العودة   مصر موتورز مجتمع السيارات > منتدى الصيانة و اﻹصلاحات > منتدى الصيانة العام > المنتدى التعليمى والمكتبة الفنية

المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات


موضوعات متميزة

إضافة رد
 
أدوات الموضوع
  #1  
قديم 10-02-2012, 12:52 AM
الصورة الرمزية samirayad
samirayad samirayad غير متواجد حالياً
 
تاريخ التسجيل: Oct 2008
المشاركات: 7,902
شكراً: 0
تم شكره 57 مرة في 50 مشاركة
samirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond repute
افتراضي أسباب زيادة أستهلاك السياره للبنزين

الكثير منا ممن يملكون السيارات يتمنون أن يكون

معدل إستهلاك سيارته للبنزين بأقل معدل ممكن


فهل أنت تشكو من زياده فى إستهلاك البنزين بسيارتك .....؟

وهل تلاحظ أن مؤشر البنزين دائما على خلاف معك

ولايريد أن يبرح مكانه على المؤشر بصوره معقوله

الأمور التاليه فى صورة نقاط متتابعه ستجعلك

تضع يدك على لصوص البنزين بسيارتك

1- حساس الأكسجين

حساس الأكسجين بسيارتك (ذات الحقن الإلكترونى ) بيقوم

بمراقبة درجة غناء أو فقر الخليط المحترق داخل غرف الحريق

ثم يقوم بإرسال إشاره لوحدة تحكم سيارتك لكى تقوم بتصحيح

نسبة الهواء للبنزين للوصول لنسبه صحيحه

حيث تقوم الوحده من خلال التحكم فى زمن قتح الرشاشات من

إضافة أو إستقطاع نسبه من البنزين بناءا عن تحريات حساس

الأكسجين

وحينما يعجز حساس الأكسجين بيبدأ يهنج ومن هنا بتكون إشارته

لوحدة التحكم غير دقيقه ولا تعبر عن الواقع الفعلى لنسبة الهواء

للبنزين ومن هنا بيحدث الخلل فى إستهلاك البنزين

2- حساس درجة الحراره للماء

حساس حرارة الماء يقوم بمراقبة درجة حرارة مية التبريد

التى تدور داخل المحرك

إذا كان الحساس تالفا ويقرأ حراره بدرجه أقل من ماهو موجود

ودايما بيبلغ وحدة التحكم بأن المكنه بارده

فأن كمبيوتر السياره ( وحدة التحكم ) سيظل جاعل دورة التشغيل

فى صورة OPEN LOOP والتى تعنى بأن الكمبيوتر سيجعل

الخليط دائما غنيا بالبنزين

ولكن فى الواقع فأن الخليط الغنى ليس مطلوبا إلا والمحرك باردا

أو فى فترة بدءالدواره لحين إستقرار حمل السلانسيه وعدم

إرتجاج وإرتعاش المحرك وهو فى فترة التحضير لسحب السياره

تخيل بأه أن المكنه سخنه فعلا ولكن علشان الحساس تالف

ووحدة التحكم تابعه لكلامه لها

هيحصل إيه .............؟

هتستمر وحدة التحكم فى جعل الخليط غنيا مما يعنى

فقد فى البنزين دون داعى

3- ثرموستات ميكانيكى معطوب

الثرموستات بينظم حرارة المكنه وفى نفس الوقت بيساعد على

وصول حرارة المكنه للدرجه المطلوبه للتشغيل فى أسرع وقت

بعد الدواره

بيوجد الثرموستات فى بيت على المكنه وبيخرج من هذا البيت

زور يركب عليه الخرطوم العلوى الذاهب لتبريد الماء

بالردياتير .

عندما يكون المحرك باردا بيقفل الثرموستات على المكنه

بحيث لايذهب ماء للردياتير

ويجب أن يظل الثرموستات مغلقا إلى أن يتم الوصول بالحراره

لدرجة التشغيل الطبيعيه

فلوفرضنا أن الثرموستات معلق وفاتح ومش قافل صح

فى اللحظات دى

الميه هتروح للردياتير على الرغم إن المكنه بتحاول تسخن

وهذا يمنع المكنه من السخونه سريعا ومن الوارد

عدم وصول حرارة المكنه لدرجة التشغيل الطبيعيه

( دايما تلاقى عداد الحراره نازل لتحت وأنت فرحان )

القصه دى بأه بتخللى وحدة التحكم متأخره فى إدخال دورة

الحريق فى إتجاه ال closed loop operation

مما يعنى أن الخليط ( هواء + بنزين ) سيستمر غنيا لفتره كبيره

مما يعنى إستهلاك بنزين دون داعى

والسبب مين ..........صاحبنا الثرموستات

4- حريق المكنه مش حلو

إذا كان حريق المكنه غير جيدا لأى سبب من الأسباب

فإنها ستفقد كثيرا من البنزين دون داعى

طيب إيه بأه الحاجات إللى ممكن تخللى حريق المكنه مش حلو

- مشاكل دورة الأشعال

( زى البوجيهات الوحشه - كابلات بوجيهات وحشه - بوبينا

ضعيفه - أقواس كهربيه شارده بين الكابلات والبوبينا - أقواس

كهربيه شارده بين الكابلات والبوجيهات )

