النهاردة شغلت لمبة الشنطة فى التابلوه

[M.TONSY]

اولا احب اشكر احمد كار صاحب الفكرة
ثانيا كلكم عارفين انى امبارح ركبت زرار فصل الطرمبة وفاض من حتة سلك قولت لم استغلها واهو بالمرة وانا فاكك الدنيا قمت ممشى السلك وقولت بكرة اطبق الفكرة
جيت النهاردة فكيت فبرة كالون الشنطة وقمت موصل طرف السلك فى الصباع المسئول عن نور الشنطة وعديت السلك لغاية التابلوه وفكيت مسماير العداد وقعدت محتاس شوية لان للاسف احمد كان منزل الصور ولكن روابط الصور انتهت فمبقيتش عارف اوصل السلك فين لانى مش شايف غير لمبة الكمبيوتر وبعدين افتكرت انه قال فيه فيشتين واحدة للمض وواحدة للعدادات فعلا لقيت ريشة فاضية مش داخل فيها سلك قمت موصل السلكة فى المكان الفاضى وركبت الفيشة تانى
وحدثت المعجزة اشتغلت لمبة الشنطة فى التابلوه زى لمبى الابواب بس عبارة عن شنطة مفتوحة ولونها برتقالى وبكرة ان شاء الله هنزل صورتها ولقيت لمض كتير موجودة زى لمبة air bag -ABS حسيت ان الفيرنا BMW
المهم فى النهاية احب اقول لغبور حسبى الله ونعم الوكيل فيك علشان 4م سلك مستخسرهم فينا
معلش طولت عليكم بس بصراحة لقيتها اوبشن فعلا وموجود قولت لازم نستفاد منه وفرحت قوى لما شغلتها

[welywely]

الله ينور لازم تعملهالي يا تونسب منه لله غبور الحرامي

[هيثم سامى]

الله عليك نزلنا بقى الصور عشان نستفاد احنا كمان ونشغلها يارت توضحها على الخر عشان منخربش الدنيا

[haninatoon]

يعنى اللمبة اصلا راكبة اية دة صح
يبقى لازم الصور ياريس
ومبرررروك وعقبالنا

[lawyer9]

الله ينور عليك اخ تونسى أنا سبقتك وعاملها من كام شهر
بس للأسف كان املى لما تتوصل يشتغل جهاز الانذار مع الشنطه
لكن محصلش حتى دورت فى كتالوج جهاز الانذار لقيت مطلوب سلك موجب مش ارضى عشان يشتغل مع الشنطه
وانتا عارف ان سلك الموجب للشنطه واصله كهربا ديركت فلازم مفتاح تانى يرب فى الموجب
غلبت وملقتش طريقه