ثم فك القطب الموجب البطارية وعند التركيب شوف بيقول ايه ركز يجب البدء بتركيب القطب الموجب الاول ثم ابدأ بتركيب القطب السالب عند تبديل البطارية والعربية طافية ده مش كلامى ده كلام الى عمل العربيات والبطاريات الكتالوجات ودليل الصيانة ومهندسين السيارات فى كل الدنيا ليه علشان برمجة العربية خصوصا عربيات ما بعد 2005 ........................ ياريت تاخد بالك قبل ما تعلق على موضوع علشان الناس تاخد معلومة مضبوطة وما تزعلشى منى مصر فيها 80 مليون شغالين فى كهرباء السيارات والبطاريات بياكلوا عيش بيفتوا بيقولوا الى نفسهم فيه انما مش معنى ده انهم خبراء ودكاتره وتحياتى التعديل الأخير تم بواسطة الايطالى الصغير ; 14-05-2012 الساعة 03:27 AM
|
|
| أدوات الموضوع | |
|
|