- خطأ الحريق يمكن أن يتواجد أيضا بسبب

(عيوب رشاشات أو وجود هروب لهواء التخلخل من مجمع دخول

الهواء للمحرك - أو ضغط ضعيف فى خطوط البنزين )

- خطأ الحريق يمكن أن يكون سببه أيضا فقد ( تفويت )

لحبك غرف الحريق سواء من فوق أو أسفل

- فى عام 1996 وماتلاه للمحركات ذات الحقن الإلكترونى

تم إدخال نظام التشخيص الإلكترونى OBD II

إن تواجد أخطاء فى حريق المحركات بيسجل عطلا فى ذاكرة

وحدة التحكم مصحوبا بإناره للمبة الأعطال Check Engine

ومع الكشف بالإسكانر بيتم تحديد الأسطوانه المتواجد بها أخطاء

حريق ثم يتم التعامل مع المحرك لأزالة هذا العطل

5- تسريب من مجمع الدخول أو من خلال بلف الEGR

هروب هواء تخلخل من مجمع الدخول بسبب تلف جوان مجمع

الهواء ( المانيفولد ) أو من خلال أى خرطوم فاكيوم

بيؤدى إلى فقر خليط الهواء والبنزين وبالتالى يحدث خطأ حريق

داخل المحرك مما يؤدى إلى زياده فى إستهلاك البنزين

أيضا بلف ال EGR الذى لايغلق على السلانسيه عندما يكون

المحرك باردا أو عندما لا يكون مطلوب حمل ميكانيكى من

المحرك بيسمح بدخول عادم ساخن للدخول إلى مجمع دخول

الهواء للمحرك

وهذا يشكل عنصر إفقار للخليط مما يؤدى إلى أخطاء حريق

وبالتالى زياده فى إستهلاك البنزين .

____________

فى هذه الحاله فأنت تحتاج للكشف على

هل يوجد تخلخل هارب من خلال مجمع الهواء

أو إنك تحل بلف ال EGR تنظف قاعدته ومكان تركيبه

- إختبار هروب الفاكيوم يمكن تنفيذه أو التحقق من تواجده من

عدمه برش منظف الثروتل بودى على طول حواف مجمع الدخول

حينما يكون المحرك دائرا فى حالة سلانسيه

فإذا حدث تغير فجائى فى وضع المكنه ( رعشه أو هزه )

فأن هذا يعنى بأن كميه من المنظف إستطاعت من النفاذ لمجمع

الدخول والدخول لغرف الحريق مع مخلوط الهواء والبنزين

- ولإصلاح هذا العيب فإنه يلزم تغيير جوان المانيفولد أى

( مجمع دخول الهواء ) أو تغيير المجمع نفسه إذا كان مشروخا

ويوجد علاج أرخص وأسرع لهذه الحاله وهو سد الخلوصات

التى تلاحظها بجوان خارجى من السيلكون الحرارى
------------------------------
وللشروخ بالمجمع ...يمكن إجراء عملية اللحام بأنبوبة

معجون لحام بعد تنظيف مكان اللحام بصوره مقبوله

وإذا لم يكن هناك هروب للفاكيوم هيتم التعامل مع بلف الEGR

- حل البلف وأفحصه من أسفله وأفحص مكان تركيبه على

المانيفولد لكى تتخلص من كل البؤر الكربونيه الموجوده أسفل

البلف أو فى مكان تركيبه والتى تعوق عمل البلف

أيضا يجب التحقق من سلامة خرطوم فاكيوم البلف

وكذلك سولونويد تشغيل البلف كهربيا

-------------------

تتبع باقى الأسباب بإذن الله


__________________

اشهر مواضيع samirayad .



قال رسول الله

إن الله ليملى للظالم ............حتى إذا أخذه .....لم يفلته

صدق رسول الله

___________

م/سمير

التعديل الأخير تم بواسطة samirayad ; 10-02-2012 الساعة 12:58 AM
رد مع اقتباس
  #2  
قديم 10-02-2012, 01:11 AM
تامر ديزل تامر ديزل غير متواجد حالياً
 
تاريخ التسجيل: Jul 2011
المشاركات: 1,725
شكراً: 0
تم شكره 7 مرة في 7 مشاركة
تامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond reputeتامر ديزل has a reputation beyond repute
افتراضي رد: أسباب زيادة أستهلاك السياره للبنزين

