|
منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
أدوات الموضوع |
#1
|
|||
|
|||
يعنى ايه عربيه مشيسه؟
السلام عليكم
ازيكم يا احلى ناس انا كان عندى سؤال مهم و كنت عايز اهل الخبره و المجربين يردوا عليا و يعرفونى الاجابه بصدق السؤال .... يعنى ايه عربيه مشيسه " انا عارف طبعاً بس هل شراء العربيات دى خطر و مبترجعش زى الاول و بيبقا ركوبها خطر و لا تعتبر زيها زى المستعمل كده .... خاصه ان العربيه بتخرج من تحت ايد الراجل زى الجديده بس معروف انها عربيات حوادث و عامله حادثه ارجو الافاده و بصدق كما تعودت من اعضاء المنتدى شكراً التعديل الأخير تم بواسطة AbOnOrA ; 13-05-2009 الساعة 11:01 AM سبب آخر: تصحيح العنوان |
#2
|
||||
|
||||
رد: يعنى ايه عربيه مشيسه؟
اخى احب اقولك انك تبعد عنها على طول لانهاخطر جدا
1- حتاكل منك كاوتش كل شهر 2- السرعة بعد 60 فجاة تجد السيارة فى عدم اتزان ولم تقدر تتحكم بها لان الشاسية لا يمكن ضبطة بالملى ولابد من وجود لوحة 3- لومغير ربع مع المطبات لازم ينكسر تانى من الاخر ماينفعش
__________________
|
#3
|
||||
|
||||
رد: يعنى ايه عربيه مشيسه؟
شاسية العربية زى العمود الفقرى فى البنى ادم فعربية مشيسة زى واحد عندة تشوه فى العمود الفقرى وده يعنى اعاقة طول عمرة
لكن زمان غير دلوقتى زمان كان حلول معالجة الشاسية صعبة ولحامات واستعدال بالتسخين والطرق وديه حاجات كلها بتقلل من كفائة الشاسية وصلابتة حتى ولو اتعدل بعدها لكن دلوقتى بقت فيه اجهزة السحب على البارد واجهزة القياس اللى بتخلى عملية الاستعدال ادق وافضل فى النتيجة وبدون التقليل من كفائة صلب الشاسية بس دائما كل عربية حاجة خاصة ممكن عربية يكون اعوجاج الشاسية بسيط ويترد بالسحب على البارد وترجع زى الاول وممكن يكون العيب بسيط وصنايعى يعك الدنيا اكتر وممن يبقى عيب كبير ميجيش على البارد اصلاً انا لو مكانك وقدامى عربية سعرها مغرى جداً بس كان فيها عيب شاسية واتصلح لازم اكشف على الشاسية فى مكان متخصص ولازم السمكرى يبص عليها كويس جدا ويتأكد ان الشاسية مفيهوش اى لحامات او مشغول باى شغل واكشف زوايا واذا كانت مطمئنة ممكن اشتريها (بالسعر المناسب لحالتها) ليه لاء |
#4
|
|||
|
|||
رد: يعنى ايه عربيه مشيسه؟
الشكر ليك كل الشكر استاذ old man و الاستاذ ابو نورا و بجد معلوملتكو فادتنى بس ياريت ممكن سؤال تانى
طب ايه الخبطات المقبوله ؟؟ يعنى لو العربيه اتخبطت فى و شها و الخبطه وصلت لنص الكبوت مثلاًً ؟؟ و كمان لو متاخده خبطه و ربعها ضايع ؟؟ و بجد معلومه السرعه لما تزيد العربيه فعلاً مبتبقاش متزنه اكيده فى كل العربيات ؟؟ اصل فى ناس كتير قالولى عليها و انها تعدى الستين بتهيس !! وصلت لدرجه ان واحد قالى ممكن تدوس فرامل تلاقيها بتدى بنزين ؟!! |
#5
|
||||
|
||||
رد: يعنى ايه عربيه مشيسه؟
لاء طبعا مش للدرجة ديه بس طبعاً موضوع التوازن ده بيحصل علشان كده قولتلك لازم تشكف على الشاسية والزوايا
انا شخصياً المقبول بالنسبالى شاسية اتعوج (مش اتعصر) وتم استعدالة بالسحب على البارد او بالكتير قنطرة تتغير لكن عربية متغيرلها ربع ديه مقلقة جداً بصراحة |
|
|