محتار بين عربيتى 132 وواحده تيمبرا

[محمدصلاح القاضى]

انا النهارده شوفت عربيه تيمبرا 1400 سى سى لونها سماوى بس بسم الله ماشاء الله زى الفل هى موديل 1990 عامله 30 الف كيلو بس منزلتش رفرف العربيه شركه بره وجوه بلغه التجار عدادت ديجيتال كلها شغاله وباور وزجاج كهربا وكويل التكيف شغال وكامل بس الكمبورسر مش راكب لا هوا ولا السربنتينه لان العربيه كانت استيراد معوقين فهما كانوا بيلغو بعض الكماليات زى التكيف عشان الجمراك وكدا التابلوه زيرو الفرش فرش بلادها الاصلى وبرضه حاجه بسم الله ماشاء الله تحفه لدرجه ان الموكيت بتاع الارض لسه عليه البلاستيك بتاعه والراجل صاحبها عملها كسوه كراسى جلد وفرش ارضيه جلد برضه العربيه بسم الله ماشاء عروسه واقفه العربيه استيراد ايطالى موتور 1400 مالوش صوت خالص بطاريه جديده وفردتين كاوتش جديد قدام مش عارف الراجل حس ان العربيه عجبانى اوووى لحد ما جينا للسعر هو دا سبب الحيره الراجل بيتكلم مبدئى فى 35 الف جنيه فمش عارف هل السعر كدا عالى ولا ايه ؟
مع العلم ان العربيه عجبانى اوووووووووووووووووووووووو وووووووووى

[hazem_khidr]

35 طبعا كتير اوي علي عربيه موديل 90 ايا كانت
لو 30 الف يبقي كويس

[محمدصلاح القاضى]

انا قولت كدا برضه
بس مش عارف اوصل له المعلومه دى ازاى !!!!!!!!!!!!!!!!!!!!!!
محتار جداااااا

[محمدصلاح القاضى]

اين بقيه الاعضاء
الاستاذ حازم خضر هو بس اللى تفضل ورد عليا مش معقوله كدا
فين الاعضاء

[hazem_khidr]

فهمه بالراحه
قوله انت بتتكلم في عربيه موديل 90 و 35 الف
طب لو كده انا ممكن اجيب بيهم لانوس موديل 98 و لو فابريقه بحاله عربيتك هتبقي 38 الف
و اسمي راكب عربيه موديل عالي و قطع غيارها رخيصه و مش بس كده و كمان مكيفه
و اتك اوي علي نقطه التكييف دي و قوله محدش النهارده بيجيب عربيه من غير تكييف