متابع باهتمام وتسلم ايدك
وعندي سؤال تعبت في حسابه لحد دلوقتي مش قادر اوصل لاجابه تقنعني
هل لما اشغل التكييف .. العربية تستهلك بنزين اكتر ولا لما اطفي التكييف وافتح القزاز .. لان هيبقا فيه قوة ناتجة عن دخول الهوا للعربية وبتعمل مقاومة اضافية للعربية ... عمال افكر ايه الاكتر في الاستهلاك ؟
كمان مش المفروض ان تكييف العربية ده نص حصان ؟ او حصان ؟ ولا بيبقى اكتر من كده ؟
رد مع اقتباس
  #3  
قديم 10-02-2012, 01:19 AM
الصورة الرمزية samirayad
samirayad samirayad غير متواجد حالياً
 
تاريخ التسجيل: Oct 2008
المشاركات: 7,902
شكراً: 0
تم شكره 57 مرة في 50 مشاركة
samirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond reputesamirayad has a reputation beyond repute
افتراضي رد: أسباب زيادة أستهلاك السياره للبنزين


عمال افكر ايه الاكتر في الاستهلاك ؟
الموضوع ده علشان تحسبه صح

لابد من التجربه العمليه

بمعنى

هتخوض التجربه على مرحلتين

1- مره تحسب الأستهلاك وأنت مشغل التكييف

2- مره تحسب الأستهلاك وأنت فاتح الشبابيك

من هنا ستسطيع حسابها صح وتقارن


كمان مش المفروض ان تكييف العربية ده نص حصان ؟ او حصان ؟ ولا بيبقى اكتر من كده ؟
أكتر من كده يا أخى

أعتقد قدرة الضاغط لن تقل عن تلاته أو أربعه حصان ( على سبيل المثال )

وهحاول أبقى أحددها بصوره أدق من خلال قرآتى
__________________

اشهر مواضيع samirayad .



قال رسول الله

إن الله ليملى للظالم ............حتى إذا أخذه .....لم يفلته

صدق رسول الله

___________

م/سمير
رد مع اقتباس
  #4  
قديم 10-02-2012, 01:21 AM
الصورة الرمزية hamed2020
hamed2020 hamed2020 غير متواجد حالياً
 
تاريخ التسجيل: Oct 2011
الموقع: EGYPT
المشاركات: 545
شكراً: 0
تم شكره 6 مرة في 3 مشاركة
hamed2020 has much to be proud ofhamed2020 has much to be proud ofhamed2020 has much to be proud ofhamed2020 has much to be proud ofhamed2020 has much to be proud ofhamed2020 has much to be proud ofhamed2020 has much to be proud ofhamed2020 has much to be proud ofhamed2020 has much to be proud of
افتراضي رد: أسباب زيادة أستهلاك السياره للبنزين


المشاركة الأصلية كتبت بواسطة تامر ديزل مشاهدة المشاركة

متابع باهتمام وتسلم ايدك
وعندي سؤال تعبت في حسابه لحد دلوقتي مش قادر اوصل لاجابه تقنعني
هل لما اشغل التكييف .. العربية تستهلك بنزين اكتر ولا لما اطفي التكييف وافتح القزاز .. لان هيبقا فيه قوة ناتجة عن دخول الهوا للعربية وبتعمل مقاومة اضافية للعربية ... عمال افكر ايه الاكتر في الاستهلاك ؟
كمان مش المفروض ان تكييف العربية ده نص حصان ؟ او حصان ؟ ولا بيبقى اكتر من كده ؟
+1
__________________

اشهر مواضيع hamed2020 .

0 تقرير:KIA RIO 2012 (H-B & SEDAN)
0 حصريا : اسعار و مواصفات كيا ريو 2012 سعودي الان في مصر
0 اسعار البنزين الجديده تنتظر موافقه الرئيس
0 حد يساعدي اعرف معارض و مميزات الخليجي ( + قصتي في توكيل كيا بيكانتو )
0 ناويت علي لوجان مستعمله (عايز نصيحه احلي شباب )
0 اصلح و لا اغير المتور جولف 76 ارجو المساعده
0 تأكيد خبر ارتفاع سعر البنزين و طريقه اعطاء الدعم عليه (الكوبنات )
0 رفع اسعار هيونداي 2013 اكتر من 5000 جنيه
0 ارجو المساعده محتاااااااااااااااار جداااااااااااااا
0 مساعده لاخوكم الصغير في شراء مستعمل

رد مع اقتباس
  #5  
قديم 10-02-2012, 02:08 AM
osha_ahmed osha_ahmed غير متواجد حالياً
 
تاريخ التسجيل: Jul 2009
المشاركات: 11
شكراً: 0
تم شكره 0 مرة في 0 مشاركة
osha_ahmed is on a distinguished road
افتراضي رد: أسباب زيادة أستهلاك السياره للبنزين

الله ينور يا بشمهندس
معلومات قيمة جدا
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 08:10 PM.


Powered by vBulletin® Copyright ©2000 - 2016, Jelsoft Enterprises Ltd.
www.MasrMotors.com ™ Copyright ©2008 - 2016
Egyptian Automotive Community
جميع الحقوق محفوظة - مصرموتورز 2008 - 2016