عاوز نصيحة فى المقلب اللى أخذته

[tham1010]

يا جماعة أنا عندى ماتركس (لافيتا) 2001 إستيراد منطقة حرة. طبعا العربية كانت تمام من برة يعنى مفيش أى خدوش كبيرة أو تقشير. يعنى منظر تمام. اليوم ,انا مغطيها جاء سواق عربية نقل كبيرة بمقطورة شايل رمل. وكنت راكن فى جنب والناحية الثانية أتوبيس واقف. المهم الراجل زمر مرتين وهدى والأتوبيس مش أتحرك راح داخل بينى وبين الأتوبيس الراكن. وفجاءة بعد ما عددت كل العربية شبك الأكصدرام بتاعة فى الغطاء الوتر بروف بتاعى وراح قطعة من فوق لتحت ومهربدة تمام وراح ضارب الرفرف بتاع العربية بتاعتى من فوق العجلة الخلفية بالضبط. ستر ربنا ان الخبطة كانت بحجم صغير يعنى بقطر 15 سنتى فى الطرف بالضبط فوق الكوتش.

الخبطة دى كشفت أن الصاج واخد برومة تمام لان الخبطة فشفشت الصاج ولقيتة مفتت اسود. رحت لسمكرى قال لى أن لو عاوز الشغل الصح يبقى نجرد لحد ما نشوف أخر البارومة فين ونقطع الصاج المصدى ونركب صاج جديد باللحام وبعدين تمعجن وترش المنطقة المتجردة.....

أنا أول مرة يحصل معايا حاجة كدة. طبعا حسيت أنى اتخميت تمام أن العربية شكلها بوية الفابريكة ولكن الظاهر أن العربية مرشوشة... أخذت معاد معاه يوم الثلاثاء

والأن إلا الأسئلة

1- هل ممكن ان العربية تصاب بالبارومة ويفضل بوية الفابريكة عليها؟ هل كل العربيات الللا بيعدى عليها كام سنة بتصاب بالبارومة بنسب مختلفة

2- هل الحل اللى قالة السمكرى دى صح؟

3- هل قطع الصاج وتركيب صاح جديد وصنفرة ورش بوية مش هيترك أى أثر أم أنه سوف يكون هناك اختلاف وتبان أن الحتة دى متغير لها صاج ومرشوشة........ العربية ميتالك فستقى


4- كم يتكلف شى مثل هذا الإصلاح. أنا أول مرة أتعامل مع سمكرى ومش عارف فى حدود كام يتكفل السمكرة وكام يتكلف البوية....

شاكر لك من قام بالرد... اريد خبرتكم...

[shedo6]

المشاركة الأصلية كتبت بواسطة tham1010 يا جماعة أنا عندى ماتركس (لافيتا) 2001 إستيراد منطقة حرة. طبعا العربية كانت تمام من برة يعنى مفيش أى خدوش كبيرة أو تقشير. يعنى منظر تمام. اليوم ,انا مغطيها جاء سواق عربية نقل كبيرة بمقطورة شايل رمل. وكنت راكن فى جنب والناحية الثانية أتوبيس واقف. المهم الراجل زمر مرتين وهدى والأتوبيس مش أتحرك راح داخل بينى وبين الأتوبيس الراكن. وفجاءة بعد ما عددت كل العربية شبك الأكصدرام بتاعة فى الغطاء الوتر بروف بتاعى وراح قطعة من فوق لتحت ومهربدة تمام وراح ضارب الرفرف بتاع العربية بتاعتى من فوق العجلة الخلفية بالضبط. ستر ربنا ان الخبطة كانت بحجم صغير يعنى بقطر 15 سنتى فى الطرف بالضبط فوق الكوتش. الخبطة دى كشفت أن الصاج واخد برومة تمام لان الخبطة فشفشت الصاج ولقيتة مفتت اسود. رحت لسمكرى قال لى أن لو عاوز الشغل الصح يبقى نجرد لحد ما نشوف أخر البارومة فين ونقطع الصاج المصدى ونركب صاج جديد باللحام وبعدين تمعجن وترش المنطقة المتجردة..... أنا أول مرة يحصل معايا حاجة كدة. طبعا حسيت أنى اتخميت تمام أن العربية شكلها بوية الفابريكة ولكن الظاهر أن العربية مرشوشة... أخذت معاد معاه يوم الثلاثاء والأن إلا الأسئلة 1- هل ممكن ان العربية تصاب بالبارومة ويفضل بوية الفابريكة عليها؟ هل كل العربيات الللا بيعدى عليها كام سنة بتصاب بالبارومة بنسب مختلفة 2- هل الحل اللى قالة السمكرى دى صح؟ 3- هل قطع الصاج وتركيب صاح جديد وصنفرة ورش بوية مش هيترك أى أثر أم أنه سوف يكون هناك اختلاف وتبان أن الحتة دى متغير لها صاج ومرشوشة........ العربية ميتالك فستقى 4- كم يتكلف شى مثل هذا الإصلاح. أنا أول مرة أتعامل مع سمكرى ومش عارف فى حدود كام يتكفل السمكرة وكام يتكلف البوية.... شاكر لك من قام بالرد... اريد خبرتكم...

السلام عليكم اخي

انا هاقول اللي اعرفه يمكن يفيدك

من جوالي 15 سنه انا كنت اشتريت عربيه بيجو 504 من الاسكندريه وكانت رشه من بره والدواخل فابريكه

وبعد 3شهور ظهرت فيها البارومه وعرفت ان المدن الساحليه اغلب العربيات فيها كلها بارومه ودا نتيجة الجو عندهم

المهم حاولت اعالج البارومه زي ما السمكري قالك لكن بعد ما اقص البارومه والحم الصاج وادهنها تظهر تاني بعد مده قصيره

انا ما استريحتش الا لما شلتها كلها علي الصاج وغيرت اللي فيه بارومه بجديد رفارف وبيبان

فمن رأيي انك تجيبها علي الصاج لكن حافظ علي الدواخل بدهانها وتغير اللي فيه بارومه وادهن العربيه بالكامل من الخارج فقط

اما بالنسبه للتكلفه فدي علي حسب مقدرتك في نوع الصاج اللي هاتجيبه والدهان وتكلفته والمصنعيه

وعموما ما حدش بيتعلم بالساهل يا باشا وربنا يوفقك

[tham1010]

متشكر للرد. بس حضرتك فرضت ان العربية كلها بارومة. طبعا انا مش عارف اللى مسخبى ايه

[mm_champion]

الحمد لله وقدر الله ما شاء فعل وعسى ان تكرهوا شيئاً وهو خير لكم ,, وكويس ان الخبطة دي كشفتلك البارومة عشان من معلوماتي لو متعملتش بتكبر وممكن يكون ليها آثار سيئة وخطورة على سلامتك

استحالة البارومة توصل وبوية الفابريكة عليها العربية دي اكيد مرشوشة بش ممكن تكون رشة نضيفة , لانك زي ما قولت جايبها استيراد
على ما اعتقد الراجل ده بيتكلم صح لانك لو رشيت كدة يبقى ملهاش لازمة , وانا شايف ان مثلا لو تغير بعض الحاجات زي الرفرف بدل ما تلحم يبقى احسن والله اعلم

[tham1010]

وهو الرفرف متوافر يعنى؟ العربية الماتركس اعتقد مش متوافر قطع خلع لها؟ مش متأكد من الجكاية دى. هو الرفرف يعمل كام وبيكون من فين لفين؟ يعنى حجم الرفرف قد ايه؟ انا خام خالص فى الكلام دة